Santali Poem “Ego
Dulariya Dular Do Oka Baam Lei Adina” was written by Professor Shamcharan
Hembram. You can find this poem in “Sai serma reyag onorhe ” poem
book. If you translate the tittle of poem in English, it’s should be “ Oh my lover
! You didn’t told me the meaning of love”. But this poem is not about the love for
any person or any other living things. It’s all about the love of nature. How
nature solve our problems and protects us from various poverty. But it’s never ask
for any exchange like how we living things are need. Below I given the full
poem and it’s substances in santali.
ᱮᱜᱳ
ᱫᱩᱞᱟ.ᱲᱤᱭᱟ. ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ
ᱯᱨᱚᱯᱷᱮᱥᱚᱨ ᱥᱮᱢ
ᱪᱚᱨᱚᱱ ᱦᱮᱢᱵᱨᱚᱢ
ᱵᱟ.ᱭᱥᱟ.ᱠ ᱡᱷᱮᱴ
ᱥᱟ.ᱨᱫᱤ ᱥᱤᱛᱩᱝ ᱞᱚᱞᱚ
ᱤᱧ ᱫᱚ
ᱥᱤᱠᱟ.ᱨᱤᱭᱟ. ᱛᱮᱛᱟᱝ ᱛᱮ ᱴᱚᱞᱚ ᱢᱚᱞᱚ
ᱟᱢ ᱫᱟᱜ ᱮᱢ ᱞᱤᱸᱜᱤᱱ
ᱠᱟᱱᱟ ᱡᱷᱟᱨᱱᱟ ᱵᱩᱨᱩ ᱜᱷᱟᱴ ᱨᱮ
ᱠᱚᱭ ᱛᱚᱨᱟ
ᱨᱟ.ᱥᱠᱟ. ᱢᱚᱱᱮ ᱛᱮ ᱫᱟᱜ ᱮᱢ ᱮᱢᱦᱟ ᱟ.ᱫᱤᱧᱟ
ᱮᱜᱳ ᱫᱩᱞᱟ.ᱲᱤᱭᱟ.!
ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱟᱥᱟᱲ-ᱥᱟᱱ
ᱡᱷᱚᱢᱚᱨ ᱡᱷᱚᱢ ᱨᱮ ᱡᱟ.ᱲᱤ
ᱤᱧ ᱫᱚ ᱨᱟ.ᱯᱩᱫ
ᱚᱲᱟᱜ ᱨᱮ ᱫᱟᱜ ᱡᱚᱨᱚ ᱟ.ᱧ ᱟ.ᱲᱤ
ᱟᱢ ᱫᱚ
ᱥᱟᱸᱜᱷᱟᱸᱨᱤᱭᱥᱟ. ᱡᱚᱨᱚ ᱵᱟᱲᱮ ᱪᱟᱸᱜᱟ ᱰᱟᱦᱟᱨ ᱨᱮ
ᱢᱮᱱ ᱛᱚᱨᱟ ᱠᱩᱥᱤ
ᱢᱚᱱᱮ ᱛᱮ ᱡᱤᱣᱤ ᱦᱚᱲᱢᱚᱢ ᱩᱢᱩᱞ ᱠᱮᱫ ᱛᱤᱧᱟ᱾
ᱮᱜᱳ ᱫᱩᱞᱟ.ᱲᱤᱭᱟ.!
ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱿
ᱵᱷᱟᱫᱚᱨ-ᱫᱟᱥᱟᱭ
ᱫᱚ ᱵᱟ.ᱫᱽ ᱠᱷᱮᱛ ᱨᱮ ᱟᱱᱟᱪᱷ
ᱤᱧ ᱫᱚ ᱡᱟᱨᱢᱟᱫ
ᱛᱟᱨᱢᱟᱫ ᱱᱟᱪᱟᱨ ᱨᱮᱸᱜᱮᱡ
ᱟᱢ ᱫᱚ ᱫᱷᱚᱨᱚᱢ
ᱫᱷᱚᱨᱚᱢ-ᱵᱤᱨ ᱵᱤᱞᱤ ᱛᱟᱞᱮ ᱟᱦᱟᱨ ᱜᱷᱟᱴ ᱨᱮ
ᱠᱚᱭ ᱛᱚᱨᱟ ᱱᱤᱨᱚᱲ
ᱢᱚᱱᱮ ᱛᱮ ᱡᱚᱢᱟᱜ ᱮᱢ ᱮᱢᱦᱟ ᱟ.ᱫᱤᱧᱟ
ᱮᱜᱳ ᱫᱩᱞᱟ.ᱲᱤᱭᱟ.!
ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱥᱚᱦᱨᱟᱭ-ᱟᱸᱜᱷᱟᱲ
ᱨᱮᱭᱟᱜ ᱨᱟᱵᱟᱝ ᱧᱩᱨᱦᱩᱜᱼ ᱟ ᱧᱤᱫᱟ. ᱥᱤᱥᱤᱨ
ᱤᱧ ᱫᱚ ᱠᱳᱴᱳ
ᱦᱚᱲᱢᱚ ᱨᱟᱵᱟᱝ ᱛᱮ ᱞᱩᱠᱩᱫ ᱞᱩᱠᱩᱫ ᱛᱷᱤᱨ
ᱟᱢ ᱫᱚ ᱥᱤᱧ ᱵᱤᱨ
ᱨᱟᱵᱟᱝ ᱮᱢ ᱫᱟᱨᱟᱢ ᱫᱷᱩᱲᱤ ᱫᱷᱟ.ᱨᱛᱤ ᱨᱮ
ᱠᱚᱭ ᱛᱚᱨᱟ ᱱᱟᱯᱟᱭ
ᱢᱚᱱᱮ ᱛᱮ ᱥᱤᱛᱩᱝ ᱮᱢ ᱮᱢᱦᱟ ᱫᱤᱧᱟ
ᱮᱜᱳ ᱫᱩᱞᱟ.ᱲᱤᱭᱟ.!
ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱯᱩᱥ-ᱢᱟᱜᱷ ᱫᱚ ᱠᱷᱟ.ᱨᱟ.ᱭ,
ᱚᱲᱟᱜ ᱨᱮ ᱟᱱᱟᱪᱷ
ᱤᱧ ᱫᱚ ᱯᱮᱨᱮᱡ
ᱮᱱᱛᱤᱧ ᱨᱮᱸᱜᱮᱡ ᱛᱮᱛᱟᱝ ᱡᱟ.ᱱᱤᱡ
ᱟᱢᱫᱚ ᱦᱟ.ᱣᱥᱤ ᱨᱩᱥᱤᱠᱟ
ᱡᱚᱡᱚ ᱵᱩᱴᱟ. ᱞᱟᱠᱪᱟᱨ ᱟᱠᱷᱲᱟ ᱨᱮ
ᱠᱩᱞᱤ ᱛᱚᱨᱟ ᱞᱟᱸᱫᱟ
ᱠᱟᱛᱮᱜ ᱟᱢᱟᱜ ᱩᱯᱨᱩᱢ ᱮᱢ ᱞᱮᱭ ᱟ.ᱫᱤᱧᱟ
ᱮᱜᱳ ᱫᱩᱞᱟ.ᱲᱤᱭᱟ.!
ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ ᱾
ᱯᱷᱟᱜᱩᱱ-ᱪᱟᱛ ᱵᱤᱨ
ᱵᱩᱨᱩ ᱛᱮ ᱵᱟᱦᱟ ᱨᱮᱭᱟᱜ ᱥᱚ ᱥᱚᱸᱫᱷᱟᱬ
ᱤᱧ ᱫᱚ ᱥᱟᱸᱦᱮᱸᱫ
ᱠᱟᱛᱮᱜ ᱟᱸᱜᱚᱸᱡᱽ ᱞᱟ.ᱜᱤᱫ ᱤᱧ ᱵᱟᱦᱟ ᱥᱟᱲ
ᱟᱢ ᱫᱚ ᱦᱚᱭ-ᱵᱤᱨ ᱫᱟᱱ
ᱮᱫᱟᱢ ᱥᱚᱸᱫᱷᱟᱬ ᱵᱚᱥᱢᱚᱛᱟ ᱨᱮ
ᱠᱚᱭ ᱛᱚᱨᱟ
ᱥᱚᱸᱫᱷᱟᱬ ᱮᱢ ᱦᱮᱞᱠᱟᱣ ᱟ.ᱫᱤᱧᱟ ᱾
ᱮᱜᱳ
ᱫᱩᱞᱟ.ᱲᱤᱭᱟ.! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ ᱿
ᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼ
ᱚᱱᱚᱬᱦᱮ
ᱩᱯᱨᱩᱢ ᱺ ᱢᱟᱱᱚᱛᱟᱱ ᱥᱮᱢ
ᱪᱚᱨᱚᱱ ᱜᱚᱢᱠᱮᱭᱟᱜ ᱚᱞ “ᱮᱜᱳ ᱫᱩᱞᱟ.ᱲᱤᱭᱟ. ! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ” ᱚᱱᱚᱬᱦᱮ
ᱫᱚ “ᱥᱟᱭ ᱥᱮᱨᱢᱟ ᱨᱮᱭᱟᱜ ᱚᱱᱚᱬᱦᱮ”(᱑᱙᱙᱓) ᱨᱮ ᱥᱮᱞᱮᱫ ᱢᱮᱱᱟᱜ ᱟᱠᱟᱫᱟ᱾ ᱧᱩᱛᱩᱢ ᱛᱮᱜᱮ ᱵᱟᱰᱟᱭ
ᱧᱟᱢᱚᱜ ᱠᱟᱱᱟ ᱱᱚᱣᱟ ᱫᱚ ᱢᱤᱫ ᱴᱟᱝ ᱫᱩᱞᱟ.ᱲ ᱨᱮᱭᱟᱜ ᱚᱱᱚᱬᱦᱮ ᱠᱟᱱᱟ᱾ ᱢᱮᱱ ᱠᱷᱟᱱ ᱱᱚᱰᱮ ᱫᱩᱞᱟ.ᱲ ᱫᱚ ᱯᱨᱚᱠᱤᱛ
ᱪᱮᱛᱟᱱ ᱨᱮᱭᱟᱜ ᱫᱩᱞᱟ.ᱲ ᱠᱟᱛᱷᱟ ᱜᱮ ᱜᱟᱵᱟᱱ ᱟᱠᱟᱫᱟᱭ ᱢᱟᱱᱚᱛᱟᱱ ᱚᱱᱚᱬᱦᱤᱭᱟ. ᱥᱮᱢ ᱪᱚᱨᱚᱱ ᱦᱮᱢᱵᱨᱚᱢ
ᱜᱚᱢᱠᱮ ᱾
ᱥᱟᱨ ᱠᱟᱛᱷᱟ (SUBSTANCE)
ᱺ ᱚᱱᱚᱬᱦᱤᱭᱟ. ᱜᱚᱢᱠᱮᱭᱟᱜ
ᱚᱞ “ᱮᱜᱳ ᱫᱩᱞᱟ.ᱲᱤᱭᱟ. ! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ ᱚᱱᱚᱬᱦᱮ ᱨᱮ ᱛᱩᱨᱩᱭ ᱜᱚᱴᱟᱝ ᱛᱷᱟᱨ
ᱢᱮᱱᱟᱜ ᱟᱠᱟᱫᱟ᱾ ᱢᱤ ᱢᱤᱫ ᱴᱟᱝ ᱛᱷᱟᱨ ᱨᱮ ᱚᱱᱟᱬᱦᱤᱭᱟ. ᱟᱭᱟᱜ ᱢᱤ ᱢᱤᱫ ᱞᱮᱠᱟᱱᱟᱜ ᱟᱱᱟᱴ ᱠᱚᱭ ᱥᱚᱫᱟᱨ
ᱟᱠᱟᱫ ᱛᱟᱭᱟ᱾ ᱚᱱᱟ ᱠᱚ ᱥᱟᱱᱟᱢ ᱟᱱᱟᱴ ᱚᱠᱟ ᱞᱮᱠᱟᱛᱮ ᱱᱚᱣᱟ ᱱᱮᱪᱮᱞ ᱥᱮ ᱯᱨᱚᱠᱤᱛᱤ ᱟᱡᱤᱜ ᱫᱩᱞᱟ.ᱲᱤᱭᱟ.
