Types Of Ol Chiki Letters According To Their Vocalizing
ᱟᱲᱟᱝ ᱨᱮᱭᱟᱜ ᱥᱤᱨᱡᱟᱹᱣ ᱴᱷᱟᱸᱶ ᱞᱮᱠᱟᱛᱮ ᱚᱞ ᱪᱤᱠᱤ ᱨᱮᱭᱟᱜ ᱪᱤᱠᱚ ᱡᱟᱦᱟ ᱞᱮᱠᱟ ᱦᱟ.ᱴᱤᱧ ᱟᱠᱟᱱᱟ
ᱚᱞ ᱪᱤᱠᱤ ᱨᱮᱭᱟᱜ ᱪᱤᱠᱤ ᱠᱚ ᱟᱲᱟᱝ ᱚᱠᱛᱚ ᱢᱚᱪᱟ ᱨᱮᱭᱟᱜ ᱡᱟᱦᱟ ᱦᱤᱥ ᱠᱚ ᱠᱷᱚᱱ ᱚᱱᱟ ᱪᱤᱠᱤ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱛᱮᱭᱟᱨᱚᱜ ᱠᱟᱱᱟ ᱚᱱᱟ ᱞᱮᱠᱟᱛᱮ ᱪᱤᱠᱤ ᱠᱚ ᱵᱷᱮᱜᱟᱨ ᱵᱷᱮᱜᱟᱨ ᱛᱷᱚᱠ ᱨᱮ ᱦᱟ.ᱴᱤᱧ ᱟᱠᱟᱱᱟ᱾ ᱟᱲᱟᱝ ᱮᱛᱚᱦᱚᱵ ᱨᱮᱭᱟᱜ ᱴᱷᱳᱶ ᱞᱮᱠᱟᱛᱮ ᱜᱮ ᱪᱤᱠᱤ ᱠᱚ ᱵᱷᱮᱜᱟᱨ ᱵᱷᱮᱜᱟᱨ ᱛᱷᱚᱠ ᱨᱮᱠᱚ ᱦᱟ.ᱴᱤᱧ ᱟᱠᱟᱫᱟ᱾ ᱞᱩᱴᱤ ᱠᱤᱱ ᱠᱷᱚᱱ ᱠᱟᱱᱴᱟ ᱫᱷᱟ.ᱨᱤᱡ ᱱᱚᱝᱠᱟᱱ ᱠᱤᱪᱷᱩ ᱜᱟᱱ ᱴᱷᱟᱶ ᱠᱚᱫᱚ ᱦᱩᱭᱩᱜ ᱠᱟᱱᱟ—ᱠᱟᱱᱴᱟ, ᱛᱟ.ᱨᱩ, ᱰᱟᱴᱟ, ᱞᱩᱴᱤ, ᱴᱤ, ᱮᱢᱟᱱ ᱮᱢᱟᱱᱟᱜ ᱠᱚ᱾
ᱠᱟᱱᱴᱟ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱛᱮᱫ ᱠᱟᱱᱴᱟ ᱠᱷᱚᱱᱟᱜ ᱮᱛᱚᱦᱚᱵᱚᱜ-ᱟ ᱥᱮ ᱟᱞᱟᱝ ᱨᱮᱭᱟᱜ ᱛᱟᱭᱚᱢ ᱦᱤᱥ ᱛᱮ ᱠᱟᱱᱴᱟ ᱛᱟ.ᱯᱤᱧᱚᱜ-ᱟ, ᱚᱱᱠᱟᱱ ᱪᱤᱠᱤ ᱠᱚᱫᱚ ᱠᱟᱱᱴᱟ ᱛᱟ.ᱨᱤ ᱪᱤᱠᱤ ᱠᱚ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱠᱟ—ᱚ,ᱜ, ᱠ, ᱟ, ᱦ, ᱷ᱾
ᱛᱟ.ᱨᱩ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱛᱮᱫ ᱛᱟ.ᱨᱩ ᱠᱷᱚᱱ ᱥᱤᱨᱡᱟ.ᱜ-ᱟ ᱥᱮ ᱟᱞᱟᱝ ᱛᱮ ᱛᱟ.ᱨᱩ ᱡᱟᱜᱚᱜ-ᱟ, ᱚᱱᱠᱟᱱ ᱪᱤᱠᱤ ᱠᱚᱫᱚ ᱛᱟ.ᱨᱩ ᱛᱟ.ᱨᱤ ᱪᱤᱠᱤ ᱠᱚ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱠᱟ— ᱳ, ᱣ, ᱨ, ᱤ᱾
ᱢᱩ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱢᱩ ᱛᱮ ᱦᱩᱭᱩᱜ-ᱟ, ᱚᱱᱟ ᱠᱚ ᱪᱤᱠᱤ ᱫᱚ ᱢᱩ ᱛᱟ.ᱨᱤ ᱪᱤᱠᱤ ᱠᱚ ᱢᱮᱛᱟᱜ-ᱟ᱾ ᱡᱮᱞᱮᱠᱟ—ᱝ, ᱢ, ᱧ, ᱬ, ᱶ᱾
ᱰᱟᱴᱟ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱠᱟ ᱰᱟᱴᱟ ᱛᱮ ᱦᱩᱭᱩᱜ-ᱟ ᱥᱮ ᱟᱲᱟᱝ ᱚᱠᱛᱚ ᱥᱟᱦᱮᱫ ᱦᱚᱭ ᱰᱟᱴᱟ ᱨᱮ ᱛᱟ.ᱯᱤᱧᱚᱜ-ᱟ, ᱚᱱᱟ ᱠᱚ ᱪᱤᱠᱤ ᱫᱚ ᱰᱟᱴᱟ ᱛᱟ.ᱨᱤ ᱪᱤᱠᱤ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱠᱟ—ᱛ, ᱥ, ᱫ, ᱱ᱾
