Santali poem- Sengel hobor kateng daran kana Written by Thakur Prasad Murmu -ᱪᱤᱨᱜᱟ.ᱞ ᱪᱤᱨ

A patriotic santali poem written by Thakur Prasad Murmu 

ᱩᱯᱨᱩᱢ (Introduction)ᱺ- ᱢᱟᱱᱚᱛᱟᱱ ᱴᱷᱟ.ᱠᱩᱨ ᱯᱨᱚᱥᱟᱫ ᱜᱚᱢᱠᱮᱭᱟᱜ ᱚᱞ “ᱥᱮᱸᱜᱮᱸᱞ ᱦᱚᱵᱚᱨ ᱠᱟᱛᱮᱞ‌ ᱫᱟᱲᱟᱱ ᱠᱟᱱᱟ” ᱚᱱᱚᱬᱦᱮ ᱫᱚ “ᱥᱤᱥᱤᱨᱡᱚᱱ ᱨᱟ.ᱲ” ᱯᱩᱛᱷᱤ ᱠᱷᱚᱱ ᱦᱟᱛᱟᱣ ᱟᱠᱟᱱᱟ᱾ ᱱᱚᱣᱟ ᱚᱱᱚᱬᱦᱮ ᱫᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱟᱭᱟᱜ ᱢᱚᱱᱮ ᱨᱮᱱᱟᱜ ᱫᱩᱠᱷ ᱦᱟᱨᱠᱮᱛ ᱨᱮᱱᱟᱜ ᱥᱮᱸᱜᱮᱸᱞ ᱜᱮᱭ ᱥᱚᱫᱚᱨ ᱟᱠᱟᱫ ᱛᱟᱭᱟ᱾ ᱱᱚᱣᱟ ᱚᱱᱚᱬᱦᱮ ᱛᱟᱞᱟ ᱛᱮ ᱚᱱᱚᱬᱦᱤᱭᱟ. ᱜᱚᱢᱠᱮ ᱚᱠᱟ ᱞᱮᱠᱟ ᱠᱤᱥᱟᱹᱬ ᱦᱚᱲ ᱠᱚ ᱨᱮᱜᱮᱡ ᱦᱚᱲ ᱠᱚ ᱱᱟᱥᱟᱣ ᱮᱫ ᱠᱚᱣᱟ, ᱟᱨ ᱚᱲᱟᱜ ᱠᱷᱟ.ᱛᱤᱨ ᱦᱚᱲ ᱠᱚ ᱚᱠᱟ ᱞᱮᱠᱟ ᱠᱚ ᱛᱟᱞᱟ ᱴᱟ.ᱰᱤᱜ ᱠᱟᱱᱟ ᱚᱱᱟ ᱠᱚ ᱨᱮᱭᱟᱜ ᱫᱩᱠᱷ ᱦᱟᱨᱠᱮᱛ ᱜᱮᱭ ᱥᱚᱫᱚᱨ ᱟᱠᱟᱫᱟ᱾ ᱢᱮᱱ ᱠᱷᱟᱱ ᱚᱱᱟ ᱫᱩᱠᱷ ᱟᱛᱮᱜ ᱜᱮ ᱡᱤᱭᱚᱱ ᱫᱚ ᱠᱷᱟᱸᱰᱟᱸᱣ ᱦᱩᱭᱩᱜ ᱠᱟᱱ ᱛᱟᱭᱟ , ᱟᱨ ᱱᱚᱣᱟ ᱫᱩᱠ ᱛᱟᱞᱟ ᱨᱮᱦᱚ ᱠᱤᱥᱟᱹᱬ ᱦᱚᱲᱟᱜ ᱫᱟᱭᱟ ᱵᱟᱝ ᱦᱩᱭᱩᱜ ᱠᱟᱱ ᱛᱟᱠᱚ ᱛᱮ ᱚᱱᱚᱬᱦᱤᱭᱟ. ᱜᱚᱢᱠᱮᱭᱟᱜ ᱢᱚᱱᱮ ᱡᱤᱣᱤ ᱫᱚ ᱫᱩᱠᱷ ᱦᱟᱨᱠᱮᱛ ᱛᱮ ᱞᱚ ᱛᱚᱨᱚᱡᱚᱜ ᱠᱟᱱ ᱛᱟᱭᱟ᱾ ᱚᱱᱟ ᱠᱟ.ᱦᱤᱥ ᱢᱚᱱᱮ ᱡᱤᱣᱤ ᱨᱮᱱᱟᱜ ᱫᱩᱠᱷ ᱦᱟᱨᱠᱮᱛ ᱥᱮᱸᱜᱮᱸᱞ ᱜᱮ ᱨᱟ.ᱜᱤ ᱛᱮ ᱡᱚᱠᱷᱚᱡ ᱵᱚᱨᱥᱮ ᱨᱟᱠᱟᱵ ᱠᱟᱱᱟ ᱩᱱ ᱡᱚᱦᱚᱜ ᱚᱱᱚᱬᱦᱤᱭᱟ. ᱜᱚᱢᱠᱮ ᱚᱱᱟ ᱵᱚᱨᱥᱮ ᱥᱮᱸᱜᱮᱸᱞ ᱛᱮᱜᱮ ᱥᱟᱱᱟᱢᱟᱜ ᱞᱚ ᱛᱚᱨᱚᱡ ᱨᱮᱱᱟᱜ-ᱮ ᱨᱤᱠᱟ. ᱞᱮᱫᱟ ᱡᱟᱦᱟ ᱫᱚ ᱫᱚᱥᱟᱨ ᱦᱩᱞ-ᱮ ᱞᱮᱠᱟᱛᱮ ᱧᱩᱢ ᱞᱮᱫᱟ᱾

