A patriotic santali poem Magician written by Marshal Hembram
ᱚᱱᱚᱬᱦᱮ ᱩᱯᱨᱩᱢ
ᱢᱟᱱᱚᱛᱟᱱ ᱢᱟᱨᱥᱟᱞ ᱦᱮᱢᱵᱨᱚᱢ ᱜᱚᱢᱴᱠᱮᱭᱟᱜ ᱚᱞ ᱢᱮᱡᱤᱥᱤᱭᱟᱱ ᱚᱱᱚᱬᱦᱮ ᱫᱚ "ᱚᱱᱚᱬᱦᱮ ᱡᱷᱚᱛᱚᱢ" ᱚᱱᱚᱬᱦᱮ ᱯᱩᱛᱤ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱱᱚᱣᱟ "ᱢᱮᱡᱤᱥᱤᱭᱟᱱ" ᱚᱱᱚᱬᱦᱮ ᱫᱚ ᱢᱤᱫ ᱪᱤᱨᱜᱟ.ᱞ ᱟᱱᱟᱜ ᱚᱱᱚᱬᱦᱮ ᱠᱟᱱᱟ᱾ ᱚᱱᱚᱬᱦᱤᱭᱟ. ᱜᱚᱢᱠᱮ ᱱᱚᱣᱟ ᱚᱱᱚᱬᱦᱮ ᱛᱟᱞᱟ ᱛᱮ ᱥᱟᱶᱛᱟ ᱨᱮᱱ ᱦᱚᱲ ᱯᱟ.ᱦᱤᱞ ᱟᱨ ᱱᱟᱦᱟᱜ ᱨᱮᱭᱟᱜ ᱪᱤᱛᱟᱹᱨ-ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱟ᱾ ᱚᱠᱟ ᱞᱮᱠᱟ ᱯᱟ.ᱦᱤᱞ ᱛᱮ ᱥᱟᱱᱛᱟᱲ ᱥᱟᱶᱛᱟ ᱛᱟᱦᱮ ᱠᱟᱱᱟ ᱟᱨ ᱱᱟᱦᱟᱜ ᱚᱠᱟ ᱞᱮᱠᱟ ᱪᱟᱞᱟᱜ ᱠᱟᱱᱟ᱾ ᱚᱱᱚᱬᱦᱤᱭᱟ. ᱜᱚᱢᱠᱮ ᱱᱚᱣᱟ ᱚᱱᱚᱬᱦᱮ ᱛᱟᱞᱟ ᱛᱮ ᱯᱟᱦᱤᱞ ᱚᱠᱟ ᱞᱮᱠᱟ ᱥᱟᱱᱛᱟᱲ ᱥᱟᱶᱛᱟ ᱡᱩᱢᱤᱫ ᱛᱟᱦᱮ ᱠᱟᱱᱟ, ᱨᱟ.ᱥᱠᱟ ᱛᱟᱦᱮ ᱠᱟᱱᱟ, ᱫᱩᱞᱟ.ᱲ ᱛᱟᱦᱮ ᱠᱟᱱᱟ ᱟᱨ ᱱᱟᱦᱟᱜ ᱨᱟᱡᱽᱱᱤᱛᱤ ᱛᱟᱞᱟᱛᱮ ᱚᱱᱟ ᱥᱟᱱᱟᱢ ᱠᱚ ᱪᱮᱫ ᱠᱟ ᱠᱟᱛᱮᱜ ᱫᱷᱟᱥᱠᱟᱣ ᱪᱷᱤᱢ ᱪᱷᱟ.ᱛᱤᱨᱚᱜ ᱠᱟᱱᱟ ᱚᱱᱟᱜᱮᱭ ᱪᱟᱨᱦᱮ ᱥᱚᱫᱚᱨ ᱟᱠᱟᱫᱟᱭ᱾
