Santali poem - Atu daag ma godo godo written by P.J Saren

ᱚᱱᱚᱬᱦᱮ ᱩᱯᱨᱩᱢ ᱺ- “ᱟ.ᱛᱩ ᱫᱟᱜ ᱢᱟ ᱜᱚᱫᱚ ᱜᱚᱫᱚ” ᱚᱱᱚᱬᱦᱮ ᱫᱚ ᱢᱟᱱᱚᱛᱟᱱ ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ ᱜᱚᱢᱠᱮᱭᱟᱜ ᱚᱞ ᱚᱱᱚᱬᱦᱮ ᱯᱩᱛᱷᱤ “ᱵᱟᱦᱟ ᱰᱟ.ᱞᱣᱟ.ᱜ” ᱨᱮ ᱢᱮᱱᱟᱜ ᱟᱠᱟᱫᱟ᱾ ᱡᱟᱦᱟ ᱫᱚ 1936 ᱥᱟᱞ ᱨᱮ ᱵᱮᱱᱟᱜᱟ.ᱲᱤᱭᱲᱟ. ᱢᱤᱥᱚᱱ ᱯᱨᱮᱥ ᱠᱷᱚᱱ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱚᱱᱚᱬᱦᱮ ᱯᱩᱛᱷᱤ ᱫᱚ ᱯᱩᱭᱞᱩ ᱛᱮ ᱫᱚ ᱨᱳᱢᱟᱱ ᱦᱚᱨᱚᱯᱷ ᱛᱮ ᱪᱷᱟᱯᱟ ᱞᱮᱱᱟ᱾ ᱛᱟᱭᱚᱢ ᱫᱟᱨᱟᱢ ᱵᱟᱝᱞᱟ ᱟᱨ ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟ ᱟᱠᱟᱱᱟ᱾ ᱱᱚᱣᱟ ᱯᱩᱛᱷᱤ ᱨᱮ ᱡᱷᱚᱛᱚ ᱨᱮ ᱜᱮᱞ ᱮᱭᱟᱭ (᱑᱗) ᱜᱚᱴᱟᱝ ᱟᱱᱚᱬᱦᱮ ᱢᱮᱱᱟᱜ ᱟᱠᱟᱫᱟ᱾ ᱟᱨ ᱡᱷᱚᱛᱚ ᱜᱮ ᱯᱨᱚᱠᱤᱛ ᱨᱮᱭᱟᱜ ᱱᱮᱪᱮᱞ ᱥᱟᱶᱛᱮ ᱢᱟᱱᱣᱟ ᱡᱤᱣᱤ ᱨᱮᱭᱟᱜ ᱥᱚᱝ ᱮ ᱡᱚᱲᱟᱣ ᱟᱠᱟᱫᱟ ᱚᱱᱚᱬᱦᱤᱭᱟ. ᱜᱚᱢᱠᱮ᱾ ᱚᱱᱟ ᱛᱟᱭᱚᱢ ᱟᱨᱦᱚ 1943 ᱥᱟᱞ ᱨᱮ ᱟᱨ ᱦᱚ ᱫᱚᱦᱲᱟ ᱛᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ ᱟᱨ ᱟ.ᱰᱤ ᱜᱟᱱ ᱱᱟᱣᱟ ᱚᱱᱚᱬᱦᱮ ᱠᱚᱦᱚ ᱥᱮᱞᱮᱫ ᱟᱠᱟᱱᱟ᱾

