The Untold Story Of Tilka Majhi
Tilka Majhi is the one of the first freedom fighter of India. His original name is Tilka Murmu. Who was born on 11 Feb 1750 in a village (Tilakpur) placed in Bhagalpur district. His Father name Sundra Murmu. His father was a majhi of their village. According to that he got called by his father’s position as Tilka Majhi.
ᱩᱯᱨᱩᱢᱺ ᱛᱤᱞᱠᱟᱹ ᱢᱟ.ᱡᱷᱤᱭᱟᱜ ᱟᱥᱚᱞ ᱧᱩᱛᱩᱢ ᱫᱚ ᱦᱳᱭᱳᱜ ᱠᱟᱱᱟ ᱛᱤᱞᱠᱟᱹ ᱢᱩᱨᱢᱩ᱾ ᱡᱟᱱᱟᱢ ᱫᱚ ᱑᱑ ᱯᱷᱮᱵᱨᱚᱣᱟᱨᱤ ᱑᱗᱕᱐ ᱨᱮ ᱵᱷᱟᱜᱚᱞ ᱯᱩᱨ ᱡᱤᱞᱟ ᱨᱮᱱᱟᱜ ᱥᱩᱞᱛᱟᱱ ᱜᱚᱸᱡᱽ ᱛᱷᱟᱱᱟ ᱨᱮᱭᱟᱜ ᱛᱤᱞᱚᱠᱯᱩᱨ ᱟᱛᱳ ᱨᱮ᱾ ᱟᱞᱟᱫ ᱟᱜ ᱧᱩᱛᱩᱢ ᱫᱚ ᱥᱩᱸᱫᱽᱨᱟ ᱢᱩᱨᱢᱩ᱾ ᱯᱩᱞᱤᱥᱟᱜ ᱠᱷᱟᱛᱟ ᱨᱮᱫᱚ ᱯᱟᱦᱟᱲᱤᱭᱟ.ᱭ ᱛᱟᱦᱮ ᱠᱟᱱᱟ ᱢᱮᱱ ᱛᱮ ᱚᱞ ᱵᱮᱞ ᱢᱮᱱᱟᱜ ᱟᱠᱟᱫᱟ᱾ ᱚᱱᱟ ᱞᱮᱠᱟᱛᱮ ᱛᱤᱞᱠᱟ. ᱢᱟᱡᱷᱤᱭᱟᱜ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱ ᱛᱟᱭᱟ ᱡᱟᱵᱨᱟ ᱯᱟᱦᱟᱲᱤᱭᱟ.᱾ ᱟᱰᱤ ᱜᱟᱱ ᱠᱟᱛᱷᱟ ᱚᱞ ᱵᱮᱞ ᱨᱮ ᱵᱟᱝ.ᱱᱩᱜ ᱛᱮ ᱟᱭᱢᱟ ᱠᱷᱚᱸᱫᱽᱨᱚᱱᱤᱭᱟ. ᱠᱚ ᱛᱟᱞᱟ ᱨᱮ ᱛᱤᱞᱠᱟᱹ ᱢᱟ.ᱡᱷᱤ ᱵᱟᱨᱮᱛᱮ ᱟᱰᱤ ᱜᱟᱱ ᱢᱚᱛᱵᱷᱮᱫᱽ ᱢᱮᱱᱟᱜ ᱟᱠᱟᱫ ᱛᱟᱠᱚᱣᱟ᱾
