Biography Of Nathaniyal Murmu
ᱱᱮᱛᱷᱮᱱᱤᱭᱟᱞ ᱢᱩᱨᱢᱩ ᱜᱚᱢᱠᱮᱭᱟᱜ ᱡᱤᱭᱚᱱ ᱠᱟ.ᱦᱱᱤ
Summary For English Readers Only:
Nathaniyal Murmu is the one of the greatest writer of Santali Literature. His full name is Nathanial Rubenson Murmu. He was born on 3rd September of 1926. His father name was Corneliam Murmu and his mother was Naso Saren(Murmu).
ᱡᱟᱱᱟᱢ ᱩᱯᱨᱩᱢ ᱺ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱤᱱᱤᱡ ᱢᱤᱫ ᱡᱩᱞᱩᱜ ᱤᱯᱤᱞ ᱱᱮᱛᱷᱮᱱᱤᱭᱟᱞ ᱢᱩᱨᱢᱩ ᱜᱚᱢᱠᱮᱭᱟᱜ ᱡᱟᱱᱟᱢ ᱫᱚ, ᱯᱥᱪᱷᱤᱢ ᱫᱤᱱᱟᱡᱽᱯᱩᱨ ᱡᱮᱞᱟ ᱨᱮᱱᱟᱜ ᱦᱤᱞᱤ ᱛᱷᱟᱱᱟ ᱨᱮᱭᱟᱜ ᱱᱟᱨᱟᱭᱚᱱᱯᱩᱨ ᱨᱮ ᱑᱙᱒᱖ ᱥᱟᱞ ᱨᱮᱭᱟᱜ ᱓ ᱥᱮᱯᱴᱮᱢᱵᱚᱨ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱯᱩᱨᱟ. ᱧᱩᱛᱩᱢ ᱫᱚ ᱛᱟᱦᱮ ᱠᱟᱱ ᱛᱟᱭᱟ ᱱᱮᱛᱷᱮᱱᱤᱭᱟᱞ ᱨᱚᱵᱤᱱᱥᱚᱱ ᱢᱩᱨᱢᱩ ᱾ ᱟᱯᱟᱛᱟᱜ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ ᱠᱚᱨᱱᱮᱞᱤᱭᱟᱢ ᱢᱩᱨᱢᱩ ᱟᱨ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱ ᱛᱟᱭᱟ ᱱᱟᱥᱳ ᱥᱚᱨᱮᱱ(ᱢᱩᱨᱢᱩ)᱾
ᱚᱞᱚᱜ ᱡᱤᱭᱚᱱ ᱺᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱚᱞᱚᱜ ᱡᱤᱭᱚᱱ ᱫᱚ ᱱᱟᱨᱟᱭᱚᱱᱯᱩᱨ ᱨᱮᱭᱟᱜ ᱯᱨᱟᱛᱷᱚᱢᱤᱠ ᱥᱠᱩᱞ ᱨᱮᱜᱮ ᱮᱛᱚᱦᱚ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱯᱟᱲᱦᱟᱣ ᱡᱤᱭᱚᱱ ᱯᱩᱨᱟ.