ᱚᱱᱚᱬᱦᱤᱭᱟ. ᱩᱯᱨᱩᱢ ᱺ- ᱠᱷᱟᱴᱚ ᱛᱮ ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮᱭᱟᱜ ᱩᱯᱨᱩᱢ ᱫᱚ ᱱᱚᱝᱠᱟ------- ᱡᱷᱟᱲᱠᱷᱚᱱᱰ ᱯᱚᱱᱚᱛ ᱨᱮᱭᱟᱜ ᱯᱟ.ᱠᱩᱲ ᱡᱤᱞᱟ ᱟᱨ ᱯᱟ.ᱠᱩᱲᱤᱭᱟ. ᱛᱷᱟᱱᱟ ᱨᱮ ᱢᱮᱱᱟᱜ ᱪᱩᱱᱟ.ᱯᱟᱲᱟ ᱟᱛᱳ ᱨᱮ, 1892 ᱥᱟᱞ ᱨᱮᱭᱟᱜ 29 ᱰᱤᱥᱮᱢᱵᱚᱨ ᱨᱮ ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱜᱚᱢᱠᱮ ᱫᱚ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱨᱮ ᱢᱮᱫ-ᱮ ᱢᱟᱨᱥᱟᱞ ᱞᱮᱫ ᱛᱟᱦᱮ ᱠᱟᱱᱟ᱾ ᱟᱯᱟᱛ ᱟᱜ ᱧᱩᱛᱩᱢ ᱫᱚ ᱛᱮᱦᱮ ᱠᱟᱱᱟ ᱢᱩᱱᱥᱤ ᱯᱟ.ᱱᱰᱩ ᱥᱚᱨᱮᱱ ᱟᱨ ᱮᱸᱜᱟᱛ ᱟᱜ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ ᱢᱟ.ᱠᱩ (ᱯᱟ.ᱨᱤᱥ ᱵᱟᱝ ᱵᱟᱰᱟᱭ ᱟᱠᱟᱱᱟ) , ᱟᱨ ᱟᱡ ᱜᱚᱲᱚᱢ ᱵᱟᱣᱟᱜ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ ᱯᱳᱠᱳ ᱥᱚᱨᱮᱱ᱾ ᱟᱡ ᱜᱚᱲᱚᱢ ᱵᱟ ᱫᱚ ᱯᱟᱨᱜᱟᱱᱟᱭ ᱛᱟᱦᱮ ᱠᱟᱱᱟ ᱟᱨ ᱟᱡ ᱵᱟᱵᱟ ᱤᱥᱠᱩᱞ ᱨᱮᱱ ᱪᱮᱪᱮᱫ-ᱮ ᱛᱟᱦᱮ ᱠᱟᱱᱟ᱾ ᱚᱱᱟ ᱛᱮ ᱚᱞᱚᱜ ᱯᱟᱲᱦᱟᱣ ᱫᱚ ᱟᱛᱳ‌ᱟᱥᱲᱟ ᱠᱷᱚᱱ ᱜᱮ ᱮᱛᱚᱦᱚᱵ ᱞᱮᱱ ᱛᱟᱭᱟ ᱟᱨ 1913 ᱥᱟᱞ ᱨᱮ ᱟᱭ. ᱮ ᱯᱟᱥ ᱞᱮᱫ ᱛᱟᱦᱮ ᱠᱟᱱᱟ ᱾ ᱮᱢᱟᱱ ᱪᱮᱫ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱯᱟ.ᱦᱤᱞ ᱩᱛᱟ.ᱨ ᱞᱳᱠᱥᱚᱵᱷᱟ ᱵᱷᱳᱴ ᱨᱮ ᱩᱱᱤ ᱫᱚ M.P ᱞᱮᱠᱟᱛᱮ ᱦᱚᱭ ᱵᱟᱪᱷᱱᱟᱣ ᱞᱮᱱᱟ ᱾ ᱟᱨ ᱱᱚᱣᱟ ᱮᱢ.ᱯᱤ ᱯᱚᱫᱽ ᱨᱮ ᱵᱟᱦᱟᱞ ᱛᱟᱦᱮᱱ ᱨᱮᱜᱮ 1954 ᱥᱟᱞ ᱨᱮᱭᱟᱜ 19 ᱯᱷᱮᱵᱨᱚᱣᱟᱨᱤ ᱫᱤᱞᱞᱤ ᱨᱮᱜᱮᱭ ᱦᱟᱱᱟ ᱯᱩᱨᱤ ᱞᱮᱱᱟ᱾

