Santali poem - Setak written by Paul Jujhar Saren in 1936

 

Glimpse of Santali poems

Paul Jujhar Saren’s poem Setak (Morning) is an awareness type of poem. Where he is enouncing that don’t be a lazy, be a working man. Only a hard working man can go so far to the life. He also wrote down the beautiful scenery of a fresh morning, where sun is rising, birds are chirping , how the whole creation  wake  in a morning and with a beautiful comparison he described the human habits with them. This poem is taken from his book called “Baha Dalwag” which was published in 1936  from the “Benageria Mission Press”. Below I wrote the poem in Santali (OL -CHIKI) and it’s substances for readers.

 

 

ᱥᱮᱛᱟᱜ

ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ

 

ᱠᱩᱠᱩᱲᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ!

ᱥᱟᱺᱰᱤ ᱥᱤᱢ ᱠᱚᱞᱮ ᱠᱷᱚ, ᱠᱤᱥᱱᱤ ᱫᱟᱨᱮ ᱠᱷᱚᱱ,

ᱦᱚᱜ ᱦᱚ ᱠᱟᱱ ᱧᱟᱧᱟᱢ ᱠᱟᱱ , ᱫᱮᱥᱮ ᱵᱮᱨᱮᱫ ᱯᱮ !

 

ᱠᱩᱠᱩᱲ ᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ !

ᱥᱤᱧ ᱢᱟ ᱵᱷᱳᱨ ᱠᱟ.ᱢᱤ ᱡᱚᱝ, ᱵᱟᱨᱟᱝ ᱢᱟ ᱵᱟᱨᱟᱝ

ᱫᱟᱨᱟ ᱠᱟᱱ ᱥᱤᱧᱮ ᱨᱟᱡᱽ, ᱫᱮᱥᱮ ᱵᱮᱨᱮᱫ ᱯᱮ!

 

 

ᱠᱩᱠᱩᱲ ᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ !

ᱪᱮᱬᱮ ᱢᱟ ᱪᱤᱯᱨᱩᱫ , ᱠᱟ.ᱦᱩ ᱢᱟ ᱦᱳ ᱠᱩᱲᱤᱫ ,

 ᱯᱟᱥᱱᱟᱣᱮᱱ ᱪᱟ.ᱨᱤᱭᱟ. ᱠᱳᱱᱰ , ᱫᱮᱥᱮ ᱵᱮᱨᱮᱫ ᱯᱮ !

 

ᱠᱩᱠᱩᱲ ᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ !

ᱥᱤᱨᱡᱚᱱ ᱢᱟ ᱪᱮᱴᱷᱟ.ᱣᱮᱱ , ᱫᱟᱱᱫᱟ ᱨᱮ ᱫᱷᱟᱨᱟ.ᱣ ᱮᱱ ,

ᱠᱩᱲᱦᱤᱭᱟ. ᱢᱚᱱ ᱪᱮᱫᱟᱜ ᱦᱳ, ᱫᱮᱥᱮ ᱵᱮᱨᱮᱫ!

 

ᱠᱩᱠᱩᱲᱪᱩᱫ! ᱫᱮᱥᱮ ᱵᱮᱨᱮᱫ ᱯᱮ !

ᱵᱮᱨᱮᱫ ᱯᱷᱟᱨᱱᱟᱣᱚᱜ ᱯᱮ, ᱠᱟ.ᱢᱤ ᱡᱚᱝ ᱮᱦᱚᱵ ᱯᱮ ,

ᱟ.ᱠᱤᱞ ᱦᱚᱨ ᱯᱟᱸᱡᱟᱭ ᱨᱮ ᱫᱮᱥᱮ ᱵᱮᱨᱮᱫ ᱯᱮ!

 

ᱠᱩᱠᱩᱲᱪᱩᱫ! ᱫᱮᱥᱮ ᱵᱮᱨᱮᱫ ᱯᱮ!