ᱞᱮᱠᱟᱭ ᱥᱟᱸᱜᱷᱟᱨ ᱟᱠᱟᱫᱟ, ᱚᱱᱟᱜᱮ ᱱᱚᱣᱟ ᱚᱱᱚᱬᱦᱮ ᱛᱟᱞᱟ ᱛᱮ ᱟᱵᱚ ᱥᱟᱢᱟᱝ ᱨᱮᱭ ᱪᱟᱨᱦᱮ ᱟᱠᱟᱫᱟ᱾ ᱢᱮᱱ
ᱠᱷᱟᱱ ᱟᱡ ᱢᱟ ᱯᱨᱚᱠᱤᱛ ᱞᱟ.ᱜᱤᱫ ᱪᱮᱫ ᱦᱚ ᱵᱟᱭ ᱠᱟ.ᱢᱤ ᱟᱠᱟᱫᱟ, ᱮᱱᱛᱮ ᱨᱮᱦᱚ ᱥᱩᱠ ᱫᱩᱠ ᱨᱮ ᱱᱚᱣᱟ
ᱱᱮᱪᱮᱞ ᱥᱟᱱᱟᱢ ᱞᱮᱠᱟᱱ ᱚᱠᱛᱚ ᱨᱮ ᱡᱟᱸᱜᱮ ᱫᱟᱨᱟᱢ ᱟᱠᱟ ᱫᱮᱭᱟ, ᱚᱱᱟ ᱛᱮ ᱱᱚᱣᱟ ᱫᱩᱞᱟ.ᱲ ᱨᱮᱭᱟᱜ ᱚᱡᱮ ᱥᱮ
ᱢᱮᱱᱮᱫ ᱵᱟᱭ ᱧᱟᱢ ᱟᱠᱟᱫ ᱛᱮ ᱚᱱᱚᱬᱦᱮ ᱨᱮᱭᱟᱜ ᱥᱟᱱᱟᱢ ᱛᱷᱟᱨ ᱨᱮ ᱱᱮᱪᱮᱞ “ᱮᱜᱳ ᱫᱩᱞᱟ.ᱲᱤᱭᱟ.” ᱞᱮᱠᱟᱛᱮᱭ
ᱥᱟᱨᱦᱟᱣ ᱟᱠᱟᱫᱟ ᱨᱮᱦᱚ ᱫᱩᱞᱟ.ᱲ ᱫᱚ ᱚᱠᱟ ᱠᱟᱱᱟ, ᱚᱱᱟ ᱨᱮᱭᱟᱜ ᱠᱩᱠᱞᱤ ᱦᱚᱭ ᱫᱚᱦᱚ ᱦᱚᱴᱚ ᱟᱠᱟᱫᱟ᱾
ᱢᱟᱱᱟᱛᱟᱱ ᱜᱚᱢᱠᱮ
ᱯᱩᱭᱞᱩ ᱩᱛᱟᱢᱨ ᱛᱷᱟᱨ ᱨᱮᱭ ᱪᱟᱨᱦᱮ ᱟᱠᱟᱫᱟ ᱵᱟᱝ.ᱭᱥᱟᱠ-ᱡᱷᱮᱴ ᱵᱚᱸᱜᱟ ᱨᱮᱭᱟᱜ ᱠᱟᱛᱷᱟ ᱾ ᱡᱟᱦᱟ ᱚᱠᱛᱚ ᱫᱚ
ᱡᱟᱨᱟᱞ ᱡᱟᱨᱟᱞ ᱥᱤᱛᱩᱝ ᱫᱤᱱ ᱾ ᱥᱤᱛᱩᱝ ᱞᱚᱞᱚ ᱛᱮ ᱞᱟᱸᱜᱟ ᱛᱮᱛᱟᱝ ᱡᱤᱣᱤ ᱢᱟᱨᱟᱛ ᱞᱟ.ᱜᱤᱫ ᱥᱤᱠᱟ.ᱨᱤᱭᱟ.
