ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ
ᱤᱧᱫᱚ ᱟ.ᱰᱤ ᱚᱵᱷᱟᱜᱤᱭᱟ.
ᱠᱟ.ᱢᱤ ᱜᱮᱛᱤᱧ ᱦᱟᱱᱟ ᱱᱤᱭᱟ.
ᱵᱟᱪᱚᱧ ᱧᱮᱞᱟᱱ ᱨᱮ!
ᱠᱩᱞᱦᱤ ᱨᱮ ᱫᱟᱜ ᱵᱚᱦᱚᱲ ᱵᱚᱦᱚᱲ
ᱟᱛᱩ ᱭᱮᱱᱟ ᱟ.ᱰᱤ ᱨᱚᱜᱚᱲ
ᱤᱧ ᱫᱚ ᱢᱤᱱᱟ.ᱧ ᱠᱟ.ᱢᱤ ᱡᱚᱦᱚᱲ
ᱵᱟᱪᱚᱧ ᱧᱮᱞᱟᱱ ᱨᱮ!
ᱫᱟᱨᱮ ᱨᱮ ᱦᱟᱣ ᱫᱩᱨᱩᱢ ᱫᱩᱨᱩᱢ
ᱠᱚᱴᱟ ᱟᱱᱟ ᱠᱚ ᱦᱟᱲᱟᱢ ᱫᱩᱲᱩᱢ,
ᱤᱧ ᱫᱚ ᱠᱟ.ᱢᱤ ᱩᱲᱩᱢ-ᱥᱩᱲᱩᱢ
ᱵᱟᱪᱚᱧ ᱧᱮᱞᱟᱱ ᱨᱮ!
ᱟ.ᱭᱩᱵ ᱵᱮᱲᱟ ᱦᱤᱨᱟ. ᱯᱟ.ᱱᱤ
ᱫᱟᱜ ᱠᱤᱱ ᱞᱳ ᱠᱮᱫ ᱫᱟᱱᱟ ᱫᱟ.ᱱᱤ ,
ᱤᱧ ᱫᱚ ᱠᱟ.ᱢᱤ ᱜᱟ.ᱱᱤ ᱥᱟ.ᱱᱤ
ᱵᱟᱪᱚᱧ ᱧᱮᱞᱟᱱ ᱨᱮ!
ᱵᱷᱟᱫᱚᱨ ᱵᱚᱸᱜᱟ ᱦᱳᱲᱳ ᱜᱟ.ᱪᱷᱤ,
ᱡᱚᱡᱚ ᱥᱟᱠᱟᱢ ᱞᱤᱞᱤ ᱵᱤᱪᱷᱤ,
ᱩᱰᱟᱣ ᱵᱟᱲᱟᱭ ᱠᱟᱱᱮ ᱨᱤᱪᱤ,
ᱵᱟᱪᱚᱧ ᱧᱮᱞᱟᱱ ᱨᱮ!
ᱢᱟᱞᱟ ᱯᱚᱛᱟᱢ ᱠᱩᱠᱩ ᱠᱩᱵᱟ.ᱨ
ᱛᱤ ᱨᱮ ᱟ.ᱛᱤᱧ ᱠᱷᱚᱱ ᱮ ᱨᱩᱣᱟ.ᱲ?
ᱤᱧ ᱫᱚ ᱴᱩᱣᱟ.ᱨ ᱩᱛᱟ.ᱨ ᱴᱩᱣᱟ.ᱨ
ᱵᱟᱪᱚᱧ ᱧᱮᱞ ᱟᱱ ᱨᱮ!
ᱥᱤᱢᱟ. ᱟᱲᱮ. ᱥᱤᱨᱳᱢ ᱫᱟᱺᱫᱷᱤ,
ᱜᱟᱜᱟᱜ ᱠᱟᱱᱮ ᱥᱩᱛᱟ.ᱢ ᱵᱤᱸᱫᱤ,
ᱤᱧ ᱫᱚ ᱠᱟ.ᱢᱤ ᱟᱺᱫᱷᱤ ᱪᱟᱺᱫᱷᱤ
ᱵᱟᱪᱚᱧ ᱧᱮᱞᱟᱱ ᱨᱮ!