ᱢᱟᱱᱣᱟ ᱦᱳ ᱟᱯᱮ , ᱪᱮᱠᱟ.ᱛᱮ ᱵᱩᱡᱽ ᱵᱟᱯᱮ,

ᱞᱟᱦᱟ ᱥᱮᱫ ᱢᱚᱦᱰᱟᱜ ᱨᱮ, ᱫᱮᱥᱮ ᱵᱮᱨᱮᱫ ᱯᱮ!

 

»ᱚᱱᱚᱬᱦᱮ ᱩᱯᱨᱩᱢ — ᱢᱟᱱᱚᱛᱟᱱ ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ ᱜᱚᱢᱠᱮᱭᱟᱜ ᱚᱞ ᱥᱮᱛᱟᱜ ᱚᱱᱚᱬᱦᱮ ᱫᱚ ᱵᱮᱱᱟᱜᱟ.ᱲᱤᱭᱟ. ᱢᱤᱥᱚᱱ ᱯᱨᱮᱥ ᱠᱷᱚᱱ ᱑᱙᱓᱖ ᱥᱟᱞ ᱨᱮ ᱨᱳᱢᱟᱱ ᱟᱠᱠᱷᱚᱨ ᱛᱮ ᱪᱷᱟᱯᱟ ᱥᱚᱫᱚᱨ ᱞᱮᱱ ᱵᱟᱦᱟ ᱰᱟ.ᱞᱣᱟ.ᱜ ᱯᱩᱛᱷᱤ ᱨᱮ‌ ᱥᱮᱞᱮᱫ ᱢᱮᱱᱟᱜ ᱟᱠᱟᱫᱟ᱾

 

»ᱥᱟᱨ ᱠᱟᱛᱷᱟ (SUBSTANCE)  — ᱥᱟᱞ ᱥᱟ.ᱨᱤᱭᱟ. ᱚᱱᱚᱬᱦᱤᱭᱟ. ᱯᱟ.ᱩᱞ ᱡᱩᱡᱷᱟ.ᱨ ᱜᱚᱢᱠᱮᱭᱟᱜ ᱚᱞ‌ ᱥᱮᱛᱟᱜ ᱚᱱᱚᱬᱦᱮ ᱫᱚ ᱢᱤᱫ ᱪᱤᱨᱞᱜᱟ.ᱞᱤᱭᱟ. ᱚᱱᱚᱬᱦᱮ ᱠᱟᱱᱟ᱾ ᱡᱟᱦᱟ ᱨᱮ ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮ ᱥᱟᱱᱟᱢ ᱠᱚ ᱜᱩᱲᱦᱤᱭᱟ. ᱢᱚᱱ ᱵᱟᱝ ᱛᱟᱦᱮ ᱠᱟᱛᱮᱜ ᱪᱚᱴᱚᱜᱚᱜ ᱞᱟ.ᱜᱤᱫ ᱮ ᱢᱮᱛᱟ ᱟᱠᱚ ᱠᱟᱱᱟ᱾ ᱟᱨ ᱱᱚᱣᱟ ᱠᱟᱛᱷᱟ ᱠᱚᱫᱚ ᱢᱤᱫ ᱥᱤᱢ ᱥᱟᱺᱰᱤ ᱥᱟᱶᱛᱮ ᱥᱮᱛᱟᱜ ᱨᱮ ᱧᱮᱞᱚᱜ ᱥᱟᱱᱟᱢ ᱞᱮᱠᱟᱱ ᱧᱮᱱᱮᱞ ᱠᱚ ᱥᱟᱶᱛᱮ ᱡᱚᱱᱚᱲ ᱠᱟᱛᱮᱜᱼᱮ ᱥᱚᱫᱚᱨ ᱟᱠᱟᱫᱟ᱾  ᱡᱮᱞᱮᱠᱟ—

 

 

         ᱢᱟᱱᱚᱛᱟᱱ   ᱚᱱᱚᱬᱦᱤᱭᱟ. ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ ᱜᱚᱢᱠᱮ ᱯᱩᱭᱞᱩ ᱛᱷᱟᱨ ᱨᱮᱭ ᱢᱮᱱ ᱟᱠᱟᱫᱟ—

“ᱠᱩᱠᱩᱲᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ!