ᱣ ᱞᱟ.ᱜᱤᱫ ᱵᱟᱞᱩᱨ ᱜᱷᱟᱴ ᱦᱟᱭᱥᱠᱩᱞ, ᱫᱤᱱᱟᱡᱽᱯᱩᱨ ᱦᱟᱭᱥᱠᱩᱞ, ᱥᱟᱶᱛᱮ ᱠᱳᱪᱵᱤᱦᱟᱨ ᱨᱟᱡᱟ ᱢᱚᱱᱤᱱᱫᱨᱚ ᱱᱟᱨᱟᱭᱚᱱ ᱦᱟᱭᱥᱠᱩᱞ ᱠᱷᱚᱱ ᱮ ᱯᱟᱲᱦᱟᱣ ᱞᱮᱱᱟ᱾ ᱠᱳᱪᱵᱤᱦᱟᱨ ᱠᱷᱚᱱ ᱜᱮ ᱠᱳᱞᱮᱡ ᱨᱮᱭᱟᱜ ᱯᱟᱲᱦᱟᱣ ᱦᱚᱣ ᱥᱟ.ᱛ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱑᱙᱔᱖ ᱥᱟᱞ ᱨᱮ ᱵᱟ.ᱞᱩᱨ ᱜᱷᱟᱴ ᱛᱮᱭ ᱨᱩᱣᱟ.ᱲ ᱦᱮᱡ ᱞᱮᱱᱟ᱾
ᱠᱟ.ᱢᱤ ᱡᱤᱭᱚᱱ ᱺ ᱠᱟ.ᱢᱤ ᱡᱤᱭᱚᱱ ᱨᱮᱭᱟᱜ ᱮᱛᱚᱦᱚᱵ ᱫᱚ ᱱᱟᱨᱟᱭᱚᱱᱯᱩᱨ ᱢᱤᱥᱚᱱ ᱨᱮ ᱢᱟᱪᱮᱫᱚᱜ ᱠᱷᱚᱱ ᱮ ᱮᱛᱚᱦᱚᱵ ᱞᱮᱫᱟ᱾ ᱵᱟᱨ ᱥᱮᱨᱢᱟ ᱢᱟᱪᱮᱫᱚᱜ ᱛᱟᱭᱚᱢ ᱨᱟᱡᱽᱱᱤᱛᱤ ᱨᱮᱦᱚ ᱯᱟ.ᱭᱲᱤᱭ ᱫᱚᱦᱚ ᱞᱮᱫᱟ᱾ ᱯᱩᱭᱞᱩ ᱠᱷᱚᱱ ᱜᱮ ᱢᱟᱱᱚᱛᱟᱱ ᱜᱚᱢᱠᱮ ᱫᱚ “ᱨᱮᱵᱷᱳᱞᱤᱣᱩᱥᱚᱱᱟᱨᱤ ᱥᱳᱥᱟᱞᱤᱥᱴ ᱯᱟᱨᱴᱤ”(Revolutionary Socialist Party) ᱨᱤᱱᱤᱡ ᱢᱤᱫ ᱥᱚᱫᱚᱥᱥᱚᱭ ᱛᱟᱦᱮ ᱠᱟᱱᱟ᱾ ᱨᱟᱡᱽᱱᱤᱛᱤ ᱥᱟᱶᱛᱮ ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱨᱮᱭᱟᱜ ᱠᱟ.ᱢᱤ ᱠᱚᱨᱮᱜ ᱦᱚ ᱡᱚᱦᱚᱲ ᱛᱟᱦᱮ ᱨᱮᱱᱟᱜ ᱮ ᱨᱤᱠᱟ. ᱞᱮᱫᱟ᱾ ᱢᱟᱱᱚᱛᱟᱱ ᱱᱮᱛᱷᱮᱱᱤᱭᱟᱞ ᱢᱩᱨᱢᱩ ᱜᱚᱢᱠᱮ ᱑᱙᱖᱒,᱑᱙᱖᱗,᱑᱙᱖᱙ ᱟᱨ ᱑᱙᱗᱗ ᱥᱟᱞ ᱫᱷᱟ.ᱨᱤᱡ ᱞᱮᱛᱟᱲ ᱜᱮ ᱯᱟᱪᱮ ᱵᱟᱝᱞᱟ ᱨᱤᱱᱤᱡ ᱵᱤᱫᱷᱟᱱ ᱥᱚᱵᱷᱟ ᱵᱤᱫᱷᱟᱭᱚᱠ ᱞᱮᱠᱟ ᱛᱮᱦᱚᱭ ᱵᱟᱪᱷᱱᱟᱣ ᱞᱮᱱᱟ᱾ ᱚᱱᱟ ᱥᱟᱶᱛᱮ ᱥᱟᱱᱛᱟᱲ ᱥᱟᱶᱛᱟ ᱛᱚᱨᱟᱣ ᱨᱟᱠᱟᱵ ᱨᱮᱦᱚ ᱢᱟᱱᱚᱛᱟᱱ ᱜᱚᱢᱠᱮ ᱟ.ᱰᱤ ᱜᱟᱱ ᱜᱚᱲᱚᱭ ᱮᱢ ᱞᱮᱫ ᱛᱟᱦᱮ ᱠᱟᱱᱟ᱾ ᱑᱙᱕᱔ᱼ᱕᱕ ᱥᱟᱞ ᱨᱮ ᱵᱟ.