ᱥᱮᱸᱜᱮᱸᱞ ᱦᱟᱵᱚᱨ ᱠᱟᱛᱮᱧ ᱫᱟᱲᱟᱱ ᱠᱟᱱᱟ

ᱴᱷᱟ.ᱠᱩᱨ ᱯᱨᱚᱥᱟᱫ ᱢᱩᱨᱢᱩ

ᱤᱧ ᱡᱚᱠᱷᱚᱱ ᱮᱵᱷᱮᱱᱚᱜ ᱟᱧ ᱛᱟᱞᱟ ᱧᱤᱫᱟ. ᱜᱤᱫᱽᱨᱟᱹ ᱠᱚᱣᱟᱜ

ᱨᱮᱸᱜᱮᱡ ᱨᱟᱜ ᱟᱡᱚᱢ ᱛᱮ

ᱩᱱ ᱫᱚ, ᱤᱧᱟᱜ ᱡᱤᱣᱤ ᱛᱤᱧ ᱞᱚᱜ-ᱟ, ᱮᱫᱽᱨᱮ

ᱟᱨ ᱦᱤᱨᱠᱟ. ᱛᱮᱧ ᱥᱮᱸᱜᱮᱸᱞ ᱩᱛᱟ.ᱨᱚᱜ-ᱟ

ᱮᱫᱽᱨᱮ ᱟᱨ ᱦᱤᱨᱠᱟ. ᱫᱚ ᱥᱚᱢᱟᱡᱽ ᱵᱮᱵᱚᱥᱛᱷᱟ ᱪᱮᱛᱟᱱ ᱡᱟᱦᱟᱨᱮ ᱨᱮᱸᱜᱮᱡ

ᱦᱚᱲ ᱫᱚ ᱨᱮᱸᱜᱮᱡ ᱜᱮ ᱾

ᱟᱨ ᱠᱤᱯᱤᱥᱟᱬ ᱫᱚ ᱠᱤᱥᱟᱹᱬ ᱿

ᱡᱟᱦᱟᱭᱟᱜ ᱢᱮᱱᱟᱜ ᱠᱷᱟᱱ ᱫᱚ ᱢᱮᱱᱟᱜ ᱜᱮ ᱟᱨ ᱵᱟ.ᱱᱩᱜ ᱟᱱ ᱦᱚᱲᱟᱜ ᱫᱚ

ᱪᱮᱫ ᱦᱚ ᱵᱟ.ᱱᱩᱜ᱾

ᱥᱚᱢᱟᱡᱽ ᱦᱚ ᱱᱚᱝᱠᱟ ᱠᱚ ᱵᱟᱸᱫᱷᱟᱣ ᱡᱩᱛ ᱟᱠᱟᱫᱟ- ᱤᱧ ᱫᱚ ᱚᱱ ᱫᱷᱚᱱ

ᱵᱮᱵᱚᱥᱛᱷᱟ ᱨᱮᱭᱟᱜ ᱡᱷᱚᱛ ᱠᱷᱚᱱ ᱞᱟᱛᱟᱨ ᱨᱮ

ᱠᱚᱪᱮ ᱠᱟᱬᱵᱟ ᱟᱨ ᱡᱷᱟᱵᱟ ᱜᱮ ᱤᱧᱟᱜ ᱟᱯᱟᱥᱤᱩᱞᱚᱜ ᱥᱟᱯᱟᱵ ᱫᱚ

ᱫᱟᱨᱮ ᱨᱮᱭᱟᱜ ᱜᱮ ᱨᱟᱥᱟ ᱡᱮᱸᱵᱮᱫ ᱠᱟᱛᱮᱜ ᱫᱟᱨᱮ ᱪᱮᱛᱟᱱ ᱫᱟᱨᱮ᱾

ᱵᱟᱧᱪᱟᱣ ᱛᱟᱦᱮᱱ ᱞᱮᱠᱟ ᱤᱧᱟᱜ ᱫᱟᱲᱮ ᱡᱚᱢ ᱠᱟᱛᱮᱜ ᱟᱨ ᱦᱚᱲ ᱫᱚ

ᱯᱳᱸᱰ ᱜᱮ ᱞᱟᱸᱫᱟ ᱵᱟᱲᱟᱭ᱾

ᱨᱩᱱᱩ ᱨᱩᱱᱩ ᱛᱤᱧ ᱯᱚᱴᱚᱢ ᱫᱚᱦᱚ ᱟᱠᱟᱫ ᱛᱟᱦᱮ ᱠᱟᱱ ᱵᱟᱺᱫᱤ ᱦᱳᱲᱳ ᱦᱚ

 ᱛᱤᱱ ᱠᱚᱨᱮᱜ ᱪᱚᱠᱚ ᱥᱩᱪ ᱪᱟᱵᱟᱭ ᱛᱤᱞᱟ ᱟᱨ ᱤᱧ ᱫᱚ ᱮᱠᱮᱱ ᱛᱤ