ᱟ.ᱛᱩ ᱫᱟᱜ ᱢᱟ ᱜᱚᱫᱚ ᱜᱚᱫᱚ

ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ

ᱟ.ᱛᱩ ᱫᱟᱜ ᱜᱚᱫᱚ ᱜᱚᱫᱚ ᱾

ᱞᱮᱜᱮᱢ ᱞᱮᱜᱮᱢ ᱟ.ᱛᱩᱜ ᱜᱟᱰᱟ,

ᱟᱡ ᱢᱚᱛᱚ ᱜᱮ ᱪᱟᱞᱟᱜ ᱠᱟᱱᱟ,

ᱵᱟ.ᱭᱦᱟ.ᱲ ᱵᱩᱨᱩ ᱯᱟᱨᱚᱢ ᱠᱟᱛᱮᱜ,

ᱟ.ᱛᱷᱟ.ᱱ ᱫᱟᱜ ᱥᱟᱶ ᱧᱟᱯᱟᱢ ᱢᱮᱱᱛᱮ ,

ᱨᱩᱭᱟ.ᱲ ᱵᱟᱝ ᱜᱮ ᱚᱱᱟ ᱫᱟᱜ ᱫᱚ,

 ᱟ.ᱛᱩ ᱫᱟᱜ ᱦᱚ ᱜᱚᱫᱚ ᱜᱚᱫᱚ᱾

ᱟ.ᱛᱩ ᱫᱟᱜ ᱢᱟ ᱜᱚᱫᱚ ᱜᱚᱫᱚ᱾

ᱯᱚᱭᱚᱲ ᱯᱚᱭᱚᱲ ᱟ.ᱛᱩᱜ ᱜᱟᱰᱟ,

ᱪᱟᱞᱟᱜ ᱮᱠᱮᱱ ᱵᱟᱰᱟᱭ ᱚᱱᱟ᱾

ᱢᱟᱱᱣᱟ ᱡᱤᱣᱤ ᱦᱚ ᱫᱟᱜ ᱦᱚ ᱱᱚᱝᱠᱟ,

ᱫᱤᱱᱟ.ᱢ ᱜᱮ ᱪᱚᱝ ᱪᱟᱞᱟᱜ ᱠᱟᱱᱟ,

ᱨᱩᱣᱟ.ᱲ ᱢᱟ ᱵᱟᱰᱟᱭ ᱵᱟᱪᱚ,

ᱟ.ᱛᱩ ᱫᱟᱜ ᱦᱚ ᱜᱚᱫᱚ ᱜᱚᱫᱚ᱾

ᱟ.ᱛᱩ ᱫᱟᱜ ᱢᱟ ᱜᱚᱫᱚ ᱜᱚᱫᱚ

 ᱫᱤᱱᱟ.ᱢ ᱜᱮ ᱪᱚᱝ ᱪᱟᱞᱟᱜ ᱠᱟᱱᱟ᱾

ᱵᱤᱱ ᱢᱩᱪᱟᱫ.ᱫᱚᱜ ᱚᱠᱛᱚ ᱴᱷᱮᱱ ᱦᱳ,

ᱥᱟ.ᱨᱤ, ᱢᱟᱱᱣᱟ ᱡᱤᱣᱤ ᱫᱟᱜ ᱪᱚ,

ᱫᱤᱱᱟ.ᱢ ᱜᱮ ᱪᱚᱝ ᱟ.ᱫᱷᱤᱜ ᱠᱟᱱᱟ᱾

ᱳᱦᱟᱭ, ᱢᱟᱱᱣᱟ ᱡᱤᱣᱤ ᱦᱚᱸ ᱪᱚ ,

ᱫᱟᱜ ᱢᱟ ᱞᱮᱠᱟ ᱜᱚᱫᱚ ᱜᱚᱫᱚ!