ᱥᱟᱺᱰᱤ ᱥᱤᱢ ᱠᱚᱞᱮ ᱠᱷᱚ, ᱠᱤᱥᱱᱤ ᱫᱟᱨᱮ ᱠᱷᱚᱱ,

ᱦᱚᱜ ᱦᱚ ᱠᱟᱱ ᱧᱟᱧᱟᱢ ᱠᱟᱱ , ᱫᱮᱥᱮ ᱵᱮᱨᱮᱫ ᱯᱮ!”

ᱠᱩᱠᱩᱲ ᱪᱩᱫ! ᱥᱮ ᱥᱮᱛᱟᱜ ᱨᱮᱭᱟᱜ ᱥᱤᱢ ᱨᱟᱜ ᱫᱚ ᱢᱤᱫ ᱥᱞᱳᱜᱟᱱ ᱞᱮᱠᱟᱛᱮᱭ ᱵᱮᱣᱦᱟᱨ ᱟᱠᱟᱫᱟ, ᱚᱱᱟᱛᱮ ᱚᱱᱚᱬᱦᱮ ᱨᱮᱭᱟᱜ ᱥᱟᱱᱟᱢ ᱛᱷᱟᱨ ᱨᱮᱜᱮ ᱧᱮᱞ ᱧᱟᱢᱚᱜ-ᱟ᱾ ᱥᱟᱶᱛᱮ ᱱᱟᱣᱟ ᱛᱷᱟᱨ ᱛᱮ ᱢᱟᱱᱚᱛᱟᱱ ᱜᱚᱢᱠᱮᱭ ᱢᱮᱱ ᱦᱚᱪᱚ ᱟᱠᱟᱫᱟ, ᱥᱟᱺᱰᱤ ᱥᱤᱢ ᱠᱚ ᱠᱚᱞᱮ ᱠᱚᱷᱚᱱ ᱠᱤᱥᱱᱤ ᱫᱟᱨᱮ ᱠᱷᱚᱱ ᱥᱮ ᱪᱮᱬᱮ ᱪᱩᱯᱲᱤ ᱠᱚ ᱥᱟᱱᱟᱢ ᱠᱚ ᱵᱮᱨᱮᱫ ᱠᱟᱛᱮᱜ , ᱟᱠᱚᱣᱟᱜ ᱨᱟᱜ ᱟᱫᱳᱬ ᱛᱮᱠᱚ ᱦᱚ ᱦᱚ ᱟᱵᱚᱱ ᱠᱟᱱᱟ ᱫᱮᱥᱮ ᱵᱮᱨᱮᱫ ᱯᱮ,

ᱫᱮᱥᱮ ᱵᱮᱨᱮᱫ ᱪᱮᱸᱜᱷᱟᱜ ᱯᱮ ᱾

 

 

                       ᱚᱱᱠᱟ ᱜᱮ ᱫᱚᱥᱟᱨ ᱛᱷᱟᱨ ᱨᱮ ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮᱭ  ᱪᱟᱨᱦᱮ ᱟᱡᱟᱫᱟ—

“ᱠᱩᱠᱩᱲ ᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ !

ᱥᱤᱧ ᱢᱟ ᱵᱷᱳᱨ ᱠᱟ.ᱢᱤ ᱡᱚᱝ, ᱵᱟᱨᱟᱝ ᱢᱟ ᱵᱟᱨᱟᱝ

ᱫᱟᱨᱟ ᱠᱟᱱ ᱥᱤᱧᱮ ᱨᱟᱡᱽ, ᱫᱮᱥᱮ ᱵᱮᱨᱮᱫ ᱯᱮ!”