ᱤᱧ ᱦᱚ ᱦᱚᱲ ᱠᱟ.ᱱᱟ.ᱧ ᱱᱚᱣᱟ ᱠᱟᱛᱷᱟ ᱫᱚ ᱪᱮᱛᱟᱱ ᱨᱮᱠᱚ ᱫᱩᱲᱩᱵ ᱟᱠᱟᱱ

ᱦᱚᱲ, ᱵᱟᱝ ᱠᱚ ᱟᱸᱜᱚᱡᱽ-ᱟ᱾

ᱚᱱᱟᱛᱮ, ᱛᱤ ᱪᱩᱯᱩᱫ ᱠᱟᱛᱮᱜ ᱱᱚᱝᱠᱟ ᱠᱤᱠᱤᱭᱟ.ᱣ ᱥᱟ.ᱱᱟ.ᱧ-ᱤᱧ ᱦᱚ

ᱦᱚᱲ ᱠᱟᱱ.ᱱᱟᱧ, ᱦᱚᱲ ᱞᱮᱠᱟ ᱠᱟᱛᱮᱜ ᱵᱟᱧᱪᱟᱣ ᱨᱮᱭᱟᱜ ᱚᱫᱷᱤᱠᱟᱨ ᱫᱚ

 ᱤᱧᱟᱜ ᱦᱚ ᱢᱮᱱᱟᱜ ᱜᱮᱭᱟ᱾

ᱡᱟ.ᱛᱤ ᱫᱷᱚᱨᱚᱢ ᱨᱮᱭᱟᱜ ᱫᱳᱦᱟᱭ ᱛᱮᱫ ᱮᱢ ᱠᱟᱛᱮᱜ ᱤᱧ ᱫᱚ ᱟᱫᱚ ᱚᱠᱚᱭ ᱦᱚ

ᱱᱚᱝᱠᱟ ᱞᱟᱛᱟᱨ ᱩᱛᱟ.ᱨ ᱞᱟᱛᱟᱨ ᱨᱮᱫᱚ ᱵᱟᱝ ᱠᱚ ᱫᱚᱦᱚ ᱠᱤᱧ᱾

ᱤᱧᱟᱜ ᱱᱚᱣᱟ ᱟᱲᱟᱝ ᱫᱚ ᱯᱟᱥᱱᱟᱣᱚᱜ ᱠᱟᱱ ᱞᱮᱠᱟᱧ ᱟ.ᱭᱠᱟ.ᱣ ᱮᱫᱟ

ᱥᱳᱨ ᱠᱷᱚᱱ ᱥᱟ.ᱜᱤᱧ ᱚᱱᱟ ᱠᱷᱚᱱ ᱦᱚ ᱟ.ᱰᱤ ᱛᱮᱫ ᱜᱮ ᱥᱟᱹᱜᱤᱧ ᱾

ᱤᱧ ᱛᱮᱦᱮᱧ ᱫᱚ ᱵᱷᱤᱛᱨᱤ ᱠᱷᱚᱱ ᱤᱧ ᱮᱵᱷᱮᱱ ᱟᱠᱟᱱ ᱞᱮᱠᱟᱧ ᱟ.ᱭᱠᱟ.ᱣ ᱮᱫᱟ

ᱤᱧ ᱛᱮᱦᱮᱧ ᱫᱚ ᱵᱟᱝ ᱫᱩᱧ ᱥᱟᱱᱛᱟᱲ ᱠᱟᱱ ᱟᱨ ᱵᱟᱝ ᱫᱚ ᱠᱷᱮᱨᱣᱟᱲ ᱜᱮ

ᱤᱧ ᱫᱚ ᱛᱮᱦᱮᱧ ᱫᱚ ᱦᱚᱲ ᱠᱟᱱ ᱪᱟᱥᱟ ᱠᱟᱱ ᱠᱟ.ᱢᱤ ᱛᱮ ᱟ.ᱥᱩᱞᱚᱜ ᱢᱚᱡᱽᱫᱩᱨ ᱠᱟᱱ᱾

ᱤᱧᱟᱜ ᱫᱟᱲᱮ ᱛᱮ ᱠᱟᱢᱟᱣ ᱛᱳᱫ ᱠᱷᱚᱱ ᱨᱮ ᱤᱧᱟᱜ ᱜᱮ

ᱟ.ᱭᱫᱟ.ᱨᱤ ᱫᱚ ᱢᱮᱱᱟᱜ-ᱟ

ᱠᱤᱯᱤᱥᱟ.ᱬ ᱫᱚ ᱪᱮᱛᱟᱱ ᱨᱮ ᱫᱩᱲᱩᱵ ᱫᱩᱲᱩᱵ ᱤᱧᱟᱜ ᱠᱟᱢᱟᱣ ᱫᱷᱚᱱ ᱠᱚ

ᱟ.ᱛᱭᱟ.ᱣ ᱮᱫ ᱪᱮᱫᱟᱜ ?