ᱥᱮᱛᱟᱜ ᱥᱤᱥᱤᱨ ᱢᱩᱛᱤ ᱞᱮᱠᱟ,
ᱵᱮᱲᱟᱭ ᱨᱟᱠᱟᱵ ᱯᱩᱨᱩᱵ ᱱᱟᱠᱷᱟ
ᱤᱧ ᱫᱚ ᱠᱟ.ᱢᱤ ᱦᱟᱠᱟ ᱪᱟᱠᱟ
ᱵᱟᱪᱚᱧ ᱧᱮᱞᱟᱱ ᱨᱮ!
-----------------------------------------------
ᱚᱱᱚᱲᱦᱮ ᱩᱯᱨᱩᱢ ᱺ ᱢᱟᱱᱚᱛᱟᱱ ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ ᱜᱚᱢᱠᱮᱭᱟᱜ ᱚᱞ ”ᱵᱟᱪᱚᱧ ᱧᱮᱞᱟᱱ ᱨᱮ” ᱚᱱᱚᱬᱦᱮ ᱫᱚ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱜᱮ ᱚᱞ “ᱠᱩᱦᱩᱵᱟ.ᱣ” ᱚᱱᱚᱬᱦᱮ ᱯᱩᱛᱷᱤ ᱨᱮ ᱥᱮᱞᱮᱫ ᱢᱮᱱᱟᱜ ᱟᱠᱟᱫᱟ᱾
ᱥᱟᱨ ᱠᱟᱛᱷᱟ ᱺ ᱢᱟᱱᱣᱟ ᱡᱤᱭᱚᱱ ᱥᱟᱸᱜᱷᱟᱨ ᱞᱟ.ᱜᱤᱫ ᱢᱤᱫ ᱢᱟᱨᱟᱝ ᱫᱷᱚᱨᱚᱢ ᱠᱟᱱᱟ ᱠᱟ.ᱢᱤ᱾ ᱟᱵᱚ ᱥᱟᱱᱟᱢ ᱦᱚᱲ ᱜᱮ ᱟᱯᱟᱱ ᱠᱟ.ᱢᱤ ᱨᱮ ᱡᱚᱦᱚᱲ ᱢᱮᱱᱟᱜ ᱟᱠᱟᱫ ᱵᱚᱱᱟ᱾ ᱱᱚᱣᱟ ᱠᱟ.ᱢᱤ ᱛᱟᱞᱟ ᱨᱮ ᱟᱵᱚ ᱱᱚᱝ ᱵᱚᱱ ᱡᱚᱦᱚᱲ ᱠᱟᱱᱟ ᱡᱮ, ᱟᱵᱚᱣᱟ ᱟᱲᱮ ᱯᱟᱥᱮ ᱨᱮ ᱪᱮᱫ ᱢᱮᱱᱟᱜ-ᱟ ᱵᱟᱝ ᱢᱮᱱᱟᱜ-ᱟ, ᱪᱮᱫ ᱦᱩᱭᱩᱜ ᱠᱟᱱᱟ ᱵᱟᱝ ᱦᱩᱭᱩᱜ ᱠᱟᱱᱟ, ᱚᱱᱟ ᱠᱚ ᱨᱮᱭᱟᱜ ᱫᱤᱥ ᱦᱩᱫᱤᱥ ᱦᱚ ᱵᱟᱝ ᱵᱚᱱ ᱦᱟᱛᱟᱣ ᱫᱟᱲᱮᱭᱟᱜ-ᱟ᱾ ᱢᱟᱱᱚᱛᱟᱱ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱜᱚᱢᱠᱮᱭᱟᱜ ᱱᱚᱣᱟ “ᱵᱟᱪᱚᱧ ᱧᱮᱞᱟᱱ ᱨᱮ”ᱚᱱᱚᱬᱦᱮ ᱫᱚ, ᱚᱱᱟ ᱠᱟ.