ᱞᱩᱨ ᱜᱷᱟᱴ ᱨᱮ “ᱡᱩᱜᱽ ᱟᱨᱥᱟᱞ” ᱧᱩᱛᱩᱢᱟᱱ ᱢᱤᱫ ᱪᱷᱟᱯᱟ ᱠᱷᱟᱱᱟᱭ ᱛᱮᱭᱟᱨ ᱞᱮᱫᱟ ᱟᱨ ᱚᱸᱰᱮ ᱠᱷᱚᱱ ᱜᱮ “ᱡᱩᱜᱽ ᱟᱨᱥᱟᱞ” ᱧᱩᱛᱩᱢᱟᱱ ᱢᱤᱫ ᱪᱟᱸᱫᱳ ᱠᱤᱭᱟ. ᱯᱟᱛᱷᱟᱢ ᱮ ᱯᱟᱨᱥᱟᱞ ᱞᱮᱫᱟ᱾ ᱯᱟᱛᱷᱟᱢ ᱥᱟᱶᱛᱮ ᱥᱟᱶᱦᱮᱫ ᱨᱮᱭᱟᱜ ᱟᱭᱢᱟ ᱦᱟ.ᱴᱤᱧ, ᱢᱮᱞᱮᱠᱟ ᱥᱟᱶᱛᱟ ᱟ.ᱨᱤ ᱪᱟ.ᱞᱤ, ᱜᱟᱢ ᱠᱟ.ᱦᱱᱤ, ᱥᱮᱨᱮᱧ, ᱚᱱᱚᱬᱦᱮ ᱥᱟᱱᱟᱢᱟᱜ ᱜᱮᱭ ᱥᱟᱯᱲᱟᱣ ᱫᱟᱲᱮᱭᱟᱜ ᱛᱟᱦᱮᱡ᱾ ᱩᱱᱤᱭᱟᱜ ᱚᱞ ᱠᱚ “ᱢᱟᱨᱥᱟᱞ ᱥᱟᱸᱫᱮᱥ” ᱢᱮᱱᱛᱮ ᱦᱚᱠᱚ ᱢᱮᱛᱟᱜ ᱛᱟᱦᱮᱱ᱾ ᱚᱱᱟ ᱛᱟᱭᱚᱢ ᱑᱙᱕᱙ ᱥᱟᱞ ᱨᱮ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱠᱩᱨᱩ ᱢᱩᱴᱩ ᱛᱮ “ᱚᱞ ᱤᱱᱰᱤᱭᱟ ᱥᱟᱱᱛᱟᱞᱤ ᱞᱮᱝᱜᱩᱭᱤᱥᱴᱤᱠ ᱠᱳᱢᱤᱴᱤ”(All India Santali Linguistic Committee) ᱜᱚᱲᱦᱚᱱ ᱞᱮᱱᱟ ᱟᱨ ᱱᱚᱣᱟ ᱠᱚᱢᱤᱴᱤ ᱨᱮᱭᱟᱜ ᱠᱩᱨᱩ ᱢᱩᱴᱩ ᱛᱮ ᱢᱤᱫ ᱥᱟᱱᱛᱟᱲᱤ ᱪᱟᱸᱫᱳ ᱠᱤᱭᱟ. “ᱟᱲᱟᱝ” ᱧᱩᱛᱩᱢᱟᱱ ᱯᱟᱛᱷᱟᱢ ᱠᱚ ᱯᱟᱨᱥᱟᱞ ᱞᱮᱫᱟ ᱡᱟᱦᱟ ᱨᱮᱭᱟᱜ ᱞᱤᱯᱤ ᱫᱚ ᱨᱳᱢᱟᱱ ᱜᱮ ᱛᱟᱦᱮ ᱠᱟᱱᱟ᱾ ᱚᱱᱟ ᱛᱟᱭᱚᱢ ᱟᱨ ᱦᱚ ᱠᱳᱞᱠᱟᱛᱟ ᱨᱮ “ᱥᱟᱱᱛᱟᱞᱤ ᱞᱤᱴᱮᱨᱮᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱳᱥᱟᱭᱴᱤ” ᱛᱷᱟᱯᱚᱱ ᱞᱮᱫᱟ, ᱟᱨ ᱚᱸᱰᱮ ᱠᱷᱚᱱ ᱦᱚ “ᱡᱩᱜᱽ ᱥᱤᱨᱡᱚᱞ” ᱧᱩᱛᱩᱢᱟᱱ ᱢᱤᱫ ᱯᱟᱛᱷᱟᱢ ᱮ ᱪᱷᱟᱯᱟ ᱥᱚᱫᱚᱨ ᱞᱮᱫᱟ᱾ ᱱᱚᱣᱟ ᱪᱷᱟᱰᱟ ᱠᱟᱛᱮᱜ ᱨᱮᱦᱚ ᱟᱭᱢᱟ ᱚᱱᱚᱞ ᱠᱚ ᱛᱟᱦᱮ ᱠᱟᱱ ᱛᱟᱭᱟ ᱡᱟᱦᱟ ᱠᱚ ᱨᱮᱭᱟᱜ ᱦᱩᱫᱤᱥ ᱠᱚᱫᱚ ᱱᱤᱛ ᱫᱷᱟ.ᱨᱤᱡ ᱦᱚ ᱵᱟᱝ ᱵᱟᱲᱟᱭ ᱟᱠᱟᱱᱟ᱾ ᱚᱱᱟ ᱠᱚ ᱢᱩᱫᱽᱨᱮ ᱠᱤᱪᱷᱩ ᱠᱚᱫᱚ ᱦᱩᱭᱩᱜ ᱠᱟᱱᱟ—
᱑.ᱟ.ᱱᱟ.ᱲᱤ ᱦᱚᱲ (ᱯᱟᱨᱥᱟᱞ ᱨᱮᱭᱟᱜ ᱚᱠᱛᱚ ᱨᱮᱱᱟᱜ ᱦᱩᱫᱤᱥ ᱵᱟᱝ.ᱱᱩᱜᱼᱟ)
