Santali Grammar - Person and Numbers

 ᱜᱚᱨᱚᱱ

PERSON

ᱟ.ᱭᱟ.ᱛ ᱨᱮ ᱡᱟᱦᱟᱭ ᱮ ᱨᱚᱲ ᱠᱟᱱᱟ ᱥᱮ ᱡᱟᱦᱟᱭ ᱵᱟᱨᱮᱛᱮ ᱥᱮ ᱡᱟᱦᱟᱱᱟᱜ ᱵᱟᱨᱮᱛᱮ ᱠᱟᱛᱷᱟ ᱦᱩᱭᱩᱜ ᱠᱟᱱᱟ, ᱩᱱᱤ ᱦᱚᱲ ᱥᱮ ᱚᱱᱟ ᱡᱟᱦᱟᱱᱟᱜ ᱵᱩᱡᱷᱟᱣ ᱦᱚᱪᱚ ᱞᱟᱜᱤᱰ ᱞᱮᱞᱮᱭᱤᱡ ᱡᱟᱦᱟ ᱠᱚ ᱟ.ᱲᱟ.ᱭ ᱵᱮᱣᱦᱟᱨ ᱮᱫᱟ ᱚᱱᱟ ᱜᱮ ᱜᱚᱨᱚᱱ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱩᱭᱦᱟ.ᱨ ᱛᱟᱦᱮᱱ ᱢᱟ ᱜᱚᱨᱚᱱ ᱨᱮᱫᱚ ᱡᱟᱦᱟᱭᱟᱜ ᱥᱮ ᱡᱟᱦᱟᱱᱟᱜ ᱨᱮᱱᱟᱜ ᱧᱩᱱᱩᱢ (ᱧᱩᱛᱩᱢ) ᱯᱟ.ᱨᱤᱥ ᱟ.ᱲᱟ. ᱟᱨ ᱵᱟᱝ ᱠᱷᱟᱱ ᱚᱱᱟ ᱨᱮᱭᱟᱜ ᱩᱧᱩᱢ(ᱧᱩᱛᱩᱢ ᱵᱚᱞᱛᱮ ᱡᱟᱦᱟ ᱵᱮᱣᱦᱟᱨᱚᱜ-ᱟ) ᱯᱟ.ᱨᱤᱥ ᱟ.ᱲᱟ. ᱠᱚ ᱵᱮᱣᱟᱨᱚᱜ-ᱟ᱾ ᱚᱱᱟᱛᱮ ᱜᱚᱨᱚᱱ ᱫᱚ ᱯᱮ ᱦᱟ.ᱴᱤᱧ ᱨᱮᱠᱚ ᱦᱟ.ᱴᱤᱧ ᱟᱠᱟᱫᱟ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ— ᱢᱟᱬᱟᱝ ᱜᱚᱨᱚᱱ, ᱥᱟᱢᱟᱝ ᱜᱚᱨᱚᱱ, ᱟᱨ ᱥᱟ.ᱜᱤᱧ ᱜᱚᱨᱚᱱ᱾

ᱢᱟᱲᱟᱝ ᱜᱚᱨᱚᱱ(First Person): ᱟ.ᱭᱟ.ᱛ ᱨᱮ ᱞᱟ.ᱞᱟ.ᱭᱤᱡ ᱟᱡᱟᱜ ᱧᱩᱛᱩᱢ ᱵᱚᱫᱚᱞ ᱛᱮ ᱡᱟᱦᱟ ᱠᱚ ᱟ.ᱲᱟ.ᱭ ᱵᱮᱣᱦᱟᱨ ᱚᱱᱟ ᱥᱟᱱᱟᱢᱟᱜ ᱠᱚ ᱜᱮ ᱢᱟᱲᱟᱝ ᱜᱚᱨᱚᱱ ᱨᱮᱭᱟᱜ ᱟ.ᱲᱟ. ᱠᱚ ᱢᱮᱛᱟᱜᱼᱟ᱾ ᱡᱮᱞᱮᱠᱟ- ᱤᱧ, ᱟ.ᱞᱤᱧ, ᱟᱞᱟᱝ, ᱟᱵᱚ, ᱟᱯᱮ ᱟ.ᱲᱟ. ᱠᱚᱫᱟ ᱢᱟᱲᱟᱝ ᱜᱚᱨᱚᱱ ᱨᱮᱭᱟᱜ ᱛᱷᱚᱠ ᱨᱮ ᱞᱮᱠᱷᱟᱜ-ᱟ᱾