ᱟ.ᱛᱩ ᱫᱟᱜ ᱢᱟ ᱜᱚᱫᱚ ᱜᱚᱫᱚ

ᱥᱮᱨᱮᱧ ᱥᱟᱞᱟᱜ ᱥᱤᱧ ᱟᱨ ᱧᱤᱫᱟ.,

ᱩᱯᱠᱟ.ᱨ ᱮᱫᱟᱭ ᱦᱚᱲᱟᱜ ᱜᱟᱰᱟ,

ᱥᱮᱛᱳᱝ ᱡᱷᱟᱧᱡᱽᱨᱮ ᱫᱟᱜ ᱮᱢᱚᱜ- ᱮ,

ᱰᱩᱵᱟ.ᱨᱮ ᱢᱟ ᱠᱩᱞᱤ ᱮᱢᱮᱜ

ᱥᱟᱞᱟᱜ ᱥᱮᱨᱮᱧ ᱥᱤᱧ ᱧᱤᱫᱟ. ᱪᱚ ,

ᱟ.ᱛᱩᱜ ᱫᱟᱜ ᱦᱳ, ᱜᱚᱫᱚ᱾

ᱫᱟᱜ ᱢᱟ ᱱᱟ.ᱛᱩᱜ ᱜᱚᱫᱚ ᱜᱚᱫᱚ᱾

ᱢᱟᱱᱣᱟ ᱡᱤᱣᱤ ᱫᱤᱥᱟ.ᱭ ᱢᱮ ᱟᱢ ,

ᱥᱮᱨᱮᱧ ᱥᱟᱞᱟᱜ ᱵᱚᱞᱚᱜ ᱜᱮᱭᱟᱢ --------

ᱠᱷᱟ.ᱡᱩᱜ ᱫᱩᱞᱟ.ᱲ ᱠᱩᱥᱤ ᱢᱚᱱᱮ ᱛᱮ,

ᱵᱚᱭᱦᱟᱢ ᱠᱟ.ᱢᱤ ᱱᱩᱥᱟ.ᱥᱮᱫᱮ,--------

ᱥᱮᱥᱨᱮ ᱟᱛᱷᱟᱱ ᱫᱟ.ᱨᱭᱟ.ᱣ‌ ᱨᱮᱪᱚ

ᱫᱟᱜ ᱞᱮᱠᱟ ᱜᱮ ᱜᱚᱫᱚ ᱜᱚᱫᱚ᱾

--------×-------

ᱥᱟᱨ ᱠᱟᱛᱷᱟ(SUBSTANCE)ᱺ- ᱢᱟᱱᱚᱛᱟᱱ ᱚᱱᱚᱬᱦᱤᱭᱟ ᱜᱚᱢᱠᱮ ᱱᱚᱣᱟ “ᱟ.ᱛᱩ ᱫᱟᱜ ᱢᱟ ᱜᱚᱫᱚ” ᱚᱱᱚᱬᱦᱮ ᱫᱚ ᱟ.ᱛᱩ ᱫᱟᱜ ᱞᱮᱠᱟ ᱜᱮ ᱞᱤᱸᱜᱤ ᱪᱟᱞᱟᱜ ᱠᱟᱱ ᱢᱟᱱ ᱢᱟᱱᱣᱟ ᱡᱤᱣᱤ ᱛᱩᱞᱩᱡ-ᱮ ᱥᱟᱞᱟᱜ ᱟᱠᱟᱫᱟ᱾ ᱢᱟᱱᱚᱛᱟᱱ ᱜᱚᱢᱠᱮᱭ ᱯᱩᱭᱞᱩ ᱛᱷᱟᱨ ᱨᱮᱭ ᱞᱮᱭ ᱦᱚᱪᱚ ᱟᱠᱟᱫᱟᱼᱼᱼᱼᱼᱼᱼᱼᱼᱼᱼᱼᱼ