᱒.ᱠᱟ.ᱠᱤ ᱜᱳ (ᱯᱟᱨᱥᱟᱞ ᱨᱮᱭᱟᱜ ᱚᱠᱛᱚ ᱨᱮᱱᱟᱜ ᱦᱩᱫᱤᱥ ᱵᱟᱝ.ᱱᱩᱜᱼᱟ)
᱓.ᱵᱩᱨᱥᱮ ᱥᱮᱸᱜᱮᱞ(ᱯᱟᱨᱥᱟᱞ ᱨᱮᱭᱟᱜ ᱚᱠᱛᱚ ᱨᱮᱱᱟᱜ ᱦᱩᱫᱤᱥ ᱵᱟᱝ.ᱱᱩᱜᱼᱟ)
᱔.ᱠᱚᱢᱤᱭᱩᱱᱤᱥᱴ ᱤᱥᱛᱟᱦᱟᱨ- ᱑᱙᱗᱘ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾
᱕.ᱚᱡᱚᱭ ᱵᱟᱵᱟ ᱵᱷᱤᱯ ᱨᱮ ᱜᱟᱢᱟᱢ ᱯᱩᱛᱷᱤ ᱑᱙᱙᱔ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾
ᱵᱚᱸᱜᱟ ᱫᱤᱥᱚᱢ ᱺᱥᱟᱱᱛᱟᱲ ᱥᱟᱶᱛᱟ ᱟᱨ ᱥᱟᱱᱛᱟᱲᱤ ᱥᱟᱶᱦᱮᱫ ᱢᱟᱱᱚᱛᱟᱱ ᱜᱚᱢᱠᱮ ᱟᱭᱟᱜ ᱧᱩᱛᱩᱢ ᱥᱳᱱᱟ ᱟᱠᱷᱚᱨ ᱛᱮ ᱜᱟᱵᱟᱱ ᱦᱚᱴᱚ ᱠᱟᱛᱮᱜ ᱟᱨ ᱟᱭᱟᱜ ᱟᱠᱤᱞ ᱫᱟᱲᱮ ᱠᱚ ᱮᱢ ᱦᱚᱴᱚ ᱠᱟᱛᱮᱜ ᱑᱙᱘᱙ ᱥᱟᱞ ᱨᱮᱱᱟᱜ ᱒᱕ ᱚᱠᱴᱚᱵᱚᱨ ᱨᱮ ᱟᱵᱚ ᱥᱟᱱᱟᱢ ᱠᱚ ᱵᱟ.ᱜᱤ ᱦᱚᱴᱚ ᱠᱟᱛᱮᱜ ᱵᱚᱸᱜᱟ ᱫᱤᱥᱚᱢ ᱛᱮᱭ ᱯᱟᱨᱚᱢ ᱞᱮᱱᱟ᱾
------------------------------------------------------------------------------------------------
Relevant Posts »
Biography of Sarada Prasad Kisku - Most powerful poet of Santali language
Sarada Prasad Kisku (Kherwal Baisa) biography- Chirgal Chir
Sadhu Ramchand Murmu-Biography The Kobi guru of Santali Literature -ᱪᱤᱨᱜᱟ.ᱞ ᱪᱤᱨ
Pandit Raghunath murmu biography - The Ol Guru of Santali Literature -Chirgal Chir
Extra..................
Nothing