ᱥᱮᱸᱜᱮᱞ - Written by Umul
᱑᱗᱖᱔ ᱥᱟᱞ ᱨᱮ ᱵᱚᱠᱥᱟᱨ ᱨᱮᱭᱟᱜ ᱞᱟ.ᱲᱦᱟ.ᱭ ᱦᱩᱭ ᱞᱮᱱᱟ ᱾ ᱡᱟᱦᱨᱮ ᱵᱨᱤᱴᱤᱥ ᱠᱚ ᱥᱟᱶᱛᱮ ᱵᱟᱝᱞᱟ ᱨᱤᱱᱤᱡ ᱱᱚᱵᱟᱵ ᱢᱤᱨ ᱠᱟᱥᱤᱢ ᱟᱨ ᱢᱩᱜᱷᱚᱞ ᱥᱚᱢᱨᱟᱴ ᱫᱚᱥᱟᱨ ᱥᱟᱦᱚ ᱟᱞᱚᱢ ᱥᱟᱶ ᱠᱚ ᱛᱟᱯᱟᱢ ᱞᱮᱱᱟ᱾ ᱚᱱᱟ ᱞᱟ.ᱲᱦᱟ.ᱭ ᱨᱮ ᱵᱨᱤᱴᱤᱥ ᱠᱚᱠᱚ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱵᱟᱝᱞᱟ ᱨᱤᱱᱤᱡ ᱱᱚᱵᱟᱵ ᱢᱤᱨ ᱠᱟᱥᱤᱢ ᱴᱷᱮᱱ ᱠᱷᱚᱱ ᱵᱟᱝᱞᱟ ᱨᱮᱭᱟᱜ ᱫᱮᱣᱟᱱᱤ ᱠᱚ ᱦᱟᱢᱮᱴ ᱞᱮᱫᱟ᱾ ᱢᱮᱱ ᱫᱚ ᱵ ᱟᱝᱞᱟ ᱨᱮᱭᱟᱜ ᱥᱟᱱᱟᱢ ᱴᱚᱴᱷᱟ ᱠᱚ ᱨᱮᱭᱟᱜ ᱥᱩᱫ ᱟᱠᱚ ᱠᱚ ᱟ.ᱫᱟ.ᱭᱟ᱾ ᱩᱱ ᱫᱚ ᱵᱟᱝᱞᱟ ᱢᱮᱱ ᱛᱮᱫᱚ ᱱᱟᱦᱟᱜ ᱨᱮᱱᱟᱜ ᱯᱟᱪᱮ ᱵᱟᱝᱞᱟ, ᱵᱤᱦᱟᱨ ᱟᱨ ᱡᱷᱟᱲᱠᱷᱚᱱᱰ ᱛᱟᱦᱮ ᱠᱟᱱᱟ᱾ ᱟᱫᱚ ᱵᱨᱤᱴᱤᱥ ᱠᱚ ᱫᱮᱣᱟᱱᱤ ᱨᱮᱭᱟᱜ ᱚᱫᱷᱤᱠᱟᱨ ᱠᱚ ᱧᱟᱢ ᱠᱮᱫ ᱠᱷᱟᱱ ᱯᱩᱨᱟ. ᱵᱟᱝᱞᱟ ᱨᱮᱱ ᱦᱚᱲ ᱠᱚ ᱪᱮᱛᱟᱱ ᱟᱠᱚᱣᱟᱜ ᱨᱟᱡ ᱪᱟᱞᱟᱣ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱫᱟᱬᱟ ᱫᱟᱬᱟ ᱛᱮ ᱡᱷᱟᱲᱠᱷᱚᱱᱰ ᱨᱮᱦᱚ ᱠᱚ ᱥᱮᱴᱮᱨ ᱮᱱᱟ᱾ᱡᱟᱦᱟ ᱨᱮ ᱫᱚ ᱥᱟᱱᱛᱟᱲ ᱠᱚ ᱥᱟᱶᱛᱮ ᱯᱟᱦᱟᱲᱤᱭᱟ., ᱢᱟᱦᱞᱮ, ᱢᱩᱸᱰᱟ. ᱞᱮᱠᱟᱱ ᱟᱭᱢᱟ ᱟ.ᱫᱤᱵᱟ.ᱥᱤ ᱠᱚ ᱥᱩᱠ ᱥᱟᱶᱟᱨ ᱛᱮ ᱡᱤᱭᱚᱱ ᱠᱚ ᱠᱷᱟᱸᱰᱟᱣ ᱮᱫ ᱛᱟᱦᱮ ᱠᱟᱱᱟ᱾ ᱵᱨᱤᱴᱤᱥ ᱠᱚ ᱦᱮᱡ ᱮᱱ ᱛᱟᱭᱚᱢ ᱚᱱᱟ ᱥᱩᱞᱩᱠ ᱱᱤᱨᱟ.