                        “ᱟ.ᱛᱩ ᱫᱟᱜ ᱜᱚᱫᱚ, ᱞᱮᱜᱮᱢ ᱞᱮᱜᱮᱢ ᱟ.ᱛᱩᱜ ᱜᱟᱰᱟ, ᱟᱡ ᱢᱚᱛᱚ ᱜᱮ ᱪᱟᱞᱟᱜ ᱠᱟᱱᱟ, ᱵᱟᱝ.ᱭᱦᱟ.ᱲ ᱵᱩᱨᱩ ᱯᱟᱨᱚᱢ ᱠᱟᱛᱮ,ᱟ.ᱛᱷᱟ.ᱱ ᱫᱟᱜ ᱥᱟᱶ ᱧᱟᱯᱟᱢ ᱢᱮᱱᱛᱮ”᱾ ᱢᱮᱱ ᱫᱚ ᱟ.ᱛᱩ ᱫᱟᱜ ᱫᱚ ᱞᱮᱜᱮᱢ ᱞᱮᱜᱮᱢ ᱟ.ᱛᱩ ᱪᱟᱞᱟᱜ ᱠᱟᱱ ᱰᱟ.ᱫᱽ-ᱵᱟ.ᱭᱦᱟ.ᱲ , ᱵᱩᱨᱩ ᱯᱟᱨᱚᱢ ᱠᱟᱛᱮᱜ, ᱟ.ᱛᱷᱟ.ᱱ ᱫᱟᱜ ᱥᱟᱶ ᱧᱟᱯᱟᱢ ᱞᱟ.ᱜᱤᱫ᱾ ᱡᱮᱞᱮᱠᱟ ᱟᱵᱚ ᱢᱟᱱᱣᱟ ᱦᱩᱰᱤᱧ ᱠᱷᱚᱱ ᱡᱩᱣᱟ.ᱱᱚᱜ ᱵᱚᱱ ᱠᱷᱚᱡᱚᱜ-ᱟ, ᱨᱮᱸᱜᱮᱡ ᱠᱷᱚᱱ ᱠᱤᱥᱟ.ᱬᱚᱜ ᱵᱚᱱ ᱠᱷᱚᱡᱚᱜ-ᱟ, ᱢᱮᱱ ᱫᱚ ᱛᱤᱱᱟ.ᱜ ᱢᱮᱱᱟᱜ-ᱟ ᱚᱱᱟ ᱠᱷᱚᱱ ᱟᱨᱦᱚ ᱟ.ᱛᱷᱟ.ᱱ ᱵᱚᱱ ᱠᱷᱚᱡᱚᱜ-ᱟ᱾ ᱟᱨ ᱚᱱᱟ ᱟ.ᱛᱷᱟ.ᱱ ᱧᱟᱢ ᱨᱮᱭᱟᱜ ᱟᱥ ᱟᱛᱮᱜ ᱜᱮ ᱟᱵᱚ ᱦᱚ ᱟ.ᱛᱩ ᱫᱟᱜ ᱞᱮᱠᱟ ᱵᱚᱱ ᱡᱚᱦᱚᱲ ᱠᱚᱜ-ᱟ᱾ ᱚᱱᱟ ᱛᱮ ᱛᱷᱟᱨ ᱨᱮᱭᱟᱜ ᱢᱤᱪᱟ.ᱫᱽ ᱨᱮ ᱢᱮᱱ ᱟᱠᱟᱫᱟᱭ “ᱨᱩᱣᱟ.ᱲ ᱵᱟᱝ ᱮ ᱚᱱᱟ ᱫᱟᱜ ᱫᱚ,ᱟ.ᱛᱩ ᱫᱟᱜ ᱦᱚ ᱜᱚᱫᱚ”᱾

