📃 ᱮ ᱤᱧᱟᱜ ᱡᱟᱱᱟᱢ ᱨᱚᱲ
ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ
ᱵᱟᱞᱮ ᱛᱚᱞᱟᱥ ᱟᱠᱟᱫ ᱢᱮᱭᱟ ᱮᱠᱮᱱ ᱟᱞᱮ ᱦᱚᱦᱟᱜ ᱦᱚᱲ,
ᱟᱞᱚᱢ ᱨᱟᱜᱽ-ᱟ, ᱟᱞᱚᱢ ᱦᱚᱢᱚᱨ, ᱮ ᱤᱧᱟᱜ ᱡᱟᱱᱟᱢ ᱨᱚᱲ?
ᱫᱷᱩᱨᱩ ᱫᱷᱩᱥᱩ ᱩᱯ ᱠᱳᱛᱟᱢ,
ᱠᱮᱣᱮ ᱰᱮᱰᱮ ᱦᱚᱲᱢᱚ ᱛᱟᱢ ᱾
ᱢᱮᱱᱟᱜ ᱢᱮᱭᱟ ᱜᱮᱸᱫᱮᱞ ᱴᱮᱸᱯᱮᱞ ᱛᱤᱱᱟ.ᱜ ᱥᱮᱫᱟᱭ ᱠᱷᱚᱱ ᱪᱚ ᱦᱟᱭ᱾
ᱟᱞᱚᱢ ᱨᱟᱜᱽ-ᱟ, ᱟᱞᱚᱢ ᱦᱚᱢᱚᱨ ᱦᱤᱲᱤᱧ ᱠᱟᱜᱼ ᱢᱮ ᱱᱚᱣᱟ ᱰᱷᱟᱭ᱾
ᱥᱩᱱᱩᱢ ᱥᱤᱸᱫᱮᱫ ᱵᱟᱝ ᱧᱟᱯᱟᱢ
ᱜᱚᱥᱚ ᱟᱠᱟᱱ ᱦᱚᱲᱢᱚ ᱛᱟᱢ
ᱛᱤᱱᱟ.ᱜ ᱱᱤᱫᱷᱟ.ᱱ ᱡᱟᱸᱫᱮ ᱛᱟᱸᱫᱮ ᱢᱮᱱᱟᱜ ᱢᱮᱭᱟ ᱜᱤᱰᱤ ᱱᱟᱯᱳᱲ᱾
ᱟᱞᱚᱢ ᱨᱟᱜᱽ-ᱟ, ᱟᱞᱚᱢ ᱦᱚᱢᱚᱨ ᱮ ᱤᱧᱟᱜ ᱡᱟᱱᱟᱢ ᱨᱚᱲ᱾
ᱨᱟᱜ ᱮᱫ ᱠᱟᱱᱟᱢ ᱟᱫᱚ ᱪᱟᱜ?
ᱡᱤᱣᱤ ᱞᱚᱜ ᱠᱟᱱ ᱟᱞᱮᱭᱟᱜ
ᱟᱞᱚᱢ ᱟ.ᱜᱩᱭ ᱢᱮᱫ ᱫᱟᱜ ᱥᱟ.ᱨᱤ ᱧᱩᱛᱩᱢ ᱢᱟᱱᱣᱟ ᱟᱜ
ᱫᱩᱠ ᱫᱚ ᱟ.ᱫᱷᱤᱜ ᱛᱟᱢᱟ ᱥᱟᱱᱟᱢ ᱨᱚᱜᱚᱲ ᱜᱮ ᱡᱚᱣᱟᱜ᱾
ᱨᱟᱜᱮᱫ ᱠᱟᱱᱟ ᱠᱚ ᱢᱟᱨᱟᱜ,
ᱫᱤᱥᱚᱢ ᱡᱟᱜᱮ ᱛᱷᱟᱨ ᱛᱷᱟᱨᱟᱜ
ᱥᱟᱦᱟᱲᱚᱜ- ᱟ ᱱᱚᱣᱟ ᱧᱩᱛᱟ.ᱛ ᱪᱟᱸᱫᱳᱭ ᱨᱟᱠᱟᱵ ᱥᱮᱨᱢᱟ ᱨᱮ,
ᱟᱞᱚᱢ ᱨᱟᱜᱽ-ᱟ , ᱟᱞᱚᱢ ᱦᱚᱢᱚᱨ , ᱡᱚᱛᱚᱱ ᱟᱫᱚᱢ ᱧᱟᱢᱼᱟ ᱨᱮ᱾
ᱡᱟ.ᱱᱤᱡ ᱟᱫᱚ ᱵᱟᱢ ᱞᱮᱸᱫᱟᱜ
ᱡᱚᱨᱚ ᱟᱢᱟ ᱵᱟᱦᱟ ᱫᱟᱜ