ᱢᱮᱱ ᱫᱚ ᱵᱮᱨᱮᱫ ᱯᱮ ᱥᱟᱱᱟᱢ ᱠᱚ , ᱢᱟ ᱵᱮᱨᱮᱫ ᱪᱮᱸᱜᱷᱟᱜ ᱯᱮ ᱾ ᱪᱮᱫᱟᱜ ᱥᱮ ᱥᱤᱧ ᱵᱷᱳᱨ ᱟᱠᱟᱱᱟ᱾ ᱥᱤᱧ ᱵᱷᱳᱨ ᱢᱟ ᱠᱟ.ᱢᱤ ᱡᱚᱝ ᱨᱮᱭᱟᱜ ᱚᱠᱛᱚ ᱠᱟᱱᱟ᱾ ᱱᱚᱛᱮ ᱥᱤᱝ ᱨᱟᱡᱽ ᱢᱮᱱ ᱫᱚ ᱵᱮᱲᱟ ᱦᱚᱭ ᱨᱟᱠᱟᱵ ᱟᱠᱟᱱ  ᱵᱟᱨᱟᱝ ᱵᱟᱨᱟᱝ ᱫᱮᱥᱮ ᱵᱮᱨᱮᱫ ᱯᱮ ᱵᱮᱨᱮᱫ ᱪᱮᱴᱷᱟ ᱠᱟᱛᱮᱜ ᱠᱟ.ᱢᱤ ᱨᱮ ᱡᱚᱦᱚᱲᱚᱜ ᱯᱮ᱾

 

                  ᱚᱱᱚᱬᱦᱤᱭᱟ. ᱜᱚᱢᱠᱮ ᱛᱮᱥᱟᱨ ᱟᱱᱟᱜ ᱛᱷᱟᱨ ᱨᱮ ᱟᱨ ᱦᱚᱭ ᱢᱮᱱ ᱟᱠᱟᱫᱟ—

“ᱠᱩᱠᱩᱲ ᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ !

ᱪᱮᱬᱮ ᱢᱟ ᱪᱤᱯᱨᱩᱫ , ᱠᱟ.ᱦᱩ ᱢᱟ ᱦᱳ ᱠᱩᱲᱤᱫ ,

ᱯᱟᱥᱱᱟᱣᱮᱱ ᱪᱟ.ᱨᱤᱭᱟ. ᱠᱳᱱᱰ , ᱫᱮᱥᱮ ᱵᱮᱨᱮᱫ ᱯᱮ !”

ᱢᱮᱱ ᱫᱚ ᱫᱮᱥᱮ ᱵᱮᱨᱮᱫ ᱯᱮ ᱥᱟᱱᱟᱢ ᱠᱚ ᱵᱮᱨᱮᱫ ᱪᱮᱸᱜᱷᱟᱜ ᱯᱮ᱾ ᱪᱮᱬᱮ ᱪᱤᱯᱨᱩᱫ ᱠᱚ ᱠᱟ.ᱦᱩ ᱠᱩᱲᱤᱫ ᱠᱚ ᱡᱚᱢ ᱯᱟᱸᱡᱟ ᱛᱮ ᱟ.ᱛᱤᱧ ᱞᱟ.ᱜᱤᱫ ᱛᱮ ᱯᱟᱥᱱᱟᱣ ᱮᱱᱟ ᱠᱚ ᱫᱷᱟ.ᱛᱤ ᱨᱮᱭᱟᱜ ᱯᱳᱱ ᱠᱚᱲ ᱨᱮ ᱾

 

                ᱟᱨ ᱦᱚ ᱯᱩᱱ ᱟᱱᱟᱜ ᱛᱷᱟᱨ ᱨᱮ ᱚᱱᱚᱬᱦᱤᱭᱟ. ᱜᱚᱢᱠᱮᱭ ᱪᱟᱨᱦᱮ ᱟᱠᱟᱫᱟ—

“ᱠᱩᱠᱩᱲ ᱪᱩᱫ ! ᱫᱮᱥᱮ ᱵᱮᱨᱮᱫ ᱯᱮ !