ᱳᱱᱠᱳ ᱫᱟᱨᱟᱭ ᱛᱮᱜᱮ ᱤᱧ ᱫᱚ ᱱᱚᱝᱠᱟ ᱨᱮᱸᱜᱮᱡ ᱱᱚᱣᱟ ᱵᱮᱵᱚᱥᱛᱷᱟ ᱫᱚ

ᱨᱟ.ᱯᱩᱫ ᱛᱮᱜᱮ ᱦᱩᱭᱩᱜ-ᱟ

ᱤᱧ ᱫᱚ ᱡᱚᱠᱷᱚᱱ ᱨᱟᱜ ᱟ.ᱧ ᱨᱮᱸᱜᱮᱡ ᱛᱮ ᱡᱚᱢᱟᱜ ᱧᱩᱣᱟᱜ ᱞᱟ.ᱜᱤᱫ

ᱩᱱ ᱫᱚ ᱤᱧᱟᱜ ᱢᱩᱴᱷᱟᱹᱱ ᱫᱚ ᱮᱠᱟᱞᱛᱮ ᱵᱚᱫᱚᱞᱚᱜ ᱞᱮᱠᱟᱧ ᱟ.ᱭᱠᱟ.ᱣᱼᱟ᱾

ᱟ.ᱨᱥᱤ ᱨᱮ ᱧᱮᱞ ᱠᱟᱛᱮᱜ ᱦᱚ ᱩᱱ ᱫᱚ ᱤᱧ ᱠᱟ.ᱱᱟ.ᱞ ᱢᱮᱱ ᱛᱮ ᱤᱧ ᱫᱚ

ᱵᱟᱝ ᱤᱧ ᱧᱮᱞ ᱳᱨᱳᱢᱚᱜ-ᱟ ᱾

ᱩᱱ ᱫᱚ, ᱤᱧᱟᱜ ᱢᱩᱴᱷᱟ.ᱱ ᱫᱚ ᱵᱟᱰᱟᱭ ᱢᱮ ᱩᱯᱟ.ᱥ ᱛᱮ ᱢᱮᱱᱟᱭ

ᱠᱩᱞ ᱛᱟᱱᱟᱜ ᱞᱮᱠᱟᱜᱮ ᱧᱮᱞᱚᱜ-ᱟ᱾

ᱦᱩᱸᱰᱨᱟ.ᱣ ᱠᱟᱛᱮᱜ ᱜᱟᱨᱡᱟᱣ ᱥᱟᱹᱱᱟᱹᱧᱟ- ᱠᱤᱯᱤᱥᱟ.ᱲᱠᱳ ᱟᱯᱮ ᱫᱚ᱾

ᱯᱟ.ᱯᱤ, ᱠᱟ.ᱭᱫᱷᱤ ᱡᱚ‌ᱢᱟᱜ ᱧᱩᱣᱟᱜ ᱯᱮ ᱮᱲᱮᱭᱤᱧ ᱠᱟᱱ ᱫᱚ

ᱟᱯᱮᱭᱟᱜ ᱫᱤᱱ ᱫᱚ ᱢᱩᱪᱟ.ᱫ ᱦᱮᱡ ᱟᱠᱟᱱᱟ᱾᱾

ᱚᱱᱟ ᱟᱲᱟᱝ ᱛᱤᱧ ᱫᱚ ᱯᱟᱥᱱᱟᱣ ᱤᱫᱤᱜ ᱠᱟᱱᱟ

ᱡᱮᱢᱚᱱ ᱦᱚᱨ ᱠᱷᱚᱱ ᱥᱟ.ᱜᱤᱧ

ᱚᱱᱟ ᱠᱷᱚᱱ ᱦᱚ ᱥᱟ.ᱜᱤᱧ ᱫᱷᱟ.ᱨᱛᱤ ᱨᱮᱭᱟᱜ ᱠᱚ

ᱫᱤᱥᱟ.ᱠᱮ ᱫᱤᱥᱟ. ᱪᱚᱴ ᱥᱮᱨᱢᱟ ᱦᱟ.ᱵᱤᱡ ᱾

ᱤᱧ ᱡᱚᱠᱷᱚᱱ ᱨᱟᱜ ᱟ.ᱪᱩᱨᱟ.ᱧ ᱫᱩᱣᱟ.ᱨ ᱫᱩᱣᱟ.ᱨ

ᱵᱤᱪᱟᱨ ᱧᱟᱢ ᱟᱥᱟᱛᱮ

ᱟᱨ ᱵᱤᱪᱟ.ᱨ ᱵᱟᱝ ᱤᱧ ᱧᱟᱢ-ᱟ,

ᱥᱤᱯᱟ.ᱦᱤ ᱠᱚᱦᱚ ᱵᱮ-ᱠᱚᱥᱩᱨ ᱠᱚ

ᱫᱟᱞ ᱡᱟᱞᱟᱫ ᱤᱧᱟ ᱡᱷᱟ.ᱱᱴᱤ ᱨᱮ

ᱥᱟᱣ ᱢᱚᱦᱟᱡᱚᱱ ᱠᱚ ᱠᱷᱩᱫᱟ.ᱣ