ᱟᱢᱟᱜ ᱥᱚᱱᱚᱛ ᱥᱮᱵᱟ ᱨᱮᱞᱮ ᱛᱮᱜᱚᱱ ᱠᱟᱱᱟ ᱥᱟᱸᱜᱮ ᱦᱚᱲ᱾
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱮ ᱤᱧᱟᱜ ᱡᱟᱱᱟᱢ ᱨᱚᱲ᱾
ᱡᱟᱦᱟᱱᱟᱜ ᱜᱮ ᱢᱤᱫ ᱫᱚᱥᱟ
ᱵᱟᱪᱚ ᱛᱟᱦᱮᱱ ᱢᱤᱫ ᱨᱚᱥᱟ
ᱵᱚᱜᱮ ᱵᱟ.ᱲᱤᱡ ᱟᱛᱚᱢ ᱛᱟᱭᱚᱢ ᱦᱤᱡᱩᱜ ᱥᱮᱱᱚᱜ ᱫᱷᱟ.ᱨᱛᱤ ᱨᱮ,
ᱵᱚᱜᱮ ᱵᱟ.ᱲᱤᱡ ᱨᱮᱭᱟᱜ ᱡᱟᱦᱟᱱ ᱵᱟᱪᱳ ᱛᱟᱦᱮᱱ ᱟᱛ ᱛᱤ ᱨᱮ᱾
ᱟᱞᱮ ᱪᱮᱛᱟᱱ ᱫᱟᱭᱟᱣᱟᱱ
ᱟᱢ ᱵᱟᱝ ᱮᱢ ᱛᱟᱸᱦᱮᱱ ᱠᱷᱟᱱ,
ᱜᱩᱸᱜᱟ. ᱜᱮᱞᱮ ᱛᱟᱸᱦᱮ ᱠᱚᱜᱼᱟ ᱱᱩᱱᱟ.ᱜ ᱱᱩᱱᱟ.ᱜ ᱱᱟᱯᱟᱭ ᱦᱚᱲ᱾
ᱟᱢᱮᱢ ᱵᱳᱜᱮ, ᱛᱚᱨᱟᱣ ᱠᱟᱞᱮᱢᱮ, ᱮ ᱤᱧᱟᱜ ᱡᱟᱱᱟᱢ ᱨᱚᱲ᱾
ᱟᱢᱟᱜ ᱤᱧᱟᱜ ᱫᱩᱯᱩᱞᱟ.ᱲ
ᱛᱟᱸᱦᱮ ᱦᱚᱪᱚᱜ ᱠᱟᱲᱟ ᱠᱟᱹᱲ
ᱡᱤᱣᱤ ᱡᱤᱣᱤᱢ ᱛᱚᱯᱚᱞ ᱟᱠᱟᱱ, ᱮ ᱤᱧᱟᱜ ᱡᱟᱱᱟᱢ ᱨᱚᱲ,
ᱚᱠᱚᱲ ᱥᱚᱠᱚᱲ ᱥᱟᱱᱟᱢ ᱠᱚᱨᱮᱧ ᱫᱤᱥᱟ.ᱢᱮᱢᱟ ᱟ.ᱰᱤ ᱫᱚᱲ᱾
ᱼᱼᱼᱼᱼᱼᱼᱼᱼᱼᱼᱼᱼᱼᱼᱼ
ᱚᱱᱚᱬᱦᱮ ᱩᱯᱨᱩᱢ
ᱢᱟᱱᱚᱛᱟᱱ ᱥᱟᱨᱚᱫᱟ ᱯᱨᱚᱥᱟᱫ ᱠᱤᱥᱠᱩ ᱜᱚᱠᱮᱭᱟᱜ ᱚᱞ "ᱮ ᱤᱧᱟᱜ ᱡᱟᱱᱟᱢ ᱨᱚᱲ ᱚᱱᱚᱬᱦᱮ" ᱫᱚ ᱵᱷᱩᱨᱠᱟ. ᱤᱯᱤᱞ ᱚᱱᱚᱬᱦᱮ ᱯᱩᱛᱷᱤ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱠᱤᱥᱠᱩ ᱜᱚᱢᱠᱮ ᱱᱚᱣᱟ ᱚᱱᱚᱬᱦᱮ ᱛᱟᱞᱟ ᱛᱮ ᱟᱯᱱᱟᱨ ᱡᱟᱱᱟᱢ ᱨᱚᱲ ᱥᱮ ᱟᱯᱱᱟᱨ ᱟᱭᱳ ᱟᱲᱟᱝ ᱪᱮᱛᱟᱱ ᱟᱭᱟᱜ ᱫᱟᱭᱟ ᱫᱩᱞᱟ.