ᱞᱩᱴᱤ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱞᱩᱴᱤ ᱛᱮ ᱥᱤᱨᱡᱟᱹᱜᱼᱟ ᱥᱮ ᱟᱲᱟᱝ ᱚᱠᱛᱚ ᱞᱩᱴᱤ ᱠᱤᱱ ᱵᱮᱣᱦᱟᱨᱚᱜ-ᱟ, ᱚᱱᱟ ᱪᱤᱠᱤ ᱠᱚ ᱜᱮ ᱞᱩᱴᱤ ᱛᱟ.ᱨᱤ ᱪᱤᱠᱤ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱠᱟ—ᱯ, ᱵ, ᱮ᱾
ᱰᱟᱴᱟ-ᱞᱩᱴᱤ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱞᱩᱴᱤ ᱟᱨ ᱰᱟᱴᱟ ᱨᱮᱭᱟᱜ ᱵᱮᱣᱦᱟᱨ ᱛᱮ ᱥᱤᱨᱡᱟᱹᱜᱼᱟ, ᱚᱱᱟ ᱠᱟ ᱪᱤᱠᱤ ᱫᱚ ᱰᱟᱴᱟ-ᱞᱩᱴᱤ ᱛᱟ.ᱨᱤ ᱪᱤᱠᱤ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱠᱟ—ᱡ, ᱪ᱾
ᱰᱟᱴᱟ ᱛᱟ.ᱨᱩ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱪᱤᱠᱤ ᱠᱚ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱰᱟᱴᱟ ᱟᱨ ᱛᱟ.ᱨᱩ ᱨᱮᱭᱟᱜ ᱵᱮᱣᱦᱟᱨ ᱛᱮ ᱥᱤᱨᱡᱟᱹᱜᱼᱟ, ᱚᱱᱟᱠᱟᱱ ᱪᱤᱠᱤ ᱠᱚᱫᱚ ᱰᱟᱴᱟ-ᱛᱟ.ᱨᱩ ᱛᱟ.ᱨᱤ ᱪᱤᱠᱤ ᱵᱚᱱ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱠᱟ—ᱞ, ᱰ, ᱲ, ᱴ᱾
ᱠᱟᱱᱴᱟ-ᱞᱩᱴᱤ ᱛᱟ.ᱨᱤ ᱪᱤᱠᱤᱺ ᱡᱟᱦᱟ ᱠᱚ ᱪᱤᱠᱤ ᱨᱮᱭᱟᱜ ᱟᱲᱟᱝ ᱥᱮ ᱥᱟᱰᱮ ᱠᱟᱱᱴᱟ ᱟᱨ ᱞᱩᱴᱤ ᱨᱮᱭᱟᱜ ᱵᱮᱣᱦᱟᱨ ᱛᱮ ᱥᱤᱨᱡᱟᱹᱜᱼᱟ, ᱚᱱᱠᱟᱱᱟᱜ ᱪᱤᱠᱤ ᱠᱚᱫᱚ ᱠᱟᱱᱴᱟ-ᱞᱩᱴᱤ ᱛᱟ.ᱨᱤ ᱪᱤᱠᱤ ᱠᱚ ᱢᱮᱛᱟᱜ ᱠᱟᱱ᱾ ᱡᱮᱞᱮᱠᱟ— ᱩ,ᱳ᱾
------------------------------------------------------------------------------------
Relevant Posts »
Learn the basics of linguistics in Santali
The Fundamentals of Santali Grammar: learn about Santali grammar
Santali Grammar - Person and Numbers
Characteristic Of Santali Script and Language - Chirgal Chir
Nothing