ᱥᱮᱴᱮᱨ ᱤᱧᱟ ᱠᱩᱞᱦᱤ ᱢᱩᱪᱟ.ᱫ ᱦᱟᱵᱤᱡ

ᱟᱠᱳ ᱨᱮᱱ ᱜᱮ ᱠᱟ.ᱢᱤᱭᱟ. ᱤᱧ ᱛᱮᱭᱟᱨ ᱞᱟ.ᱜᱤᱫ᱾

ᱩᱱ ᱫᱚ ᱱᱚᱝᱠᱟᱧ ᱟᱭᱠᱟᱣ-ᱟ ᱦᱩᱞ ᱫᱚ

ᱟᱨᱦᱚ ᱥᱟ.ᱨᱫᱤᱜ ᱞᱟ.ᱜᱤᱫᱚᱜ

ᱦᱩᱞ ᱦᱟᱺᱰᱤ ᱫᱚ ᱚᱲᱟᱜ ᱚᱲᱟᱜ ᱜᱮ ᱤᱥᱤᱱ ᱟᱠᱟᱱᱟ

ᱤᱧᱟᱜ ᱚᱱᱛᱚᱨ ᱨᱮ ᱥᱮᱸᱜᱮᱸᱞ ᱫᱚ ᱱᱚᱝᱠᱟ ᱡᱳᱞᱳᱜ ᱛᱮᱜᱮ

ᱢᱮᱱᱟᱜ-ᱟ᱾

ᱟᱨ ᱵᱚᱛᱚᱨ ᱜᱮ ᱤᱧ ᱥᱮᱸᱜᱮᱸᱞ ᱦᱚᱵᱚᱨ ᱠᱟᱛᱮᱜ

ᱤᱧ ᱫᱩᱧ ᱫᱟᱲᱟᱱ ᱠᱟᱱᱟ᱾

-------------------

ᱥᱟᱨ ᱠᱟᱛᱷᱟ (SUBSTANCE) ᱺ- ᱱᱚᱣᱟ ᱥᱮᱸᱜᱮᱸᱞ ᱦᱚᱵᱚᱨ ᱠᱟᱛᱮᱞ‌ ᱫᱟᱲᱟᱱ ᱠᱟᱱᱟ ᱚᱱᱚᱲᱦᱮ ᱛᱟᱞᱟ ᱛᱮ ᱚᱱᱚᱲᱦᱤᱭᱟ. ᱜᱚᱢᱮ ᱢᱟᱱᱚᱛᱟᱱ ᱴᱷᱟ.ᱠᱩᱨ ᱯᱨᱚᱥᱟᱫ ᱢᱩᱨᱢᱩ ᱜᱚᱢᱠᱮ, ᱥᱟᱶᱛᱟ ᱨᱮ ᱵᱟᱫᱷᱟᱶ ᱟᱠᱟᱱ ᱨᱮᱸᱜᱮᱡ ᱠᱤᱥᱟᱹᱬ ᱨᱮᱭᱟᱜ ᱵᱮᱵᱚᱥᱛᱷᱟ ᱠᱷᱟ.ᱛᱤᱨ ᱟᱭᱟᱜ ᱡᱤᱭᱚᱱ ᱥᱟᱶᱛᱮ ᱥᱟᱶᱛᱟ ᱛᱟᱞᱟ ᱨᱮᱱ ᱥᱟᱱᱟᱢ ᱦᱚᱲ ᱠᱚ ᱚᱠᱟ ᱞᱮᱠᱟ ᱠᱚ ᱥᱟᱥᱮᱛᱚᱜ ᱠᱟᱱᱟ ᱟᱨ ᱛᱤᱱᱟ.ᱜ ᱦᱟᱨᱠᱮᱛ ᱛᱮ ᱡᱤᱭᱚᱱ ᱠᱚ ᱠᱷᱟᱸᱰᱟᱸᱣ ᱮᱫ ᱛᱟᱠᱚᱣᱟ ᱟᱨ ᱚᱱᱟ ᱥᱟᱥᱮᱛ ᱵᱟᱝ ᱥᱟᱦᱟᱜ ᱠᱟᱱᱛᱮ ᱢᱚᱱᱮ ᱡᱤᱣᱤ ᱨᱮ ᱚᱠᱟ ᱞᱮᱠᱟᱱ ᱦᱩᱝᱠᱟᱨ ᱛᱟᱨᱠᱳᱜ ᱠᱟᱱᱟ, ᱢᱚᱱᱮ ᱡᱤᱣᱤ ᱨᱮ ᱚᱠᱟ ᱞᱮᱠᱟᱱ ᱥᱮᱸᱜᱮᱸᱞ ᱡᱳᱞᱳᱜ ᱠᱟᱱᱟ ᱚᱱᱟ ᱜᱮᱭ ᱪᱟᱨᱦᱮ ᱟᱠᱟᱫᱟ᱾