ᱥᱟᱢᱟᱝ ᱜᱚᱨᱚᱱ (Second person): ᱟ.ᱭᱟ.ᱛ ᱨᱮ ᱞᱟ.ᱞᱟ.ᱭᱤᱡ ᱡᱟᱦᱮᱭ ᱵᱟᱨᱮᱛᱮ ᱞᱮᱭ ᱮᱫᱟᱭ ᱩᱱᱤᱭᱟᱜ ᱧᱩᱛᱩᱢ ᱵᱚᱫᱚᱞ ᱛᱮ ᱩᱱᱤ ᱵᱩᱡᱷᱟᱣ ᱦᱚᱪᱚ ᱞᱟ.ᱜᱤᱫ ᱡᱟᱦᱟ ᱟ.ᱲᱟ. ᱠᱚᱭ ᱵᱮᱣᱦᱟᱨ ᱮᱫᱟ ᱚᱱᱟ ᱠᱚᱜᱮ ᱥᱟᱢᱟᱝ ᱜᱚᱨᱚᱱ ᱨᱮᱭᱟᱜ ᱟ.ᱲᱟ. ᱠᱚ ᱢᱮᱛᱟᱜᱼᱟ᱾ ᱡᱮᱞᱮᱠᱟ—ᱟᱢ, ᱟ.ᱵᱤᱱ , ᱟᱯᱮ, ᱱᱚᱣᱟ ᱠᱚ ᱟ.ᱲᱟ. ᱠᱚᱫᱚ ᱥᱟᱢᱟᱝ ᱜᱚᱨᱚᱱ ᱨᱮ ᱞᱮᱠᱷᱟᱜ-ᱟ᱾

ᱥᱟ.ᱜᱤᱧ ᱜᱚᱨᱚᱱ(Third person):ᱟ.ᱭᱟ.ᱛ ᱨᱮ ᱞᱟ.ᱞᱟ.ᱭᱤᱡ ᱡᱚᱠᱷᱚᱡ ᱟᱡ ᱥᱩᱨ ᱨᱮ ᱵᱟᱱᱩᱭᱟ ᱱᱚᱝ ᱠᱟᱱ ᱢᱤᱫ ᱦᱚᱲᱟᱜ ᱠᱟᱛᱷᱟ ᱞᱮᱭ ᱯᱟᱥᱱᱟᱣ ᱡᱚᱦᱚᱜ, ᱩᱱᱤ ᱥᱟ.ᱜᱤᱧ ᱨᱮ ᱢᱮᱱᱟᱭᱟ ᱦᱚᱲ ᱥᱮ ᱡᱤᱱᱤᱥ ᱵᱩᱡᱷᱟᱣ ᱦᱚᱪᱚ ᱞᱟ.ᱜᱤᱫ ᱡᱟᱦᱟ ᱟ.ᱲᱟ. ᱠᱚᱭ ᱵᱮᱣᱦᱟᱨᱼᱟ, ᱚᱱᱟ ᱠᱚᱜᱮ ᱥᱟ.ᱜᱤᱧ ᱜᱚᱨᱚᱱ ᱨᱮᱱᱟᱜ ᱟ.ᱲᱟ. ᱠᱚ ᱢᱮᱛᱟᱜ-ᱟ᱾ ᱡᱮᱞᱮᱠᱟ— ᱟᱢ, ᱟ.ᱠᱤᱱ, ᱟᱠᱚ, ᱩᱱᱤ, ᱩᱱᱠᱤᱱ, ᱩᱱᱠᱩ, ᱚᱱᱟ, ᱚᱱᱟ ᱠᱤᱱ, ᱚᱱᱟᱠᱚ, ᱥᱟᱶᱛᱮ ᱥᱟᱱᱟᱢ ᱧᱩᱛᱩᱢ ᱵᱩᱡᱷᱟᱣᱚᱜ ᱠᱟᱱ ᱟ.ᱲᱟ. ᱠᱚᱦᱚ ᱥᱟ.ᱜᱤᱧ ᱜᱚᱨᱚᱱ ᱨᱮ ᱞᱮᱠᱷᱟᱜ-ᱟ᱾