ᱚᱱᱚᱬᱦᱤᱭᱟ. ᱡᱚᱠᱷᱚᱡ ᱫᱟᱜ ᱮ ᱯᱟᱱᱛᱮ ᱠᱮᱫᱟ᱾ ᱡᱷᱟᱨᱱᱟ ᱰᱟ.ᱰᱤ ᱢᱤᱫ ᱠᱚᱭ ᱛᱮ, ᱠᱩᱥᱤ ᱢᱚᱱᱮ ᱛᱮ ᱫᱟᱜ ᱮᱢ
ᱠᱟᱛᱮᱜ ᱞᱟᱸᱜᱟ ᱛᱮᱛᱟᱝ ᱮ ᱢᱟᱨᱚᱛ ᱞᱮᱫ ᱛᱟᱭᱟ᱾ ᱢᱮᱱ ᱠᱷᱟᱱ ᱚᱱᱟ ᱵᱚᱫᱚᱞ ᱛᱮ ᱪᱮᱫ ᱜᱮ ᱵᱟᱝ ᱠᱷᱚᱡᱽ
ᱞᱮᱱᱟ᱾ ᱡᱟᱦᱟ ᱠᱷᱟ.ᱛᱤᱨ ᱚᱱᱚᱬᱦᱤᱭᱟ. ᱜᱚᱢᱠᱮ ᱱᱚᱣᱟ ᱛᱷᱟᱨ ᱨᱮ ᱡᱷᱟᱨᱱᱟ ᱰᱟ.ᱰᱤ ᱴᱷᱮᱱ ᱠᱩᱠᱞᱤ ᱫᱚᱦᱚ
ᱟᱠᱟᱫᱟᱭ “ᱮᱜᱳ ᱫᱩᱞᱟ.ᱲᱤᱭᱟ. ! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱚᱱᱟᱠᱟ ᱜᱮ ᱫᱚᱥᱟᱨ
ᱛᱷᱟᱨ ᱨᱮᱫᱚ ᱚᱱᱚᱬᱦᱤᱭᱟ. ᱟᱥᱟᱲᱼᱥᱟᱱ ᱵᱚᱸᱜᱟ ᱨᱮᱭᱟᱜ ᱠᱟᱛᱷᱟ᱾ ᱡᱟᱦᱟ ᱚᱠᱛᱚ ᱫᱚ ᱡᱷᱚᱢ ᱡᱷᱚᱢ ᱫᱟᱜ ᱮ
ᱡᱟ.ᱲᱤᱭᱟ ᱟᱨ ᱚᱱᱟᱬᱦᱤᱭᱟ ᱫᱚ ᱱᱟᱪᱟᱨ ᱜᱮᱭᱟᱭ ᱨᱟ.ᱯᱩᱫ ᱚᱲᱟᱜ ᱛᱟᱭ᱾ ᱫᱟᱜ ᱛᱮᱭ ᱞᱚᱦᱚᱫᱚᱜ ᱟ.ᱛᱷᱟ.ᱣᱲᱤ᱾
ᱱᱚᱝᱠᱟᱱ ᱟᱱᱟᱴ ᱨᱮᱦᱚ ᱱᱮᱪᱮᱞ ᱥᱮ ᱪᱟᱸᱜᱟ ᱰᱟᱦᱟᱨ ᱨᱮ ᱢᱮᱱᱟᱜ ᱡᱚᱨᱚ ᱵᱟᱲᱮ ᱫᱟᱨᱮ ᱢᱤᱫ ᱢᱮᱱ ᱛᱮ ᱩᱢᱩᱞ
ᱜᱚᱫᱮᱭᱟ ᱱᱤᱨᱚᱲ ᱢᱚᱱᱮ ᱟᱛᱮᱜ᱾ ᱢᱮᱱ ᱠᱷᱟᱱ ᱱᱩᱭ ᱡᱚᱨᱚ ᱵᱟᱲᱮ ᱫᱟᱨᱮ ᱞᱟ.ᱜᱤᱫ ᱦᱚ ᱚᱱᱚᱬᱦᱤᱭᱟ. ᱪᱮᱫ ᱜᱮ
ᱵᱟᱭ ᱪᱤᱠᱟ. ᱟᱠᱟᱫᱟ, ᱮᱱᱛᱮ ᱨᱮᱦᱚ ᱢᱤᱫ ᱫᱩᱞᱟ.ᱲᱤᱭᱟ. ᱞᱮᱠᱟᱜᱮᱭ ᱩᱢᱩᱞ ᱟᱠᱟᱫᱮᱭᱟ᱾ ᱚᱱᱟᱛᱮ ᱱᱚᱣᱟ ᱛᱷᱟᱨ
ᱨᱮᱦᱚ ᱚᱱᱚᱬᱦᱤᱭᱟ. ᱜᱚᱢ ᱫᱚ ᱚᱱᱟ ᱢᱤᱫ ᱴᱟᱝ ᱜᱮ ᱠᱩᱠᱞᱤᱭᱟ ᱫᱟᱦᱚ ᱟᱠᱟᱫᱟ— “ᱮ ᱜᱳ ᱫᱩᱞᱟ.ᱲᱤᱭᱟ.
ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ?”
ᱛᱮᱥᱟᱨ ᱛᱷᱟᱨ
ᱨᱮᱫᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱵᱷᱟᱫᱚᱨᱼᱫᱟᱥᱟᱭ ᱵᱟᱸᱜᱟ ᱨᱮᱭᱟᱜ ᱠᱟᱛᱷᱟᱭ ᱪᱟᱨᱦᱮ ᱟᱠᱟᱫᱟ᱾ ᱡᱟᱦᱟ ᱚᱠᱛᱚ
ᱨᱮᱫᱚ ᱡᱚᱢᱟᱜ ᱟᱱᱟᱪ ᱠᱚᱫᱚ ᱠᱷᱮᱫ ᱵᱟ.ᱫᱽ ᱨᱮᱜᱮ ᱛᱟᱦᱮᱱᱟ᱾ ᱢᱮᱱ ᱠᱷᱟᱱ ᱚᱱᱟᱬᱦᱤᱭᱟ. ᱨᱮᱸᱜᱮᱡ ᱦᱚᱲ ᱚᱠᱟ
ᱨᱮ ᱡᱚᱢᱟᱜ ᱦᱚᱭ ᱧᱟᱢ-ᱟ᱾ ᱚᱱᱟᱠᱟᱱ ᱟᱠᱛᱚ ᱨᱮ ᱫᱷᱚᱨᱚᱢ ᱞᱮᱠᱟ ᱦᱮᱡ ᱠᱟᱛᱮᱜ ᱱᱮᱪᱮᱞ ᱟᱭᱟᱜ ᱡᱚ ᱵᱤᱞᱤ ᱠᱚ
ᱢᱮᱱ ᱛᱟᱨᱟᱭ ᱮᱢᱦᱟ ᱟᱫᱮᱭᱟ᱾ ᱱᱟᱝᱠᱟᱱ ᱱᱤᱨᱚᱲ ᱢᱚᱱᱮ ᱟᱱ ᱫᱩᱞᱟ.ᱲᱤ ᱞᱮᱞᱛᱮ ᱚᱱᱚᱬᱦᱤᱭᱟ.ᱭ ᱵᱷᱟ.ᱲᱩᱢᱵᱷᱟᱜ
ᱟᱠᱟᱱᱟ᱾ ᱡᱟᱦᱟᱭ ᱫᱚ ᱢᱤᱫ ᱢᱮᱱ ᱛᱮ ᱪᱮᱫ ᱦᱚ ᱵᱟᱝ ᱞᱮᱭ ᱠᱟᱛᱮᱜ ᱥᱟᱱᱟᱢᱟᱜ ᱟᱱᱟᱴ ᱨᱮᱭ ᱫᱳᱜ ᱫᱟᱨᱟᱢᱮ
ᱠᱟᱱᱟ᱾ ᱱᱚᱣᱟ ᱧᱮᱞ ᱠᱟᱛᱮᱜ ᱚᱱᱚᱬᱦᱤᱭᱟ. ᱜᱚᱢᱠᱮᱭᱟᱜ ᱢᱚᱱᱮ ᱨᱮ ᱥᱩᱢᱩᱝ ᱱᱚᱣᱟ ᱜᱮ ᱛᱟᱠᱮᱨᱚᱜ ᱠᱟᱱᱟ—
“ᱮᱜᱳ ᱫᱩᱞᱟ.ᱲᱤ ! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱯᱩᱱ ᱟᱱᱟᱜ ᱛᱷᱟᱨ
ᱨᱮᱫᱚ ᱥᱚᱦᱨᱟᱭ-ᱟᱸᱜᱷᱟᱬ ᱵᱚᱸᱜᱟ ᱨᱮᱭᱟᱜ ᱠᱟᱛᱷᱟᱭ ᱢᱮᱱ ᱟᱠᱟᱫᱟ᱾ ᱡᱟᱦᱟ ᱨᱮᱭᱟᱜ ᱦᱩᱞᱩᱭ ᱨᱟᱵᱟᱝ ᱛᱮ ᱚᱱᱚᱬᱦᱤᱭᱟ.