                          ᱚᱱᱚᱬᱦᱤᱭ. ᱜᱚᱢᱠᱮ ᱯᱩᱭᱞᱩ ᱛᱷᱟᱨ ᱨᱮᱜᱮᱭ ᱢᱮᱱ ᱟᱠᱟᱫᱟ, ᱛᱟᱞᱟ ᱧᱤᱫᱟ. ᱨᱮ.ᱜᱮᱡ ᱡᱟᱞᱟᱛᱮ ᱚᱠᱟ ᱞᱮᱠᱟ ᱠᱚ ᱨᱟᱜ ᱨᱚᱫᱷᱚᱱ ᱟᱭ ᱠᱟᱱᱟ᱾ ᱚᱱᱟ ᱨᱮᱸᱜᱮᱡ ᱨᱟᱜ ᱟᱡᱚᱢ ᱛᱮ ᱮᱫᱽᱨᱮ ᱛᱮ ᱡᱤᱣᱤ ᱛᱟᱭ ᱫᱚ ᱞᱚ ᱛᱚᱨᱚᱡᱚᱜ- ᱱᱚᱣᱟ ᱥᱟᱶᱛᱟ ᱛᱟᱞᱟ ᱨᱮᱱᱟᱜ ᱱᱚᱣᱟ ᱨᱮᱸᱜᱮᱡ ᱠᱤᱥᱟᱹᱬ ᱟ‌.ᱨᱤ ᱧᱮᱞ ᱠᱟᱛᱮᱜ᱾ ᱡᱟᱦᱟᱨᱮ ᱨᱮᱸᱜᱮᱡ ᱠᱚᱫᱚ ᱠᱚ ᱨᱮᱸᱜᱮᱡ ᱪᱟᱵᱟᱜ ᱠᱟᱱ ᱟᱨ ᱠᱤᱥᱟ.ᱬ ᱠᱚᱫᱚ ᱠᱚ ᱠᱤᱥᱟᱹᱬ ᱪᱟᱞᱟᱜ ᱠᱟᱱ᱾

                          ᱡᱟᱦᱟ ᱨᱮ ᱢᱮᱱᱟᱜ ᱟᱱ ᱦᱚᱲ ᱠᱚ ᱴᱷᱮᱱ ᱫᱚ ᱥᱟᱱᱟᱢᱟᱜ ᱜᱮ ᱢᱮᱱᱟᱜ-ᱟ ᱟᱨ ᱵᱟᱝ.ᱱᱩᱜ ᱟᱱ ᱦᱚᱲ ᱠᱚ ᱴᱷᱮᱱ ᱫᱚ ᱪᱮᱫ ᱦᱚᱜᱮ ᱵᱟ.ᱱᱩᱜ ᱾ ᱚᱱ ᱫᱷᱚᱱ ᱚᱱᱚᱬᱦᱤᱭᱟ. ᱜᱚᱢᱠᱮᱭᱟᱜ ᱫᱚ ᱠᱚᱪᱮ ᱠᱟᱬᱵᱟ ᱢᱮᱱ ᱫᱚ ᱪᱟᱥ ᱵᱟᱥ ᱟᱨ ᱡᱷᱟᱵᱟ ᱢᱮᱱ ᱫᱚ ᱦᱟᱥᱟ ᱠᱟ‌ᱢᱤ ᱪᱷᱟᱲᱟ ᱟ.ᱥᱩᱞᱚᱜ ᱨᱮᱭᱟᱜ ᱫᱚ ᱪᱮᱫ ᱰᱟᱦᱟᱨ ᱜᱮ ᱵᱟᱝ.ᱱᱩᱜ᱾ ᱟᱨ ᱚᱱᱟ ᱠᱟ.ᱢᱤ ᱨᱮᱭᱟᱜ ᱠᱩᱲᱟ‌ᱭ ᱦᱚ ᱠᱤᱥᱟᱹᱬ ᱦᱚᱲᱜᱮ ᱢᱟ.ᱥᱛᱤ ᱠᱟᱭᱛᱮ ᱠᱚ ᱧᱟᱢ ᱡᱚᱝ ᱠᱟᱱᱟ ᱟᱨ ᱠᱚ ᱞᱟᱸᱫᱟ ᱡᱚᱜ ᱠᱟᱱᱟ᱾

                                ᱨᱩᱱᱩ ᱨᱩᱱᱩ ᱛᱮ ᱢᱮᱱ ᱫᱚ ᱱᱟᱥᱮ ᱱᱟᱥᱮ ᱛᱮ ᱡᱚᱜᱟᱣ ᱫᱚᱦᱚ ᱵᱟᱺᱫᱤ ᱦᱳᱲᱳ ᱠᱚᱦᱚ ᱦᱚ ᱠᱚ ᱥᱩᱪ ᱪᱟᱵᱟ ᱠᱮᱫ ᱛᱟᱭᱟ ᱥᱮ ᱨᱤᱱ ᱫᱷᱟ.ᱨᱤᱭᱟ. ᱮᱢ ᱮᱢ ᱛᱮᱜᱮ ᱪᱟᱵᱟ ᱟᱠᱟᱱ ᱛᱟᱭᱟ᱾ ᱱᱚᱣᱟ ᱠᱚ ᱧᱮᱞ ᱠᱟᱛᱮᱜ ᱚᱱᱚᱬᱦᱤᱭᱟ. ᱜᱚᱢᱠᱮ ᱛᱤ ᱪᱩᱯᱩᱫ ᱠᱟᱛᱮᱜ ᱠᱤᱭᱟ.ᱣ ᱵᱩᱡᱷᱟᱣ ᱮᱭᱟ ᱟᱨ ᱜᱟᱨᱡᱟᱣ ᱠᱟᱛᱮᱜ ᱢᱮᱱ ᱥᱟᱱᱟ ᱮᱭᱟ, ᱤᱧ ᱦᱚ ᱟᱯᱮ ᱞᱮᱠᱟᱱ ᱜᱮ ᱦᱚᱲ ᱠᱟ‌.ᱱᱟ.ᱧ ᱦᱚᱲ ᱞᱮᱠᱟᱛᱮ ᱵᱟᱧᱪᱟᱣ ᱛᱟᱦᱮᱱ ᱨᱮᱱᱟᱜ ᱟ.ᱭᱟᱫᱟ.ᱮᱤ ᱫᱚ ᱟᱭᱟᱜ ᱦᱚ ᱢᱮᱱᱟᱜ ᱛᱟᱭ ᱜᱮᱭᱟ᱾ ᱟᱫᱚ ᱱᱚᱝᱠᱟ ᱡᱟ.ᱛᱤ ᱫᱷᱚᱨᱚᱢ ᱧᱮᱞ ᱠᱟᱛᱮᱜ ᱟᱫᱚ ᱞᱟᱛᱟᱨ ᱜᱟᱛᱟᱜ ᱨᱮᱫᱚ ᱵᱟᱝ ᱯᱮ ᱟᱠᱚᱴ ᱫᱚᱦᱚ ᱫᱟᱲᱮ ᱟᱭᱟᱟ᱾ ᱟᱡᱟᱜ ᱱᱚᱣᱟ ᱟᱲᱟᱝ ᱦᱚ ᱛᱟᱠᱮᱨᱚᱜ ᱠᱟᱱᱟ ᱥᱩᱨ ᱥᱟ.ᱜᱤᱧ ᱥᱮᱫ᱾