ᱢᱤ ᱡᱚᱦᱚᱲ ᱛᱟᱦᱮ ᱠᱷᱟ.ᱛᱤᱨ ᱚᱱᱚᱞᱤᱭᱟ. ᱜᱚᱢᱚᱠᱮ ᱚᱠᱟ ᱱᱮᱪᱮᱞ ᱠᱚ ᱵᱟᱭ ᱧᱮᱞ ᱫᱟᱲᱮ ᱠᱟᱣᱫᱟ ᱥᱮ ᱡᱟᱦᱟ ᱠᱚ ᱨᱮᱭᱟᱜ ᱦᱩᱫᱤᱥ ᱜᱮ ᱵᱟᱭ ᱧᱟᱢ ᱫᱟᱲᱮ ᱠᱟᱣᱫᱟ ᱚᱱᱟ ᱨᱮᱭᱟᱜ ᱫᱩᱠᱷ ᱜᱮ ᱚᱱᱚᱬᱦᱮ ᱛᱟᱞᱟ ᱛᱮᱭ ᱥᱚᱫᱚᱨ ᱟᱠᱟᱫᱟ᱾
ᱡᱮᱞᱮᱠᱟ ᱚᱱᱚᱬᱦᱮ ᱨᱮᱭ ᱢᱮᱱ ᱟᱠᱟᱫᱟ “ᱵᱟᱦᱟ ᱭᱮᱱᱟ ᱛᱚᱣᱟ ᱠᱤᱭᱟ.,ᱤᱧ ᱫᱚ ᱟ.ᱰᱤ ᱚᱵᱷᱟᱜᱤᱭᱟ., ᱠᱟ.ᱢᱤ ᱜᱮᱛᱤᱧ ᱦᱟᱱᱟ ᱱᱤᱭᱟ, ᱵᱟᱪᱚᱧ ᱧᱮᱞᱟᱱ ᱨᱮ!” ᱢᱮᱱ ᱫᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱦᱟᱱᱟ ᱱᱤᱭᱟ. ᱠᱟᱢᱤ ᱨᱮ ᱱᱚᱝᱠᱟᱭ ᱡᱚᱦᱚᱲ ᱛᱟᱦᱮ ᱮᱱ ᱫᱚ, ᱡᱮ ᱛᱤ ᱨᱮ ᱛᱚᱣᱟ ᱵᱟᱦᱟ, ᱠᱤᱭᱟ. ᱵᱟᱦᱟ, ᱯᱷᱩᱴᱟ.ᱣ ᱮᱱᱟ ᱟᱨ ᱯᱷᱩᱴᱟ.ᱣ ᱠᱟᱛᱮᱜ ᱢᱟ.ᱨᱩᱲ ᱮᱱᱟ ᱚᱱᱟ ᱨᱮᱭᱟᱜ ᱡᱷᱚᱞᱚᱠ ᱜᱮ ᱵᱟᱭ ᱧᱟᱢ ᱞᱮᱫᱟ᱾ ᱛᱤᱱᱟᱹᱜ ᱢᱚᱡᱽ ᱪᱚᱝ ᱡᱮᱸᱜᱮᱫ ᱡᱮᱸᱜᱮᱫ ᱵᱟᱦᱟ ᱞᱮᱱᱟ ᱢᱮᱱ ᱠᱷᱟᱱ ᱜᱚᱢᱠᱮ ᱫᱚ ᱚᱵᱷᱟᱜᱤᱭᱟ. ᱠᱟ.ᱢᱤ ᱡᱚᱦᱚᱲ ᱛᱮᱜᱮ ᱚᱱᱟ ᱵᱟᱭ ᱧᱮᱞ ᱫᱟᱲᱮ ᱟᱱᱟ᱾
ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚ ᱟᱨ ᱦᱚᱭ ᱢᱮᱱ ᱟᱠᱟᱫᱟ, “ᱠᱩᱞᱦᱤ ᱨᱮ ᱫᱟᱜ ᱵᱚᱦᱚᱲ ᱵᱚᱦᱚᱲ, ᱟ.ᱛᱩᱭᱮᱱᱟ ᱟ.ᱰᱤ ᱨᱚᱜᱚᱲ, ᱤᱧ ᱫᱚ ᱴᱤᱱᱟ.ᱧ ᱠᱟ.ᱢᱤ ᱡᱚᱦᱚᱲ, ᱵᱟᱪᱚᱧ ᱧᱮᱞᱟᱱ ᱨᱮ!” ᱢᱮᱱ ᱫᱚ ᱨᱤᱢᱤᱞ ᱡᱟ.ᱯᱩᱫ ᱫᱤᱱ ᱡᱚᱠᱷᱚᱡ ᱡᱷᱟᱨ ᱡᱷᱟᱨ ᱫᱟᱜ ᱡᱟ.ᱲᱤ ᱛᱮ, ᱠᱩᱞᱦᱤ ᱨᱮ ᱫᱟᱜ ᱵᱚᱦᱚᱲ ᱵᱚᱦᱚᱲ ᱟᱛᱩᱜ ᱠᱟᱱ ᱛᱟᱦᱮ ᱠᱟᱱᱟ ᱩᱱ ᱡᱚᱦᱚᱜ ᱦᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚ ᱟᱭᱟᱜ ᱠᱟ.ᱢᱤ ᱛᱮᱜᱮᱭ ᱵᱮᱫ ᱮᱱᱟ᱾ ᱵᱟᱝ ᱮ ᱧᱮᱞ ᱫᱟᱲᱮ ᱟ.ᱛᱩ ᱫᱟᱜ ᱨᱮᱭᱟᱜ ᱨᱟ.ᱥ ᱚᱠᱟ ᱞᱮᱠᱟ ᱠᱩᱞᱦᱤ ᱛᱟᱞᱟ ᱠᱟᱴᱤᱡ ᱫᱷᱤᱨᱤ, ᱞᱮᱢᱮᱧ ᱜᱤᱛᱤᱞ ᱟᱛᱩ ᱤᱫᱤ ᱠᱮᱫᱟᱭ ᱵᱚᱦᱚᱲ ᱵᱚᱦᱚᱲ᱾
ᱚᱱᱚᱬᱦᱤᱭᱟ. ᱜᱚᱢᱠᱮ ᱟᱨ ᱦᱚᱭ ᱢᱮᱱ ᱟᱠᱟᱫᱟ, “ᱫᱟᱨᱮ ᱨᱮ ᱦᱟᱣ ᱫᱩᱨᱩᱢ ᱫᱩᱨᱩᱢ, ᱠᱚᱴᱟ ᱟᱱᱟ ᱠᱚ ᱦᱟᱲᱟᱢ ᱫᱩᱲᱩᱢ, ᱤᱧ ᱫᱚ ᱠᱟ.ᱢᱤ ᱩᱲᱩᱢ ᱥᱩᱲᱩᱢ, ᱵᱟᱪᱚᱧ ᱧᱮᱞᱟᱱ ᱨᱮ!” ᱢᱮᱱ ᱫᱚ ᱨᱮᱸᱜᱮᱡ ᱡᱟᱞᱟ ᱥᱮ ᱥᱚᱲᱚᱢ ᱡᱟᱞᱟ ᱦᱟᱲᱟᱢ ᱫᱩᱲᱩᱢ ᱠᱚ, ᱚᱠᱟ ᱞᱮᱠᱟ ᱵᱤᱨ ᱜᱟᱡᱟᱲ ᱠᱚ ᱥᱟᱸᱜᱷᱟᱨ ᱠᱟᱛᱮ, ᱡᱚᱢᱟᱜ ᱧᱩᱭᱟᱜ ᱠᱚ ᱥᱮᱸᱫᱽᱨᱟ ᱡᱚᱝ ᱟᱱᱟ ᱚᱱᱟ ᱨᱮᱭᱟᱜ ᱧᱮᱱᱮᱞ ᱦᱚ ᱩᱲᱩᱢᱼᱥᱩᱲᱩᱢ ᱠᱟ.ᱢᱤ ᱵᱷᱮᱫ ᱨᱮᱭ ᱛᱟᱦᱮᱞᱮᱱ ᱠᱷᱟ.ᱛᱤᱨ ᱵᱟᱭ ᱧᱮᱞ ᱟᱱ ᱫᱟᱲᱮ ᱟᱫᱟ᱾