ᱲ- ᱮ ᱟᱨᱫᱟᱥ ᱟᱠᱟᱫ ᱛᱟᱭᱟ᱾ ᱥᱟᱶᱛᱶᱛᱮ ᱟᱵᱚ ᱥᱟᱱᱛᱟᱲ ᱥᱟᱶᱛᱟ ᱦᱚᱲ ᱠᱚ ᱡᱟᱦᱟ ᱞᱮᱠᱟᱱ ᱦᱟᱞᱚᱛ ᱨᱮ ᱟᱵᱚᱣᱟᱜ ᱡᱟᱱᱟᱢ ᱨᱚᱲ ᱵᱚᱱ ᱫᱚᱦᱚ ᱟᱠᱟᱫ ᱛᱟᱵᱚᱱᱟ ᱚᱱᱟ ᱧᱮᱞ ᱛᱮ ᱡᱟᱱᱟᱢ ᱟᱲᱟᱝ ᱟᱜ ᱫᱩᱠᱷ ᱦᱚᱭ ᱩᱫᱩᱜ ᱥᱚᱫᱚᱨ ᱟᱠᱟᱫᱟ᱾ ᱟᱨ ᱚᱱᱟ ᱥᱟᱶᱛᱮ ᱡᱟᱱᱟᱢ ᱟᱲᱟᱝ ᱟᱫᱚ ᱫᱩᱠᱷ ᱵᱟᱝ - ᱮ ᱧᱟᱢ ᱦᱚᱪᱚ ᱟᱭᱟ ᱢᱮᱱ ᱛᱮᱦᱚ ᱢᱚᱱᱮ ᱜᱚᱴᱟ ᱠᱟᱛᱮᱜ ᱟᱵᱚ ᱠᱚᱭ ᱪᱮᱸᱜᱷᱟᱣ ᱟᱠᱟᱫ ᱵᱚᱱᱟ ᱾
ᱚᱱᱚᱬᱦᱤᱭᱟ. ᱟᱜ ᱩᱯᱨᱩᱢ
ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮ ᱟᱜ ᱡᱟᱱᱟᱢ ᱫᱚ 1 FEB 1929 ᱥᱟᱞ ᱨᱮ ᱯᱟᱪᱮ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱯᱩᱨᱩᱞᱤᱭᱟ. ᱡᱤᱞᱟ ᱨᱮ ᱢᱮᱱᱟᱜ ᱫᱟᱨᱤᱠᱟᱰᱳᱵᱟ ᱟᱛᱳ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ ᱪᱚᱨᱚᱱ ᱠᱤᱥᱠᱩ ᱟᱨ ᱮᱸᱜᱟᱛ ᱫᱚᱭ ᱛᱟᱦᱮ ᱠᱟᱱᱟ ᱫᱷᱟᱱᱢᱚᱱᱤ ᱠᱤᱥᱠᱩ᱾ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱚᱱᱚᱞ ᱠᱚ ᱫᱟᱨᱟᱭ ᱛᱮ ᱰᱤᱦᱟᱨ, ᱯᱟᱪᱮ ᱵᱟᱝᱞᱟ, ᱩᱲᱤᱥᱥᱟ, ᱡᱷᱟᱲᱠᱷᱚᱱᱰ ᱮᱢᱟᱱ ᱯᱚᱱᱚᱛ ᱠᱚᱨᱮᱜ ᱟᱰᱤ ᱫᱩᱞᱟ.