             ᱫᱚᱥᱟᱨ ᱛᱷᱟᱨ ᱨᱮ ᱟᱨᱦᱚᱭ ᱪᱟᱨᱦᱮ ᱟᱠᱟᱫᱟ, ᱟ.ᱛᱩᱜ ᱫᱟᱜ ᱢᱟ ᱜᱚᱫᱚ ᱜᱚᱫᱚ , ᱯᱚᱭᱚᱲ ᱯᱚᱭᱚᱲ ᱟ.ᱛᱩᱜ ᱜᱟᱰᱟ ,ᱪᱟᱞᱟᱜ ᱮᱠᱮᱱ ᱵᱟᱰᱟᱭ ᱚᱱᱟ, ᱢᱟᱱᱣᱟ ᱡᱤᱣᱤ ᱫᱚᱜ ᱦᱚ ᱱᱚᱝᱠᱟ, ᱫᱤᱱᱟ.ᱢ ᱜᱮᱪᱚᱝ ᱪᱟᱞᱟᱜ ᱠᱟᱱᱟ,ᱨᱩᱭᱟ.ᱲᱚᱜ ᱢᱟ ᱵᱟᱰᱟᱭ ᱵᱟᱪᱚ, ᱟᱛᱩᱜ ᱫᱟᱜ ᱦᱚ ᱜᱚᱫᱚ ᱜᱚᱫᱚ᱾” ᱢᱮᱱ ᱫᱚ ᱟ.ᱛᱩᱜ ᱫᱚᱜ ᱚᱠᱟ ᱞᱮᱠᱟ ᱢᱤᱫ ᱞᱟᱜᱟᱣ ᱛᱮ ᱟ.ᱛᱩ ᱪᱟᱞᱟᱜ ᱠᱟᱱᱟ, ᱟᱵᱚ ᱢᱟᱱᱣᱟ ᱦᱚ ᱟᱵᱚᱣᱟᱜ ᱟᱥ ᱯᱩᱨᱟ.ᱣ ᱞᱟ.ᱜᱤᱫ ᱢᱤᱫ ᱞᱟᱜᱟᱣ ᱜᱮ ᱵᱚᱱ ᱡᱚᱦᱚᱲ ᱟᱠᱟᱱᱟ᱾ ᱫᱤᱱᱟᱢ ᱫᱤᱱ ᱱᱚᱝᱠᱟ ᱜᱮ ᱚᱞᱚᱥ ᱫᱮᱭᱟ ᱠᱟᱛᱮᱜ, ᱪᱮᱫᱟᱜ ᱥᱮ ᱱᱚᱣᱟ ᱩᱢᱮᱨ ᱫᱚ ᱠᱟᱡᱟᱜ ᱜᱮ ᱵᱟᱰᱟᱭᱟ ᱟᱨ ᱢᱤᱫ ᱫᱷᱟᱣ ᱩᱢᱮᱨ ᱯᱟᱨᱚᱢ ᱞᱮᱱ ᱠᱷᱟᱱ ᱚᱱᱟ ᱫᱚ ᱛᱤᱥ ᱦᱚ ᱵᱟᱭ ᱨᱩᱣ.ᱲᱟ᱾

               ᱚᱱᱟ ᱛᱚᱭᱚᱢ ᱨᱮᱱᱟᱜ ᱛᱷᱟᱨ ᱨᱮᱭ ᱢᱮᱱ ᱦᱚᱪᱚ ᱟᱠᱟᱫᱟ, “ᱫᱤᱱᱟ.ᱢ ᱜᱮᱪᱚ ᱪᱟᱞᱟᱜ ᱠᱟᱱᱟ, ᱵᱤᱱ ᱢᱩᱪᱟ.ᱫᱚᱜ ᱚᱠᱛᱚ ᱴᱷᱮᱱ ᱦᱳ, ᱥᱟ.ᱨᱤ ᱢᱟᱱᱣᱟ ᱡᱤᱣᱤ ᱫᱟᱜ ᱪᱚ, ᱫᱤᱱᱟᱢ ᱜᱮ ᱪᱚᱝ ᱟ.ᱫᱷᱤᱜ ᱠᱟᱱᱟ, ᱳᱦᱟᱭ,ᱢᱟᱱᱣᱟ ᱡᱤᱣᱤ ᱦᱚᱪᱚ, ᱫᱟᱜ ᱢᱟ ᱞᱮᱠᱟ ᱜᱚᱫᱚ ᱜᱚᱫᱚ”᱾ ᱢᱮᱱ ᱫᱚ ᱵᱤᱱ ᱢᱩᱪᱟ.ᱫᱚᱜ ᱚᱠᱛᱚ ᱥᱟᱞᱟᱜ ᱪᱮᱦᱮᱞ ᱪᱮᱯᱮᱞ ᱟᱛᱩᱜ ᱠᱟᱱ, ᱦᱤᱨᱤᱡᱚᱜ ᱠᱟᱱ ᱜᱟᱰᱟ ᱫᱟᱜ ᱞᱮᱠᱟ ᱢᱟᱱᱣᱟ ᱡᱤᱣᱤ ᱦᱚ ᱟ.ᱛᱩ ᱪᱟᱞᱟᱜ ᱠᱟᱱ ᱟᱥ ᱛᱟᱭ ᱢᱮᱴᱟᱣ ᱞᱟ.ᱜᱤᱫ᱾ ᱢᱮᱱ ᱠᱷᱟᱱ ᱢᱟᱱᱣᱟ ᱡᱤᱣᱤ ᱨᱮᱭᱟᱜ ᱩᱢᱮᱨ ᱦᱚ ᱟ.ᱫᱷᱤ ᱪᱟᱞᱟᱜ ᱠᱟᱱ, ᱦᱤᱨᱤᱡ ᱪᱟᱞᱟᱜ ᱠᱟᱱ ᱵᱤᱱ ᱢᱩᱪᱟ.ᱫᱚᱜ ᱚᱠᱛᱚ ᱥᱟᱞᱟᱜ ᱟ.ᱛᱩ ᱟ.ᱛᱩ ᱛᱮ᱾