ᱥᱤᱨᱡᱚᱱ ᱢᱟ ᱪᱮᱴᱷᱟ.ᱣᱮᱱ , ᱫᱟᱱᱫᱟ ᱨᱮ ᱫᱷᱟᱨᱟ.ᱣ ᱮᱱ ,

ᱠᱩᱲᱦᱤᱭᱟ. ᱢᱚᱱ ᱪᱮᱫᱟᱜ ᱦᱳ, ᱫᱮᱥᱮ ᱵᱮᱨᱮᱫ!”

ᱱᱚᱣᱟ ᱛᱷᱟᱨ ᱛᱮ ᱚᱱᱚᱬᱦᱤᱭᱟ. ᱜᱚᱢᱠᱮᱭ ᱢᱮᱱ ᱦᱚᱪᱚ ᱟᱠᱟᱫᱟ ᱡᱮ, ᱫᱮᱥᱮ ᱥᱟᱱᱟᱢ ᱠᱚ ᱵᱮᱨᱮᱫ ᱪᱮᱸᱜᱷᱟᱜ ᱯᱮ ᱾ ᱥᱟᱱᱟᱢ ᱥᱤᱨᱡᱚᱱ ᱢᱮᱱ ᱫᱚ ᱥᱤᱢ-ᱥᱩᱠᱨᱤ, ᱪᱮᱲᱮ-ᱪᱩᱯᱲᱤ, ᱥᱤᱝ ᱨᱟᱡᱽ ᱥᱟᱱᱟ ᱠᱚ ᱠᱚ ᱪᱮᱴᱷᱟ ᱟᱠᱟᱱᱟ ᱟᱠᱚᱣᱟᱜ ᱠᱟ.ᱢᱤ ᱞᱟ.ᱜᱤᱫ ᱟᱯᱮ ᱦᱚ ᱟᱫᱚ ᱠᱩᱲᱦᱤᱭᱟ. ᱥᱮ ᱵᱟᱝ.ᱲᱭᱟ. ᱢᱚᱱ ᱟᱛᱮᱜ ᱟᱞᱚ ᱯᱮ ᱛᱟᱦᱮᱱᱟ ᱾ ᱟᱯᱮᱦᱚ ᱟᱯᱮᱭᱟᱜ ᱠᱟ.ᱢᱤ ᱞᱟ.ᱜᱤᱫ ᱵᱮᱨᱮᱫ ᱪᱮᱴᱷᱟᱜ ᱯᱮ᱾

 

                 ᱚᱱᱟ ᱛᱟᱭᱚᱢ ᱨᱮᱭᱟᱜ ᱴᱚᱬᱮ ᱟᱱᱟᱜ ᱛᱷᱟᱨᱮ ᱚᱱᱚᱬᱦᱤᱭᱟ. ᱜᱚᱢᱠᱮ ᱟᱨ ᱦᱚᱭ ᱚᱞ ᱟᱠᱟᱫᱟ—

“ᱠᱩᱠᱩᱲᱪᱩᱫ! ᱫᱮᱥᱮ ᱵᱮᱨᱮᱫ ᱯᱮ !

ᱵᱮᱨᱮᱫ ᱯᱷᱟᱨᱱᱟᱣᱚᱜ ᱯᱮ, ᱠᱟ.ᱢᱤ ᱡᱚᱝ ᱮᱦᱚᱵ ᱯᱮ ,

ᱟ.ᱠᱤᱞ ᱦᱚᱨ ᱯᱟᱸᱡᱟᱭ ᱨᱮ, ᱫᱮᱥᱮ ᱵᱮᱨᱮᱫ ᱯᱮ!”