                                            ᱜᱚᱴᱟᱝ

Numbers

ᱟ.ᱭᱟ.ᱛᱮ ᱨᱮ ᱡᱟᱦᱟᱭᱼᱮ ᱞᱮᱭ ᱮᱫᱟ ᱥᱮ ᱡᱟᱦᱟᱭ ᱵᱟᱨᱮᱛᱮ ᱞᱮᱭ ᱮᱫᱟᱭ ᱩᱱᱤ ᱛᱤᱱ ᱦᱚᱲᱟᱭ, ᱥᱮ ᱛᱤᱱ ᱜᱚᱴᱟᱝ ᱟᱠᱚ ᱚᱱᱟ ᱨᱮᱭᱟᱜ ᱠᱟᱛᱷᱟ ᱡᱟᱦᱟ ᱨᱚᱱᱚᱲ ᱟ.ᱨᱤ ᱛᱮ ᱵᱩᱡᱷᱟᱣ ᱧᱟᱢᱚᱜᱼᱟ ᱚᱱᱟ ᱜᱮ ᱜᱚᱴᱟᱝ ᱠᱚ ᱢᱮᱛᱟᱜ ᱠᱟᱱᱟ᱾ ᱥᱟᱱᱛᱟᱲᱤ ᱨᱚᱱᱚᱲ ᱨᱮ ᱜᱚᱴᱟᱝ ᱫᱚ ᱯᱮ ᱛᱷᱚᱠ ᱨᱮ ᱦᱟ.ᱴᱤᱧ ᱟᱠᱟᱱᱟ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ— ᱢᱤᱫ ᱜᱚᱴᱟᱝ, ᱵᱟᱨ ᱜᱚᱴᱟᱝ, ᱟᱨ ᱥᱟᱸᱜᱮ ᱜᱚᱴᱟᱝ᱾

ᱢᱤᱫ ᱜᱚᱴᱟᱝᱺ ᱟ.ᱭᱟ.ᱛ ᱨᱮ ᱞᱮᱞᱮᱭᱤᱡ ᱟᱨ ᱵᱟᱝ ᱡᱟᱦᱟᱭ ᱵᱟᱨᱮᱛᱮ ᱞᱮᱭᱚᱜ ᱠᱟᱱᱟ ᱩᱱᱤ ᱵᱩᱡᱷᱟᱣ ᱧᱟᱢ ᱦᱚᱪᱚ ᱞᱟ.ᱜᱤᱫ ᱡᱟᱦᱟ ᱟ.ᱲᱟ. ᱠᱚ ᱵᱮᱣᱦᱟᱨᱚᱜ-ᱟ, ᱚᱱᱟ ᱛᱮ ᱢᱤᱫ ᱜᱚᱴᱟᱝ ᱟ.ᱭᱠᱟ.ᱣ ᱞᱮᱱ ᱠᱷᱟᱱ ᱵᱩᱡᱷᱟᱣ ᱦᱩᱭᱩᱜ ᱚᱱᱟ ᱟ.ᱲᱟ. ᱫᱚ ᱢᱤᱫ ᱜᱚᱴᱟᱝ ᱛᱷᱚᱠ ᱨᱮᱭᱟᱜ ᱠᱟᱱᱟ᱾ ᱡᱮᱞᱮᱠᱟ—ᱫᱷᱤᱨᱤ, ᱫᱟᱨᱮ, ᱩᱱᱤ, ᱟᱢ, ᱡᱟᱦᱟᱭᱟᱜ ᱧᱩᱛᱩᱢ ᱦᱚ ᱦᱩᱭ ᱫᱟᱲᱮᱭᱟᱜ-ᱟ᱾