                                   ᱱᱤᱛ ᱫᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱵᱷᱤᱛᱨᱤ ᱠᱷᱚᱱ- ᱮ ᱮᱵᱷᱮᱱ ᱟᱠᱟᱱᱟ᱾ ᱱᱤᱛ ᱫᱚᱭ ᱵᱩᱡᱷᱟᱣ ᱧᱟᱢ ᱟᱠᱟᱫᱟ ᱡᱮ ᱵᱟᱝ ᱥᱟᱱᱛᱟᱲ, ᱵᱟᱝ ᱠᱷᱮᱨᱣᱟᱲ ᱠᱟᱱᱮ ᱟᱡ ᱫᱚ ᱥᱩᱢᱩᱱ ᱦᱚᱲ ᱠᱟᱱ , ᱪᱟᱥᱟ ᱠᱟᱱ ᱠᱟ.ᱢᱤ‌ ᱠᱟᱛᱮ ᱟᱯᱟᱥᱤᱩᱞᱚᱜ ᱢᱤᱫ ᱢᱚᱡᱽᱫᱩᱨ ᱥᱩᱢᱩᱝ ᱠᱟᱱ᱾

                             ᱵᱩᱡᱷᱟᱣ ᱧᱟᱢ ᱟᱠᱟᱫᱟᱭ ᱟᱯᱱᱟᱨᱟᱜ ᱦᱚᱲᱢᱚ ᱫᱟᱲᱮ ᱛᱮ ᱠᱟ.ᱢᱤ ᱠᱟᱛᱮ ᱟᱨᱡᱟᱣ ᱫᱷᱚᱨᱮ ᱟᱭᱟᱜ ᱜᱮ ᱢᱮᱱᱟᱜ᱾ ᱚᱱᱟ ᱪᱮᱛᱟᱱ ᱨᱮ ᱠᱤᱯᱤᱥᱟ.ᱬ ᱦᱚᱲ ᱠᱚᱣᱟᱜ ᱫᱚ ᱟ.ᱭᱫᱟ.ᱨᱤ ᱫᱚ ᱵᱟ‌ᱱᱩᱜ ᱟᱠᱟᱫ ᱛᱟᱠᱚᱣᱟ᱾ ᱳᱱᱠᱳ ᱠᱚ ᱠᱤᱯᱤᱥᱟ.ᱬ ᱦᱚᱲ ᱠᱚ ᱠᱷᱟ.ᱛᱤᱨ ᱜᱮ ᱱᱤᱛ ᱟᱡ ᱫᱚ ᱨᱮᱜᱮᱡ ᱛᱮᱭ ᱨᱟ-ᱨᱟᱜ ᱠᱟᱱᱟ ᱡᱚᱢᱟᱜ ᱧᱩᱣᱟᱜ ᱞᱟ.ᱜᱤᱫ ᱾ ᱨᱮᱸᱜᱮᱡ ᱡᱟᱞᱟ ᱛᱮ ᱟᱡᱟᱜ ᱢᱩᱴᱷᱟᱹᱱ ᱟᱝ ᱴᱷᱤᱠᱟ. ᱫᱟᱲᱮᱭᱟᱜ ᱠᱟᱱᱟ ᱟ.ᱨᱥᱤ ᱨᱮ᱾