ᱢᱮᱱ ᱫᱚ ᱫᱮᱥᱮ ᱥᱟᱱᱟᱢ ᱠᱚ ᱵᱮᱨᱮᱫ ᱯᱮ, ᱥᱟᱱᱟᱢ ᱠᱚ ᱵᱮᱨᱮᱫ ᱪᱮᱴᱷᱟ ᱠᱟᱛᱮᱜ ᱟᱯᱮᱭᱟᱜ ᱠᱟ.ᱢᱤ ᱨᱮ ᱫᱷᱟᱨᱟ.ᱜ ᱯᱮ ᱾ ᱱᱟᱱᱟ ᱦᱩᱱᱟ.ᱨ ᱠᱟ.ᱢᱤ ᱨᱮᱭᱟᱜ ᱟ.ᱠᱤᱞ‌ ᱦᱚᱨ ᱯᱟᱱᱛᱮ ᱡᱚᱝ ᱟᱱ ᱯᱮ ᱾

 

ᱢᱩᱪᱟ.ᱫ ᱤᱛᱟ.ᱨ ᱨᱮᱭᱟᱜ ᱛᱩᱨᱩᱭ ᱟᱱᱟᱜ ᱛᱷᱟᱨ ᱨᱮ ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮᱭ ᱪᱟᱨᱦᱮ ᱦᱚᱴᱚ ᱟᱠᱟᱫᱟ—

“ ᱠᱩᱠᱩᱲᱪᱩᱫ! ᱫᱮᱥᱮ ᱵᱮᱨᱮᱫ ᱯᱮ!

ᱢᱟᱱᱣᱟ ᱦᱳ ᱟᱯᱮ , ᱪᱮᱠᱟ.ᱛᱮ ᱵᱩᱡᱽ ᱵᱟᱯᱮ,

ᱞᱟᱦᱟ ᱥᱮᱫ ᱢᱚᱦᱰᱟᱜ ᱨᱮ, ᱫᱮᱥᱮ ᱵᱮᱨᱮᱫ ᱯᱮ!”

ᱢᱮᱱ ᱫᱚ ᱫᱮᱥᱮ ᱵᱮᱨᱮᱫ ᱯᱮ ᱦᱳ ᱢᱟᱱᱣᱟ ᱦᱚᱯᱚᱱ, ᱡᱟᱦᱟᱭ ᱠᱚᱫᱚ ᱟ.ᱠᱤᱞ ᱜᱮᱭᱟᱱ ᱛᱮ ᱥᱟᱱᱟᱢ ᱡᱤᱭᱟ.ᱞᱤ ᱠᱚ ᱠᱷᱚᱱ ᱯᱮ ᱥᱚᱨᱮᱥ ᱜᱮ, ᱟᱯᱮ ᱪᱮᱫᱟᱜ ᱫᱚ ᱵᱟᱝ ᱯᱮ ᱵᱩᱡᱽ ᱮᱫᱟ? ᱠᱟ.ᱢᱤ ᱰᱟᱦᱟᱨ ᱜᱮ ᱟᱯᱮᱭᱟᱜ ᱡᱤᱭᱚᱱ ᱫᱚ ᱞᱟᱦᱟ ᱥᱮᱫ ᱮ ᱢᱚᱦᱰᱟ ᱤᱫᱤᱭᱟ᱾ ᱫᱮᱞᱟᱥᱮ ᱞᱟᱦᱟ ᱥᱮᱫ ᱜᱮ ᱢᱚᱦᱰᱟᱜ ᱯᱮ, ᱫᱮᱥᱮ ᱵᱮᱨᱮᱫ ᱯᱮ , ᱵᱮᱨᱮᱫ ᱪᱮᱸᱜᱷᱟᱣᱚᱜ ᱯᱮ᱾

 

ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮ ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ ᱜᱚᱢᱠᱮᱭᱟᱜ ᱚᱞ ᱥᱮᱛᱟᱜ ᱚᱱᱚᱬᱦᱮ ᱨᱮᱭᱟᱜ ᱥᱟᱨ ᱠᱟᱛᱷᱟ ᱫᱚ ᱱᱚᱝᱠᱟ ᱞᱮᱭ ᱜᱟᱱᱚᱜᱼᱟ ᱥᱮ ᱚᱞ ᱜᱟᱱᱚᱜ-ᱟ᱾

 

 

 

DOWNLOAD PDF : ONLY SANTALI VERSION IS AVAILABLE

-------------------------------------------------------------------------------------------