ᱵᱟᱨ ᱜᱚᱴᱟᱝᱺ ᱟ.ᱭᱟ.ᱛ ᱨᱮ ᱡᱟᱦᱟᱭᱼᱮ ᱞᱮᱭ ᱮᱫᱟ ᱥᱮ ᱡᱟᱦᱟᱭ ᱵᱟᱨᱮᱛᱮ ᱞᱮᱭᱚᱜ ᱠᱟᱱᱟ ᱩᱱᱤ ᱵᱩᱡᱷᱟᱣ ᱦᱚᱪᱚ ᱞᱟ.ᱜᱤᱫ ᱡᱟᱦᱟ ᱟ.ᱲᱟ. ᱠᱚ ᱵᱮᱣᱦᱟᱨᱚᱜ ᱠᱟᱱᱟ, ᱚᱱᱟ ᱛᱮ ᱡᱩᱫᱤ ᱵᱟᱨᱭᱟ ᱦᱚᱲ ᱥᱮ ᱵᱟᱨᱟᱭᱟ ᱡᱤᱱᱤᱥ ᱟ.ᱭᱠᱟ.ᱣᱚᱜ-ᱟ, ᱩᱱ ᱨᱮ ᱵᱩᱡᱷᱟᱣ ᱧᱟᱢ ᱦᱩᱭᱩᱜ-ᱟ ᱚᱱᱟ ᱵᱟᱨ ᱜᱚᱴᱟᱝ ᱛᱷᱚᱠ ᱨᱮᱭᱟᱜ ᱟ.ᱲᱟ. ᱠᱟᱱᱟ᱾ᱡᱮᱞᱮᱠᱟ— ᱦᱟᱯᱟᱱ ᱠᱤᱱ, ᱦᱚᱲ ᱠᱤᱱ, ᱩᱱᱠᱤᱱ, ᱟ.ᱞᱤᱧ ᱮᱢᱟᱱᱟᱜ ᱠᱚ᱾

ᱥᱟᱸᱜᱮ ᱜᱚᱴᱟᱝᱺ ᱟ.ᱭᱟ.ᱛ ᱨᱮ ᱡᱟᱦᱟᱭᱼᱮ ᱞᱮᱭ ᱮᱫᱟ ᱥᱮ ᱡᱟᱦᱟᱭ ᱵᱟᱨᱮᱛᱮ ᱞᱮᱭ ᱮᱫᱟᱭ ᱩᱱᱤ ᱵᱩᱡᱷᱟᱣ ᱦᱚᱪᱚ ᱞᱟ.ᱜᱤᱫ ᱞᱟ.ᱞᱟ.ᱭᱤᱡ ᱡᱟᱦᱟ ᱟ.ᱲᱟ. ᱠᱚᱭ ᱵᱮᱣᱦᱟᱨ ᱮᱫᱟ, ᱚᱱᱟᱛᱮ ᱡᱩᱫᱤ ᱡᱟᱦᱟᱭ ᱮ ᱨᱚᱲ ᱠᱟᱱᱟ ᱥᱮ ᱡᱟᱦᱟᱭ ᱵᱟᱨᱮᱛᱮ ᱞᱮᱭ ᱮᱫᱟᱭ ᱩᱱᱤ ᱵᱟᱨ ᱜᱚᱴᱟᱝ ᱠᱷᱚᱱ ᱡᱟ.ᱥᱛᱤᱭ ᱟ.ᱭᱠᱟ.ᱣ ᱞᱮᱱ ᱠᱷᱟᱱ, ᱩᱱ ᱨᱮ ᱵᱩᱡᱷᱟᱣ ᱦᱩᱭᱩᱜ-ᱟ ᱡᱮ ᱚᱱᱟ ᱟ.ᱲᱟ. ᱫᱚ ᱥᱟᱸᱜᱮ ᱜᱚᱴᱟᱝ ᱛᱷᱚᱠ ᱨᱮᱭᱟᱜ ᱟ.ᱲᱟ. ᱠᱟᱱᱟ᱾