                              ᱟ.ᱨᱥᱤ ᱨᱮ ᱧᱮᱞᱚᱜ ᱚᱠᱛᱚ ᱢᱩᱴᱷᱟ.ᱱ ᱱᱚᱝᱠᱟᱭ ᱞᱮᱧ ᱛᱟᱭᱟ ᱡᱮᱢᱚᱱ ᱩᱯᱟ.ᱥ ᱛᱮ ᱢᱮᱱᱟᱭᱟ ᱠᱩᱞ ᱛᱟᱱᱟᱜ ᱞᱮᱠᱟ᱾ ᱦᱩᱸᱰᱨᱟ.ᱣ ᱠᱟᱛᱮᱜ ᱢᱮᱱ ᱥᱟᱱᱟᱭᱟ, ᱠᱤᱯᱤᱥᱟ.ᱬ ᱦᱚᱲ ! ᱟᱯᱮᱭᱟᱜ ᱫᱤᱱ ᱫᱚ ᱢᱩᱪᱟᱫ ᱟᱠᱟᱱᱟ᱾ ᱚᱱᱟ ᱟᱲᱟᱝ ᱥᱟᱹᱜᱤᱧ ᱠᱷᱚᱱ ᱥᱟ.ᱜᱤᱧ ᱛᱮ ᱫᱷᱟ.ᱨᱛᱤ‌ᱨᱮᱭᱟᱜ ᱥᱟᱱᱟᱢ ᱠᱚᱬ ᱟᱨ ᱫᱤᱥᱟ.ᱜᱮ ᱫᱤᱥᱟ.ᱛᱮ ᱥᱮᱨᱢᱟ ᱡᱟᱯᱟᱜ ᱫᱷᱟᱵᱤᱡ ᱛᱟᱨᱠᱳᱜ ᱠᱟᱱᱟ᱾

                            ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚ ᱟᱨᱦᱚᱭ ᱪᱟᱨᱦᱮ ᱟᱠᱟᱫᱟ ᱫᱩᱣᱟ.ᱨ ᱫᱩᱣᱟ‌.ᱨ ᱡᱚᱠᱷᱚᱡ ᱵᱤᱪᱟᱨ ᱧᱟᱢ ᱟᱥᱟᱛᱮᱧ ᱦᱟᱞᱮ ᱰᱟᱞᱮ ᱵᱟᱲᱟᱭᱟ, ᱵᱤᱪᱟ.ᱨ ᱵᱟᱝ ᱧᱟᱢ ᱠᱟᱛᱮᱜ ᱥᱤᱯᱟ.ᱦᱤ ᱠᱚᱣᱟᱜ ᱫᱟᱞ ᱛᱚᱞ ᱜᱮ ᱡᱩᱴᱟ.ᱣ ᱟᱧᱟ᱾ ᱥᱟᱣ, ᱢᱚᱦᱟᱡᱚᱱ ᱠᱚ ᱠᱷᱩᱫᱟᱣ ᱵᱟᱲᱟᱣᱤᱧᱟ ᱟᱠᱳ ᱨᱮᱱ ᱠᱟ.ᱢᱤᱭᱟ. ᱵᱮᱱᱟᱣ ᱞᱟ‌.ᱜᱤᱫ᱾

                    ᱮᱫᱽᱨᱮ ᱛᱮ, ᱠᱟ.ᱦᱤᱥ ᱛᱮ ᱩᱱ ᱫᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱱᱚᱝᱠᱟᱭ ᱟᱸᱜᱚᱪ-ᱟ ᱡᱮ, ᱦᱩᱞ ᱫᱚ ᱟᱨ ᱦᱚ ᱥᱟ.ᱨᱫᱤᱜ-ᱟ ᱾ ᱚᱲᱟᱜ ᱚᱲᱟᱜ ᱦᱩᱞ ᱦᱟᱺᱰᱤ ᱫᱚ ᱤᱥᱤᱱ ᱥᱟ.ᱛ ᱟᱠᱟᱱᱟ᱾ ᱚᱱᱚᱬᱦᱤᱭᱟ. ᱜᱚᱢᱠᱮᱭᱟᱜ ᱢᱚᱱᱮ ᱨᱮᱫᱚ ᱱᱚᱝ ᱠᱟᱱ ᱥᱮᱸᱜᱮᱸᱞ ᱡᱮ ᱡᱳᱞᱳᱜ ᱠᱟᱱᱟ᱾ ᱟᱨ ᱵᱚᱛᱚᱨ ᱜᱮ ᱚᱱᱟ ᱥᱮᱸᱜᱮᱸᱞ ᱦᱚᱵᱚᱨ ᱠᱟᱛᱮᱜ ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚᱭ ᱫᱟᱬᱟ ᱰᱟᱲᱭ ᱠᱟᱱᱟ᱾

ᱢᱟᱱᱚᱛᱟᱱ ᱴᱷᱟ.ᱠᱩᱨ ᱯᱨᱚᱥᱟᱫ ᱢᱩᱨᱢᱩ ᱜᱚᱢᱠᱮᱭᱟᱜ ᱱᱚᱣᱟ “ᱥᱮᱸᱜᱮᱸᱞ ᱦᱚᱵᱚᱨ ᱠᱟᱛᱮᱞ‌ ᱫᱟᱲᱟᱱ ᱠᱟᱱᱟ” ᱚᱱᱚᱬᱦᱮ ᱨᱮᱱᱟᱜ ᱥᱟᱨ ᱠᱟᱛᱷᱟ ᱫᱚ ᱱᱚᱝ ᱢᱮᱱ ᱜᱟᱱᱚᱜ-ᱟ᱾

---------------------------------------------------------------------------------------

Download PDF