ᱢᱮᱡᱤᱥᱤᱭᱟᱱ
ᱢᱟᱨᱥᱟᱞ ᱦᱮᱢᱵᱨᱚᱢ
ᱦᱩᱥ ᱢᱟᱱᱛᱟᱨ
ᱵᱟᱪ-ᱪᱟ ᱞᱳᱠ ᱛᱟᱞᱤᱭᱟ ᱵᱟᱡᱟᱣ
ᱢᱮᱡᱤᱥᱤᱭᱟᱱ ᱩᱫᱩᱜ ᱮᱫᱟᱭ ᱢᱮᱡᱤᱠ
ᱢᱤᱫ ᱛᱤ ᱨᱮᱛᱟᱭ ᱡᱟ.ᱫᱩ ᱠᱟ.ᱴᱷᱤ
ᱟᱨ ᱢᱤᱫ ᱛᱤ ᱨᱮᱛᱟᱭ ᱟ.ᱨᱥᱤ
ᱢᱟ.ᱫᱩ ᱠᱟᱴ.ᱷᱤ ᱡᱚᱯᱚᱴᱮᱛ ᱛᱮ
ᱟ.ᱨᱥᱤ ᱨᱮ ᱧᱮᱞ ᱮᱱᱟ
᱑᱘᱕᱕ ᱥᱟᱞ
ᱵᱟᱵᱩ ᱞᱳᱠ ᱦᱟᱢᱟᱨ ᱤ ᱢᱮᱡᱤᱠ ᱮᱨ
ᱱᱟᱢ ᱟᱪᱷᱮ- ᱟ.ᱨᱥᱤ ᱢᱮᱡᱤᱠ᱾
ᱦᱩᱥ ᱢᱟᱱᱛᱟᱨ
ᱦᱤ-ᱦᱤ-ᱦᱤ, ᱦᱟ-ᱦᱟ-ᱦᱟ
ᱫᱤᱠᱷᱳ ᱫᱤᱠᱷᱳ ᱵᱟ.ᱵᱩ ᱞᱳᱠ
ᱟ.ᱨᱥᱤ ᱠᱟ ᱠᱷᱮᱠ ᱫᱤᱠᱷᱳ
ᱟ.ᱨᱥᱤ ᱨᱮ ᱧᱮᱞ ᱮᱱᱟ
ᱥᱟᱨ ᱡᱚᱢ ᱜᱤᱨᱟ.
ᱦᱩᱞ
ᱥᱟᱱᱛᱟᱲ ᱦᱩᱞ
ᱦᱩᱞ ᱨᱮ ᱥᱮᱸᱜᱮᱸᱞ ᱫᱟᱹᱣ ᱫᱟᱹᱣ᱾
ᱛᱤᱨᱮ ᱥᱮᱸᱜᱮᱸᱞ ᱵᱮᱲᱦᱟᱣ ᱠᱟᱛᱮᱜ
ᱛᱤᱨᱮ ᱥᱟᱯᱟᱵ ᱛᱤ
ᱨᱟ.ᱥᱠᱟ.
ᱡᱩᱢᱤᱫ ᱫᱟᱲᱮ
ᱫᱩᱞᱟᱹᱲ
ᱥᱟᱱᱛᱟᱲ ᱦᱩᱞ ᱨᱮ
ᱛᱟᱨᱠᱳᱜ ᱠᱟᱱ ᱥᱞᱳᱜᱟᱱ
ᱯᱷᱩᱨᱜᱟᱹᱞ ᱟᱲᱟᱝ
ᱢᱤᱫ ᱪᱩᱯᱩᱫ ᱫᱟᱠᱟ
ᱛᱟᱦᱮᱱ ᱴᱷᱟᱶ ᱨᱮᱭᱟᱜ ᱦᱚᱠ᱾
ᱦᱩᱥ ᱢᱟᱱᱛᱟᱨ
ᱦᱤ-ᱦᱤ-ᱦᱤ, ᱦᱟ-ᱦᱟ-ᱦᱟ
ᱢᱮᱡᱤᱥᱤᱭᱟᱱ ᱩᱫᱩᱜ ᱮᱫᱟᱭ ᱢᱮᱡᱤᱠ
ᱢᱤᱫ ᱛᱤ ᱨᱮᱛᱟᱭ ᱡᱟ.ᱫᱩ ᱠᱟ.ᱴᱦᱤ
ᱟᱨ ᱛᱤ ᱨᱮ ᱟ.ᱨᱥᱤ