ᱥᱟᱱᱛᱟᱲᱤ ᱨᱚᱱᱚᱲ ᱨᱮᱭᱟᱜ ᱯᱨᱟᱭᱢᱟᱨᱤ ᱦᱟᱴᱤᱧ ᱫᱚ ᱱᱩᱱᱟᱹᱜ ᱜᱮ. ᱥᱟᱱᱛᱟᱲᱤ ᱨᱚᱱᱚᱲ ᱟᱨ ᱠᱚ ᱯᱟ.ᱨᱤᱥ ᱨᱮᱭᱟᱜ ᱨᱚᱱᱚᱲ ᱠᱷᱚᱱ ᱫᱚ ᱟ.ᱰᱤ ᱠᱤᱥᱟ.ᱲ ᱜᱮᱭᱟ᱾ ᱱᱚᱣᱟ ᱨᱮᱭᱟᱜ ᱟᱭᱢᱟ ᱦᱤᱥ ᱠᱚ ᱢᱮᱱᱟᱜ ᱟᱠᱟ‌ᱫᱟ ᱡᱟᱦᱟ ᱠᱚ ᱫᱚ ᱥᱩᱢᱩᱝ ᱯᱟᱲᱦᱟᱣ ᱠᱟᱛᱮᱜ ᱵᱩᱡᱷᱟᱣ ᱧᱟᱢ ᱫᱚ ᱱᱟᱥᱮ ᱱᱟᱜ ᱟᱡᱷᱟᱴ ᱜᱮᱭᱟ᱾ ᱚᱱᱟᱛᱮ ᱚᱱᱟ ᱠᱚᱫᱚ ᱟᱫᱚ ᱚᱞ ᱥᱚᱫᱚᱨ ᱫᱚ ᱵᱟᱝ ᱦᱳᱭᱳᱜ ᱠᱟᱱᱟ᱾ ᱮᱱ ᱨᱮᱦᱚ ᱵᱟᱲᱟᱭ ᱨᱮᱭᱟᱜ ᱟᱸᱥ ᱯᱩᱨᱟ.ᱣ ᱞᱟ.ᱜᱤᱫ ᱞᱟᱛᱟᱨ ᱨᱮ ᱠᱤᱪᱷᱩ ᱜᱟᱱ ᱥᱟᱱᱛᱟᱲᱤ ᱨᱚᱱᱚᱲ ᱯᱚᱛᱚᱵ ᱠᱚ ᱨᱮᱭᱟᱜ ᱧᱩᱛᱩᱢ ᱮᱢ ᱦᱩᱭ ᱮᱱᱟ᱾

Reference Books:-

• Ronor- Written by Pandit Raghunath Murmu

• Ronor – CIIL

• Santali Parsi Unurum – Sushil Hembram

• Metarial for Santali Grammar –Rev. P. O. Bodding

• Santali Parsi Unurum –Dr. K.C. Tudu

• Nahag Santali Ronor -Sadhan Kumar Mandi

• Santali Bhasha ka Baigyanik Adhyayan –Dr. K. C. Tudu

--------------------------------------------------------------------------------------

Relevant Posts »   

Learn the basics of linguistics in Santali

The Fundamentals of Santali Grammar: learn about Santali grammar

Santali Grammar - Types Of Ol Chiki Letters According To Their Vocalizing

Characteristic Of Santali Script and Language - Chirgal Chir

DOWNLOAD PDF