ᱟᱨ ᱦᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚᱭ ᱪᱟᱨᱦᱮ ᱟᱠᱟᱫᱟ, “ᱟ.ᱭᱩᱵ ᱵᱮᱲᱟ ᱦᱤᱨᱟ.ᱯᱟᱱᱤ , ᱫᱟᱜ ᱠᱤᱱ ᱞᱳ ᱠᱮᱫ ᱫᱟᱱᱟ ᱫᱟ.ᱱᱤ, ᱤᱧ ᱫᱚ ᱠᱟ.ᱢᱤ ᱜᱟ.ᱱᱤ, ᱵᱟᱪᱚᱧ ᱧᱮᱞᱟᱱ ᱨᱮ!” ᱢᱮᱱ ᱫᱚ ᱦᱟᱨᱟ ᱡᱩᱣᱟ.ᱱ ᱠᱩᱲᱤ ᱠᱚ ᱟ.ᱣᱩᱵ ᱧᱩᱦᱩᱢ ᱡᱚᱦᱚᱜ ᱚᱠᱟ ᱞᱮᱠᱟ ᱫᱟ.ᱱᱤ ᱥᱟ.ᱱᱤ ᱢᱮᱱ ᱫᱚ ᱦᱟᱨᱮ ᱯᱷᱟᱨᱮ ᱫᱟᱜ ᱠᱚ ᱞᱳ ᱠᱮᱫᱟ ᱚᱱᱟ ᱨᱮᱭᱟᱜ ᱡᱷᱚᱞᱚᱠ ᱦᱚ ᱵᱟᱭ ᱧᱮᱞ ᱫᱟᱲᱮ ᱟᱫᱟ᱾ ᱪᱮᱫᱟᱜ ᱥᱮ ᱟᱡ ᱫᱚ ᱠᱟ.ᱢᱤ ᱛᱟᱞᱟ ᱨᱮᱜᱮ ᱜᱟ.ᱱᱤ ᱥᱟ.ᱱᱤ ᱛᱟᱦᱮ ᱭᱮᱱᱟ᱾
ᱟᱨ ᱦᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱪᱟᱨᱦᱮ ᱟᱠᱟᱫᱟ, “ᱵᱷᱟᱫᱚᱨ ᱵᱚᱸᱜᱟ ᱦᱳᱲᱳ ᱜᱟ.ᱪᱷᱤ, ᱡᱚᱡᱚ ᱥᱟᱠᱟᱢ ᱞᱤᱞᱤ ᱵᱤᱪᱷᱤ, ᱩᱰᱟ.ᱣ ᱵᱟᱲᱟᱭ ᱠᱟᱱᱮ ᱨᱤᱪᱤ, ᱵᱟᱪᱚᱧ ᱧᱮᱞᱟᱱ ᱨᱮ!” ᱢᱮᱱ ᱫᱚ ᱥᱟᱱ-ᱵᱦᱟᱫᱚᱨ ᱵᱚᱸᱜᱟ ᱡᱚᱠᱷᱚᱡ ᱥᱟᱱᱟᱢ ᱵᱟ.ᱫ ᱵᱟ.ᱭᱦᱟ.ᱲ ᱠᱚᱨᱮᱜ ᱞᱮᱜᱮᱡ ᱞᱮᱜᱮᱡ ᱦᱟᱨᱭᱟ.ᱲ ᱦᱳᱲᱳ ᱜᱟ.