ᱡᱟ.ᱫᱩ ᱠᱟ.ᱴᱷᱤ ᱡᱚᱯᱚᱴᱮᱛ ᱛᱮ
ᱟ.ᱨᱥᱤ ᱨᱮ ᱧᱮᱞ ᱮᱱᱟ
ᱱᱟᱦᱟᱜ ᱚᱠᱛᱚ
ᱵᱟᱵᱩ ᱞᱳᱠ ᱟ.ᱨᱥᱤ ᱢᱮᱡᱤᱠ-ᱠᱟ
ᱫᱩᱥᱨᱟ ᱠᱷᱮᱞ ᱫᱤᱠᱷᱳ------
ᱦᱩᱥ ᱢᱟᱱᱛᱟᱨ
ᱫᱤᱠᱷᱳ ᱫᱤᱠᱷᱳ ᱵᱟᱵᱩ ᱞᱳᱠ
ᱟ.ᱨᱥᱤ ᱠᱟ ᱠᱷᱮᱞ ᱫᱤᱠᱷᱳ
ᱟ.ᱨᱥᱤ ᱨᱮ ᱧᱮᱞ ᱮᱱᱟ
ᱯᱷᱮᱥᱴᱩᱱ,
ᱨᱟᱡᱽᱱᱤᱛᱤ
ᱞᱟ.ᱲᱦᱟ.ᱭ
ᱥᱟᱱᱛᱟᱲ ᱞᱟ.ᱲᱦᱟ.ᱭ
ᱥᱟᱱᱛᱟᱲᱟᱜ ᱛᱤ ᱨᱮ ᱥᱟᱨ
ᱥᱟᱨ ᱠᱚ ᱛᱮᱨᱟᱝ ᱮᱫᱟ
ᱟᱯᱲᱮ ᱵᱟᱠᱷᱳᱞ ᱨᱮ
ᱵᱟᱠᱷᱳᱞ ᱠᱷᱚᱱ ᱞᱤᱸᱜᱤᱱ ᱠᱟᱱ
ᱵᱚᱭᱦᱟ ᱢᱟᱭᱟᱢ !
ᱥᱟᱱᱛᱟᱲᱟᱜ ᱛᱤᱨᱮ ᱥᱟᱰᱮᱠᱟᱱ ᱵᱚᱱᱫᱩᱠ
ᱫᱩᱢ ! ᱫᱩᱢ !! ᱫᱩᱢ !!!
ᱫᱷᱟᱥᱠᱟᱜ ᱠᱟᱱ
ᱥᱟᱱᱛᱟᱲᱟᱜ ᱡᱩᱢᱤᱫ ᱫᱟᱲᱮ
ᱪᱷᱤᱢ ᱪᱷᱟ.ᱛᱩᱨ ᱫᱩᱞᱟ.ᱲ
ᱵᱚᱭᱦᱟ ᱫᱩᱞᱟ.ᱲ
ᱠᱷᱟᱜ ᱠᱷᱟᱜ- ᱮ ᱞᱟᱸᱫᱟᱭᱮᱫᱟ
ᱱᱟᱦᱟᱜ ᱨᱟᱡᱽᱱᱤᱛᱤ ᱿
ᱦᱩᱥ ᱢᱟᱱᱛᱟᱨ
ᱫᱤᱠᱷᱳ ᱫᱤᱠᱷᱳ ᱵᱟᱵᱩ ᱞᱳᱠ
ᱥᱟᱱᱛᱟᱲ ᱠᱮᱢᱚᱱ ᱨᱮᱡ ᱠᱚᱨᱪᱷᱮ ᱥᱟᱱᱛᱟᱲ ᱠᱮ
ᱥᱟᱱᱛᱟᱲ ᱠᱮᱢᱚᱱ ᱜᱚᱡ ᱠᱚᱨᱪᱷᱮ
ᱦᱤ-ᱦᱤ-ᱦᱤ ᱵᱚᱭᱦᱟ ᱫᱩᱞᱟ.ᱲ
ᱦᱟᱼᱦᱟᱼᱦᱟ ᱵᱚᱭᱦᱟ ᱢᱟᱭᱟᱢ ᱥᱟ.ᱜᱟ.ᱭ
ᱦᱤᱼᱦᱤᱼᱦᱤ, ᱦᱟᱼᱦᱟᱼᱦᱟ
ᱵᱟᱪᱪᱟ ᱞᱳᱠ ᱛᱟᱞᱤᱭᱟ ᱵᱟᱡᱟᱣ᱾
--------------------
Nothing