ᱞᱩᱠᱩᱫ ᱞᱩᱠᱩᱫᱚᱜ ᱠᱟᱱᱟ᱾ ᱟᱨ ᱚᱱᱟ ᱟᱱᱟᱴ ᱡᱟᱸᱜᱮ ᱫᱟᱨᱟᱢ ᱞᱟ.ᱜᱤᱫ ᱥᱤᱧ ᱵᱤᱨ ᱢᱮᱱ ᱫᱚ ᱵᱮᱲᱟ ᱵᱟᱨᱟᱝ
ᱵᱟᱨᱟᱝ ᱨᱟᱠᱟᱵ ᱠᱟᱛᱮᱜ ᱚᱱᱚᱬᱦᱤᱭᱟ.ᱭ ᱩᱨᱜᱩᱢ ᱮ ᱠᱟᱱᱟ᱾ ᱡᱟᱦᱟ ᱱᱮᱞ ᱠᱟᱛᱮᱜ ᱚᱱᱚᱬᱦᱤᱭᱟ. ᱦᱟᱦᱟᱲᱟ
ᱠᱟᱛᱮᱜ ᱢᱮᱱ ᱥᱟᱱᱟᱭᱮᱫ ᱠᱟᱱᱟ—“ᱮᱜᱳ ᱫᱩᱞᱟ.ᱲᱤᱭᱟ.! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱢᱚᱬᱮ ᱟᱱᱟᱜ ᱛᱷᱟᱨ
ᱨᱮ ᱚᱱᱚᱬᱦᱤᱭᱟ. ᱜᱚᱢᱠᱮ ᱯᱩᱥ-ᱢᱟᱜᱷ ᱵᱚᱸᱜᱟ ᱨᱮᱭᱟᱜ ᱠᱟᱛᱷᱟᱭ ᱢᱮᱱ ᱟᱠᱟᱫᱟ᱾ ᱡᱟᱦᱟ ᱨᱮ ᱥᱟᱱᱟᱢ ᱦᱚᱲ ᱠᱚ
ᱚᱲᱟᱜ ᱛᱮ ᱡᱟᱢᱟᱜ ᱟᱱᱟᱪ ᱛᱮ ᱵᱟᱺᱫᱤ ᱠᱚ ᱯᱮᱨᱮᱡᱽ ᱛᱟᱠᱚᱣᱟ᱾ ᱢᱮᱱ ᱠᱷᱟᱱ ᱚᱱᱚᱬᱦᱤᱭᱟ. ᱫᱚ ᱨᱮᱸᱜᱮᱡ
ᱱᱟᱪᱟᱨ ᱦᱚᱲ, ᱩᱱᱤ ᱫᱩᱠᱷ ᱦᱟᱨᱠᱮᱛ ᱛᱮ ᱢᱚᱱ ᱵᱟᱺᱫᱤ ᱯᱮᱨᱮᱡᱚᱜ ᱛᱟᱭᱟ᱾ ᱚᱱᱠᱟᱱ ᱚᱠᱛᱚ ᱨᱮ ᱟᱱᱟ ᱫᱩᱠᱷ
ᱯᱮᱨᱮᱡ ᱢᱚᱱᱮ ᱢᱟᱨᱚᱛ ᱞᱟ.ᱜᱤᱫ ᱦᱟ.ᱣᱥᱤ ᱨᱩᱥᱤᱠᱟ ᱡᱚᱡᱚ ᱵᱩᱴᱟ. ᱞᱟᱠᱪᱟᱨ ᱟᱠᱷᱲᱟ ᱟ.ᱭᱩᱨ ᱠᱟᱛᱮᱜ ᱮ
ᱨᱟ.ᱥᱠᱟ. ᱦᱚᱪᱚᱭ ᱭᱟ᱾ ᱱᱟᱝᱠᱟᱱ ᱱᱤᱨᱚᱲ ᱢᱚᱱᱮ ᱫᱩᱞᱟ.ᱲ ᱧᱮᱞ ᱛᱮ ᱚᱱᱚᱬᱦᱤᱭᱟ. ᱟᱜ ᱢᱚᱱᱮ ᱠᱚᱸᱽᱨᱟᱣ
ᱜᱚᱫᱚᱜ ᱛᱟᱭᱟ ᱟᱨ ᱛᱟᱨᱠᱳ ᱜᱚᱫᱟᱭ— “ᱮᱜᱳ ᱫᱩᱞᱟ.ᱲᱤᱭᱟ. ! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ ᱟ.ᱫᱤᱧᱟ᱾
ᱢᱩᱪᱟ.ᱫ ᱟᱱᱟᱜ
ᱛᱩᱨᱩᱭ ᱜᱚᱴᱟᱝ ᱛᱷᱟᱨ ᱨᱮᱫᱚ ᱚᱱᱚᱬᱦᱤᱭᱟ. ᱜᱚᱢᱠᱮ ᱯᱷᱟ.ᱜᱩᱱ ᱪᱟ.ᱛ ᱵᱚᱸᱜᱟ ᱨᱮᱭᱟᱜ ᱠᱟᱛᱷᱟᱭ ᱪᱟᱨᱦᱮ
ᱟᱠᱟᱫᱟ᱾ ᱡᱟᱦᱟ ᱨᱮᱫᱚ ᱵᱤᱨ ᱵᱩᱨᱩ ᱨᱮ ᱵᱷᱩᱥᱟ.ᱲ ᱠᱚᱜ ᱵᱟᱦᱟ ᱠᱚᱨᱮᱱᱟ ᱥᱚᱫᱷᱟᱬ ᱥᱚ ᱛᱮ ᱜᱚᱥᱚ ᱟᱠᱟᱱ