ᱪᱷᱤ ᱠᱚᱜ-ᱟ, ᱡᱚᱡᱚ ᱫᱟᱨᱮ ᱨᱮ ᱡᱚᱡᱚ ᱥᱟᱠᱟᱢ ᱞᱤᱞᱤ ᱵᱤᱪᱷᱤ ᱥᱟᱜᱮᱱ ᱠᱚᱜ-ᱟ, ᱢᱮᱱ ᱫᱚ ᱥᱟᱱᱟᱢ ᱫᱷᱟ.ᱨᱛᱤ ᱦᱟ.ᱨᱭᱟ.ᱲ ᱥᱟᱠᱟᱢ ᱛᱮ ᱥᱟᱡᱟᱣ ᱠᱟᱛᱮᱜ ᱡᱟᱦᱟ ᱨᱩᱯ ᱮ ᱡᱟᱞᱠᱟᱣᱼᱟ ᱚᱱᱟ ᱦᱚ ᱵᱟᱭ ᱧᱮᱞᱟᱱ ᱫᱟᱲᱮ ᱟᱫᱟ᱾ ᱮᱢᱟ ᱵᱚᱦᱚᱜ ᱪᱮᱛᱟᱱ ᱨᱮ ᱥᱮᱨᱢᱟ ᱛᱟᱞᱟ ᱨᱮᱭ ᱩᱰᱟ.ᱣ ᱵᱟᱲᱟᱭ ᱠᱟᱱ ᱨᱤᱪᱤ ᱦᱚ ᱠᱚᱭᱚᱜ ᱨᱮᱱᱟᱜ ᱡᱳᱣ ᱵᱟᱭ ᱧᱟᱢ ᱟᱠᱟᱫᱟ᱾
ᱚᱱᱟ ᱛᱟᱭᱚᱢ ᱚᱱᱚᱲᱦᱤᱭᱟ. ᱜᱚᱢ ᱟᱨ ᱦᱚᱭ ᱢᱮᱱ ᱟᱠᱟᱫᱟ, “ᱢᱟᱞᱟ ᱯᱚᱛᱟᱢ ᱠᱩᱠᱩ ᱠᱩᱵᱟ.ᱨ, ᱛᱤᱨᱮ ᱟ.ᱛᱤᱧ ᱠᱷᱚᱱ ᱮ ᱨᱩᱣᱟ.ᱲ, ᱤᱧ ᱫᱚ ᱴᱩᱣᱟ.ᱨ ᱩᱛᱟ.ᱨ ᱴᱩᱣᱟ.ᱨ, ᱵᱟᱪᱚᱧ ᱧᱮᱞᱟᱱ ᱨᱮ!”ᱢᱮᱱ ᱫᱚ ᱚᱠᱟ ᱞᱮᱠᱟ ᱢᱟᱞᱟ ᱯᱚᱛᱟᱢ ᱠᱤᱱ ᱛᱩᱠᱟ. ᱵᱮᱱᱟᱣ ᱠᱟᱛᱮ, ᱟᱠᱤᱱᱟᱜ ᱡᱤᱭᱚᱱ ᱜᱟᱛᱮ ᱜᱟᱛᱮ ᱠᱤᱱ ᱥᱟᱸᱜᱷᱟᱨ ᱮᱫᱟ, ᱚᱠᱟ ᱞᱮᱠᱟ ᱡᱚᱲ ᱛᱟᱭ ᱟ.ᱛᱤᱧ ᱠᱷᱚᱱ ᱛᱤᱨᱮ ᱨᱩᱣᱟᱲᱟᱟᱭ ᱛᱩᱠᱟ.ᱨᱮ ᱚᱱᱟ ᱨᱮᱭᱟᱜ ᱧᱮᱱᱮᱞ ᱦᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱵᱟᱭ ᱞᱮ ᱜᱤᱭᱟ.ᱜ ᱞᱮᱫᱟ᱾ ᱪᱮᱫᱟᱜ ᱥᱮ ᱟᱡ ᱫᱚ ᱟᱡ ᱥᱩᱢᱩᱝ ᱜᱮᱭ ᱪᱷᱩᱴᱟ.ᱣ ᱟᱠᱟᱱ,ᱢᱤᱫ ᱴᱩᱣᱟ.ᱨ ᱦᱚᱯᱚᱱ ᱞᱮᱠᱟ ᱟᱡᱟᱜ ᱠᱟ.ᱢᱤ ᱨᱮ᱾
ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚ ᱟᱨᱦᱚᱭ ᱢᱮᱱ ᱟᱠᱟᱫᱟ, “ᱥᱤᱢᱟ. ᱟᱲᱮ. ᱥᱤᱨᱳᱢ ᱫᱟᱺᱫᱷᱤ,ᱜᱟᱜᱟᱜ ᱠᱟᱱᱮ ᱥᱩᱛᱟ.ᱢ ᱵᱤᱸᱫᱤ, ᱤᱧ ᱫᱚ ᱠᱟ.ᱢᱤ ᱟᱺᱫᱷᱤ ᱪᱟᱺᱫᱷᱤ, ᱵᱟᱪᱚᱧ ᱧᱮᱞ ᱟᱱ ᱨᱮ!” ᱢᱮᱱ ᱫᱟᱥᱟᱭᱼ ᱥᱚᱦᱨᱟᱭ ᱵᱚᱸᱜᱟ ᱡᱟᱦᱟ ᱡᱚᱜᱚᱦ ᱥᱤᱢᱟ. ᱟᱲᱮ ᱠᱚᱨᱮᱜ ᱥᱤᱨᱳᱢ ᱫᱟᱺᱫᱷᱤ ᱠᱚᱜ-ᱟ , ᱠᱟᱥᱤ ᱜᱮᱞᱮ ᱠᱚᱜ-ᱟ, ᱟᱨ ᱚᱱᱟ ᱨᱮ ᱨᱮᱸᱜᱮᱡ ᱞᱟᱡ ᱵᱤ ᱞᱟ.ᱜᱤᱫ ᱵᱤᱸᱫᱤ ᱚᱠᱟ ᱞᱮᱠᱟ ᱡᱟᱞᱟᱢ ᱠᱚ ᱜᱟᱞᱟᱝ ᱡᱚᱝ ᱟ ᱚᱱᱟ ᱥᱟᱱᱟᱢ ᱱᱮᱪᱮᱞ ᱠᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱟᱭᱟᱜ ᱟᱺᱫᱷᱤ ᱪᱟᱺᱫᱷᱤ ᱠᱟ.ᱢᱤ ᱠᱷᱟᱹᱛᱤᱨ ᱱᱟᱥᱮ ᱦᱚ ᱵᱟᱭ ᱧᱮᱞᱟᱱ ᱫᱟᱲᱮ ᱠᱟᱣᱫᱟ ᱟᱨ ᱚᱱᱟ ᱨᱮᱭᱟᱜ ᱠᱟᱛᱷᱟ ᱜᱮ ᱱᱚᱣᱟ ᱛᱷᱟᱨ ᱛᱮᱭ ᱥᱟᱢᱟᱝ ᱥᱚᱫᱚᱨ ᱟᱠᱟᱫᱟ᱾
ᱟᱨ ᱦᱚ ᱚᱱᱚᱬᱦᱤᱭᱟ. ᱜᱟᱢᱠᱮ ᱢᱮᱱ ᱟᱠᱟᱫᱟᱭ, “ᱥᱮᱛᱟᱜ ᱥᱤᱥᱤᱨ ᱢᱩᱛᱤ ᱞᱮᱠᱟ, ᱵᱮᱲᱟᱭ ᱨᱟᱠᱟᱵ ᱯᱩᱨᱩᱵ ᱱᱟᱠᱷᱟ, ᱤᱧ ᱫᱚ ᱠᱟ.