              ᱚᱱᱟ ᱛᱟᱭᱚᱢ ᱨᱮᱱᱟᱜ ᱛᱷᱟᱨ ᱨᱮ ᱟᱨᱦᱚ ᱚᱱᱚᱬᱦᱤᱭᱟ. ᱜᱚᱢᱠᱮᱭ ᱪᱟᱨᱦᱮ ᱟᱠᱟᱫᱟ, “ᱥᱮᱨᱮᱧ ᱥᱟᱞᱟᱜ ᱥᱤᱧ ᱟᱨ ᱧᱤᱫᱟ., ᱩᱯᱠᱟᱨ ᱮᱫᱟᱭ ᱦᱚᱲᱟᱜ ᱜᱟᱰᱟ , ᱥᱮᱛᱳᱝ ᱡᱷᱟᱧᱡᱽᱨᱮ ᱫᱟᱜ ᱮᱢᱚᱜ-ᱮ,ᱰᱩᱵᱟ. ᱨᱮᱢᱟ ᱯᱩᱞᱤ ᱢᱮ, ᱥᱟᱞᱟᱜ ᱥᱮᱨᱮᱧ ᱥᱤᱧ ᱟᱨ ᱧᱤᱫᱟ. ᱪᱚ, ᱟ.ᱛᱩᱜ ᱫᱚᱜ ᱦᱳ ᱜᱚᱫᱚ ᱜᱚᱫᱚ᱾” ᱢᱮᱱ ᱫᱚ ᱟ.ᱛᱩᱜ ᱫᱟᱜ ᱡᱮᱞᱮᱠᱟ ᱟᱭᱟᱜ ᱪᱟᱞᱟᱜ ᱰᱟᱦᱟᱨ ᱨᱮ ᱢᱟᱱᱢᱤ ᱠᱚᱭ ᱩᱯᱠᱟᱨᱮᱫ ᱠᱚᱣᱟ᱾ ᱥᱮᱛᱳᱝ ᱡᱷᱟᱧᱡᱽᱨᱮ ᱫᱟᱜ ᱮ ᱮᱢᱟ ᱠᱚ ᱠᱟᱱ, ᱵᱩᱵᱟ. ᱥᱮ ᱵᱚᱵᱷᱟᱜ ᱨᱮ ᱯᱩᱞᱤᱭ (ᱦᱟᱥᱟ) ᱮᱢᱟᱜ ᱠᱟᱱᱟ, ᱟᱨ- ᱮ ᱵᱤᱴᱟ.ᱣ ᱤᱫᱤᱭᱮᱫᱟ ᱾ ᱚᱱᱠᱟ ᱜᱮ ᱢᱟᱱᱚᱣᱟ ᱦᱚ ᱟᱠᱣᱟᱜ ᱦᱤᱭᱚᱱ ᱰᱟᱦᱟᱨ ᱨᱮ ᱛᱟᱲᱟᱢ ᱛᱟᱲᱟᱢ ᱛᱮ ᱫᱩᱠᱚᱜ ᱠᱟᱱ, ᱥᱟᱥᱮᱛᱚᱜ ᱠᱟᱱ ᱠᱚ ᱦᱚᱲ ᱥᱟᱶ ᱨᱮ ᱟᱵᱚ ᱨᱟᱱ.ᱥᱠᱟ ᱢᱚᱱᱮ ᱛᱤᱸᱜᱩᱱ ᱨᱮᱭᱟᱜ ᱯᱨᱮᱨᱚᱱᱟ ᱮᱢ ᱟᱵᱚᱱ ᱠᱟᱱᱟ᱾ ᱡᱟᱦᱟ ᱫᱚ ᱟᱵᱚ ᱢᱟᱱᱣᱟᱜ ᱫᱷᱚᱨᱚᱢ ᱠᱟᱱᱟ᱾