ᱲ ᱛᱷᱩᱢ-ᱮ ᱧᱟᱢ ᱞᱮᱫ ᱛᱟᱦᱮ ᱠᱟᱱᱟ ᱾ ᱚᱱᱚᱞᱤᱭᱟ. ᱜᱚᱢᱠᱮ ᱡᱟᱦᱟ ᱠᱚ ᱯᱩᱛᱷᱤᱭ ᱯᱟᱨᱥᱟᱞ ᱞᱮᱫᱟ ᱚᱱᱟ ᱠᱚᱫᱚ ᱦᱳᱭᱳᱜ ᱠᱟᱱᱟ- ᱵᱷᱩᱨᱠᱟ. ᱤᱯᱤᱞ, ᱠᱩᱦᱩᱵᱟᱣ, ᱜᱟᱢ ᱜᱟᱫᱟᱨ, ᱥᱚᱞᱚᱢ ᱞᱚᱴᱚᱢ, ᱢᱚᱬᱮ ᱠᱚ ᱛᱩᱨᱩᱭ ᱠᱚ ,ᱪᱟᱣᱨᱟ ᱵᱷᱟᱣᱨᱟ ᱮᱢᱟᱱᱟᱜ ᱠᱚ᱾ ᱢᱟᱱᱛᱟᱱ ᱜᱚᱢᱠᱮ ᱟᱭᱟᱜ ᱠᱟ.ᱨᱫᱷᱟ.ᱱᱤ ᱠᱚ ᱠᱷᱟ.ᱛᱤᱨ ᱟᱭᱟᱢᱟ ᱢᱟ.ᱱ ᱥᱤᱨᱯᱟ. ᱠᱚ ᱦᱚᱭ ᱦᱟᱢᱮᱢ ᱞᱮᱫ ᱛᱟᱦᱮ ᱠᱟᱱᱟ᱾ ᱡᱮᱞᱮᱠᱟᱼ "ᱡᱟᱹᱛᱤᱭᱟᱹᱨᱤ ᱢᱟᱪᱮᱫ" ᱢᱮᱱᱛᱮ (1973) ᱩᱱ ᱡᱚᱦᱚᱜᱼᱤᱡ ᱨᱟᱥᱴᱨᱚᱯᱚᱛᱤ ᱵᱷᱤ ᱵᱷᱤ ᱜᱤᱨᱤᱼᱟᱜ ᱛᱤ ᱠᱷᱚᱱᱼᱮ ᱟᱛᱟᱝ ᱞᱮᱫᱼᱟ ᱾1986ᱼ87 ᱥᱟᱞᱮ ᱨᱮ ᱵᱤᱦᱟᱨ ᱥᱚᱨᱠᱟᱨ ᱨᱟᱡᱽᱵᱷᱟᱥᱟ ᱯᱟᱦᱴᱟ ᱠᱷᱚᱱ “ᱡᱚᱱᱚᱡᱟᱛᱤᱭᱚ” ᱥᱥᱤᱨᱯᱷᱟ.,1986 ᱥᱟᱞᱮ ᱨᱮ ᱥᱟᱱᱛᱟᱲᱤ ᱨᱟᱭᱴᱟᱨᱥ ᱨᱤᱥᱮ.ᱯᱥᱚᱱ ᱠᱩᱢᱩᱴ (ᱥᱟᱸᱛᱨᱟᱜᱟᱪᱷᱤ, ᱦᱟᱵᱽᱲᱟ) ᱯᱟᱦᱴᱟ ᱠᱷᱚᱱ “ᱦᱤᱦᱤᱲᱤ ᱯᱤᱯᱤᱲᱤ" ᱥᱤᱨᱯᱷᱟᱹ, ᱮᱢᱟᱱᱟᱜ ᱠᱚ᱾ ᱥᱟᱱᱛᱟᱲ ᱥᱟᱶᱛᱟ ᱨᱤᱱᱤᱡ ᱱᱩᱢᱤᱱ ᱢᱟᱨᱟᱝ ᱥᱩᱥᱟ.ᱨᱤᱭᱟ. ᱜᱚᱢᱡᱮ ᱫᱚ ᱟᱵᱚ ᱠᱚ ᱟᱭᱟᱜ ᱫᱤᱥ ᱦᱩᱫᱤᱥ, ᱟ.ᱠᱤᱞ ᱜᱮᱭᱟᱱ ᱪᱟᱞ ᱦᱚᱴᱚ ᱠᱟᱛᱮᱜ 28 March 1996 ᱥᱟᱞᱨᱮ ᱟᱵᱚ ᱵᱟ.ᱜᱤ ᱦᱚᱴᱚ ᱠᱟᱛᱮᱜ ᱥᱚᱨᱚᱜᱽ ᱯᱩᱨᱤ ᱛᱮᱭ ᱢᱚᱦᱰᱟ ᱞᱮᱱᱟ᱾
Nothing