ᱢᱤ ᱦᱟᱠᱟ ᱪᱟᱠᱟ, ᱵᱟᱪᱚᱧ ᱧᱮᱞᱟᱱ ᱨᱮ!” ᱢᱮᱱ ᱫᱚ ᱥᱮᱛᱟᱜ ᱨᱮ ᱡᱚᱠᱷᱚᱡ ᱛᱟᱥᱟᱫᱽ ᱰᱚᱜᱽ ᱨᱮ ᱥᱤᱥᱤᱨ ᱫᱟᱜ ᱧᱩᱨᱦᱟ. ᱠᱚᱜᱼᱟ, ᱟᱨ ᱯᱩᱨᱩᱵ ᱱᱟᱠᱷᱟ ᱨᱮ ᱵᱮᱲᱟᱭ ᱨᱟᱠᱟᱵ ᱞᱮᱱ ᱠᱷᱟᱱ ᱚᱱᱟ ᱥᱟᱱᱟᱢᱟᱜ ᱠᱚ ᱢᱩᱛᱤ ᱞᱮᱠᱟ ᱧᱮᱞᱚᱜ ᱨᱮᱭᱟᱜ ᱱᱮᱪᱮᱞ ᱦᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱠᱟᱢᱤ ᱨᱮᱭᱟᱜ ᱦᱟᱠᱟ ᱪᱟᱠᱟ ᱛᱮ ᱚᱱᱟ ᱦᱚ ᱵᱟᱭ ᱧᱮᱞ ᱫᱟᱲᱮ ᱟᱱᱟ᱾
ᱠᱷᱟᱴᱚ ᱢᱟᱪᱷᱟᱛᱮ ᱞᱮᱭ ᱞᱮᱠᱷᱟᱱ ᱢᱮᱱ ᱜᱟᱱᱚᱜ-ᱟ ᱚᱱᱚᱬᱦᱤᱭᱟ. ᱜᱚᱢᱠᱮ ᱱᱚᱣᱟ “ᱵᱟᱪᱚᱧ ᱧᱮᱞᱟᱱ ᱨᱮ” ᱚᱱᱚᱬᱦᱮ ᱛᱟᱞᱟ ᱛᱮ ᱠᱟᱢᱤ ᱨᱮᱭᱟᱜ ᱡᱚᱦᱚᱲ ᱠᱷᱟ.ᱛᱤᱨ ᱫᱷᱟ.ᱨᱛᱤ ᱯᱩᱨᱤ ᱨᱮᱭᱟᱜ ᱡᱟᱦᱟ ᱱᱮᱪᱮᱞ ᱠᱚ ᱵᱟᱭ ᱧᱮᱞ ᱫᱟᱲᱮ ᱠᱟᱣᱫᱟ ᱚᱱᱟ ᱨᱮᱭᱟᱜ ᱠᱟᱛᱷᱟ ᱠᱚᱜᱮᱭ ᱪᱟᱨᱦᱮ ᱟᱠᱟᱫᱟ᱾ ᱚᱱᱟ ᱥᱟᱶᱛᱮ ᱵᱟᱝ ᱧᱮᱞ ᱧᱟᱢ ᱫᱟᱲᱮ ᱨᱮᱭᱟᱜ ᱫᱩᱠᱷ ᱥᱟᱱᱟᱢ ᱯᱟ.ᱴᱷᱩᱣᱟ. ᱠᱚ ᱴᱷᱮᱱ ᱥᱚᱫᱚᱨ ᱟᱠᱟᱫᱟ ᱱᱚᱣᱟ ᱚᱱᱚᱬᱦᱮ ᱛᱟᱞᱟ ᱛᱮ᱾
----------------------------------------------------------------------------------------
-------------------------------------------------------------------------------------------
Nothing