            ᱢᱩᱪᱟ.ᱫ ᱨᱮ ᱟᱨ ᱦᱚᱭ ᱪᱟᱨᱦᱮ ᱟᱠᱟᱫᱟ, “ᱫᱟᱜ ᱢᱟ ᱱᱟ.ᱛᱩᱜ ᱜᱚᱫᱚ , ᱢᱟᱱᱣᱟ ᱡᱤᱭᱚᱱ ᱫᱤᱥᱟ.ᱭ ᱢᱮ ᱟᱢ ,ᱥᱮᱨᱮᱧ ᱥᱟᱞᱟᱜ ᱵᱚᱞᱚᱜ ᱜᱮᱭᱟᱢ, ᱠᱷᱟᱱ.ᱡᱩᱜ ᱥᱟᱞᱟᱜ ᱠᱩᱥᱤ ᱢᱚᱱᱮ ᱛᱮ ᱵᱚᱭᱦᱟᱢ ᱠᱟ.ᱢᱤ ᱱᱩᱥᱟ.ᱥᱮᱫᱮ,ᱥᱮᱥᱨᱮ ᱟᱛᱷᱟᱱ ᱫᱟᱨᱮᱭᱟ.ᱣ ᱨᱮᱪᱚ , ᱫᱟᱜ ᱞᱮᱠᱟ ᱜᱮ ᱜᱚᱫᱚ ᱜᱚᱫᱚ᱾”ᱢᱮᱱ ᱫᱚ ᱢᱟᱱᱣᱟ ᱡᱤᱭᱤᱢ ᱫᱤᱥᱟ. ᱞᱮᱠᱟᱷᱟᱱ ᱵᱩᱡᱷᱟᱣ ᱧᱟᱢ ᱟᱢ ᱛᱤᱱᱟᱹᱜ ᱢᱤᱞ ᱢᱮᱱᱟᱜ ᱢᱟᱱᱣᱟ ᱡᱤᱭᱚᱱ ᱟᱨ ᱟ.ᱛᱩᱜ ᱫᱟᱜ ᱛᱟᱞᱟ ᱨᱮ᱾ ᱡᱟᱦᱟ ᱥᱮᱨᱮᱧ ᱞᱮᱠᱟ ᱛᱚᱞ‌ ᱟᱠᱟᱱᱟ᱾ ᱟᱨ ᱢᱩᱪᱟ.ᱫᱽ ᱨᱮ ᱥᱮ ᱟᱵᱚᱣᱟᱜ ᱩᱢᱮᱨ ᱦᱩᱭ ᱞᱮᱱ ᱠᱷᱟᱱ ᱜᱩᱨ ᱠᱟᱛᱮᱜ , ᱡᱟᱝ ᱵᱟᱦᱟ ᱨᱩᱯᱛᱮ ᱟ.ᱛᱷᱟ.ᱱ ᱫᱟᱜ ᱥᱟᱶ ᱜᱮ ᱱᱚᱣᱟ ᱢᱟᱱᱣᱟ ᱡᱤᱣᱤ ᱫᱚ ᱵᱚᱦᱮᱞ ᱪᱟᱞᱟᱜ-ᱟ ᱾

             ᱢᱟᱱᱚᱛᱟᱱ ᱯᱟ.ᱩᱞ ᱡᱩᱡᱷᱟ.ᱨ ᱥᱚᱨᱮᱱ ᱜᱚᱢᱠᱮᱭᱟᱜ ᱚᱞ “ᱟ.ᱛᱩ ᱫᱟᱜ ᱢᱟ ᱜᱚᱫᱚ ᱜᱚᱫᱚ” ᱚᱱᱚᱬᱦᱮ ᱨᱮᱱᱟᱜ ᱥᱟᱨ ᱠᱟᱛᱷᱟ ᱫᱚ ᱱᱚᱝᱠᱟ ᱞᱮᱭ ᱜᱟᱱᱚᱜ-ᱟ᱾

--------×-------

Relevant Posts »

Santali Poem - Ego Dulariya Dular Do Oka Baam Lei Adina written by Shamcharan Hembram

DOWNLOAD PDF