ᱨᱚᱦᱚᱲ ᱟᱠᱟᱱ ᱢᱚᱱᱮ ᱡᱤᱣᱤᱭ ᱡᱤᱭᱟ.ᱲᱟ᱾ ᱱᱟᱝᱠᱟ ᱫᱩᱞᱟ.ᱲ ᱟᱛᱮᱜ ᱦᱚᱭᱼᱵᱤᱨ ᱥᱚᱸᱫᱷᱟᱬ ᱥᱚᱭ ᱦᱮᱞᱠᱟᱣ ᱟᱭᱟ
ᱡᱮ ᱚᱱᱚᱬᱦᱤᱭᱟ. ᱵᱟᱝ ᱞᱮᱭ ᱛᱮ ᱵᱟᱭ ᱛᱟᱦᱮ ᱫᱟᱲᱮᱭᱟᱜᱼᱟ ᱡᱮ, “ᱮᱜᱳ ᱫᱩᱞᱟ.ᱲᱤᱭᱟ. ! ᱫᱩᱞᱟ.ᱲ ᱫᱚ ᱚᱠᱟ
ᱵᱟᱢ ᱞᱮᱭ ᱟ.ᱫᱤᱧᱟ᱾
ᱢᱟᱱᱟᱛᱟᱱ ᱚᱱᱚᱬᱦᱤᱭᱟ.
ᱜᱚᱢᱠᱮ ᱥᱮᱢ ᱪᱚᱨᱚᱱ ᱦᱮᱢᱵᱨᱚᱢ ᱜᱚᱢᱠᱮᱭᱟᱜ ᱚᱞ “ᱮᱜᱳ ᱫᱩᱞᱟ.ᱲᱤᱭᱟ. ! ᱫᱩᱞᱟ.ᱲ ᱫᱚ ᱚᱠᱟ ᱵᱟᱢ ᱞᱮᱭ
ᱟ.ᱫᱤᱧᱟ” ᱚᱱᱚᱬᱦᱮ ᱨᱮᱭᱟᱜ ᱥᱟᱨ ᱠᱟᱛᱷᱟ ᱫᱚ ᱠᱷᱟᱴᱚ ᱢᱟᱪᱷᱟ ᱛᱮ ᱱᱚᱝᱠᱟ ᱚᱞ ᱜᱟᱱᱚᱜ-ᱟ᱾
ᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼ
DOWNLOAD PDF
: ONLY SANTALI VERSION IS AVAILABLE
-------------------------------------------------------------------------------------------------
Santali Poem: Aam Ar Inj written by Doman Sahu Samir
Santali Poem - Bachang Nelan Re written by Sarada Prasad Kisku
Santali Poem - Magician (ᱢᱮᱡᱤᱥᱤᱭᱟᱱ)- By Marshal Hembram
Santali poem - A Inag Janam Rorh written by- Sarada Prasad Kisku
Santali poem- Sengel hobor kateng daran kana Written by Thakur Prasad Murmu -ᱪᱤᱨᱜᱟ.ᱞ ᱪᱤᱨ
ᱟ.ᱰᱤ ᱱᱟᱯᱟᱭ
ReplyDelete