ᱭ ᱨᱮ ᱛᱟᱦᱮ ᱠᱟᱱ ᱥᱟᱶᱛᱟ ᱨᱮ ᱥᱮᱸᱜᱮᱞ ᱠᱚ ᱡᱳᱞ ᱟᱫᱟ᱾ ᱟᱯᱱᱟᱨ ᱫᱟᱲᱮ ᱛᱮ ᱵᱮᱱᱟᱣ ᱞᱮᱫ ᱠᱷᱮᱫ ᱵᱟ.ᱫᱽ ᱠᱚ ᱨᱮᱭᱟᱜ ᱟᱨᱡᱟᱣ ᱡᱚᱢᱟᱜ ᱦᱚ ᱨᱮᱡ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱜᱚᱲᱟ ᱨᱮ ᱛᱟᱦᱮ ᱠᱟᱱ ᱠᱚ ᱟ.ᱥᱩᱞ ᱰᱟ.ᱝᱨᱤᱼᱢᱮᱨᱚᱢ, ᱥᱤᱢᱼᱥᱩᱠᱨᱤ ᱥᱟᱱᱟᱢ ᱠᱚ ᱠᱚ ᱥᱤᱸᱵᱚᱲ ᱤᱫᱤ ᱠᱮᱫ ᱠᱚᱣᱟ᱾ ᱮᱢᱟᱱ ᱪᱮᱫ ᱛᱤᱨᱞᱟ. ᱠᱚ ᱪᱮᱛᱟᱱ ᱜᱤᱫᱤ ᱞᱮᱠᱟ ᱢᱟᱸᱰᱨᱟᱣ ᱠᱚ ᱮᱛᱚᱦᱚᱵ ᱠᱮᱫᱟ ᱡᱚᱢᱤᱫᱟᱨ, ᱥᱩᱫᱽ ᱠᱷᱳᱨ ,ᱥᱟᱶ ᱢᱚᱦᱟᱡᱟᱱ ᱠᱚ ᱾ ᱢᱮᱱ ᱡᱟᱦᱟᱭ ᱠᱚ ᱠᱚᱨ ᱦᱟᱛᱟᱣ ᱨᱮᱭᱟᱜ ᱟᱸᱜᱤ ᱵᱷᱟᱨ ᱠᱚ ᱧᱟᱢ ᱞᱮᱫᱟ᱾
ᱱᱚᱝ ᱠᱟᱱ ᱥᱟᱥᱮᱛ ᱛᱟᱞᱟ ᱜᱷᱟᱨᱚᱧ ᱨᱮᱜᱮ ᱦᱟᱨᱟᱜ ᱠᱟᱱ ᱛᱟᱦᱮ ᱵᱟᱭ ᱢᱤᱫ ᱯᱷᱩᱨᱜᱟᱹᱞ ᱯᱷᱟ.ᱠᱲᱟ.ᱜ ᱨᱤᱱᱤᱡ ᱥᱮᱸᱜᱮᱞ ᱠᱩᱲᱤᱫ᱾ ᱡᱟᱦᱟᱭ ᱫᱚ ᱟᱨ ᱠᱚ ᱞᱮᱠᱟ ᱫᱚ ᱤᱝᱨᱮᱡᱽ ᱠᱚᱣᱟᱜ ᱥᱮ ᱥᱩᱫᱽ ᱠᱷᱳᱨ ᱠᱚᱣᱟᱜ ᱥᱟᱥᱮᱛ ᱥᱮᱸᱜᱮᱞ ᱛᱮᱫᱚ ᱵᱟᱝ ᱞᱚ ᱛᱚᱨᱚᱡᱽ ᱠᱟᱛᱮᱜ, ᱚᱱᱟ ᱥᱮᱸᱜᱮᱞ ᱛᱮᱜᱮ ᱟᱨᱦᱚ ᱫᱟᱲᱮ ᱦᱟᱨᱟ ᱤᱫᱤᱜ ᱠᱟᱱ ᱛᱟᱭ ᱛᱟᱦᱮᱡᱽ᱾ ᱱᱚᱣᱟ ᱡᱟᱡᱟᱭ ᱫᱚ ᱱᱤᱛ ᱦᱚ ᱟᱵᱚᱣᱟᱜ ᱢᱚᱱᱮ ᱨᱮ ᱥᱮᱨᱢᱟ ᱨᱮᱱ ᱡᱩᱞᱩᱜ ᱤᱯᱤᱞ ᱞᱮᱠᱟ ᱢᱮᱱᱟᱭ ᱜᱮᱭᱟ ᱡᱮᱸᱜᱮᱫ ᱡᱮᱸᱜᱮᱫ ᱢᱟᱱᱚᱛᱟᱱ ᱛᱤᱞᱠᱟᱹ ᱢᱟ.ᱡᱤ (ᱢᱩᱨᱢᱩ) ᱜᱚᱢᱠᱮ᱾ ᱠᱟ.ᱴᱤᱡ ᱠᱷᱚᱱ ᱜᱮ ᱢᱟᱱᱚᱛᱟᱱ ᱜᱚᱢᱠᱮ ᱫᱚ ᱟᱸᱜ ᱥᱟᱨ ᱢᱩᱴᱤ, ᱥᱮᱸᱫᱽᱨᱟ ᱠᱟᱨᱞᱟ, ᱫᱟᱨᱮ ᱫᱮᱡ ᱠᱚᱨᱮᱜ ᱟᱰᱤ ᱡᱟᱦᱮᱨ ᱮ ᱛᱟᱦᱮ ᱠᱟᱱᱟ᱾ ᱵᱤᱨ ᱵᱩᱨᱩ ᱫᱟᱨᱮ ᱱᱟ.ᱲᱤ ᱛᱮ ᱵᱮᱲᱦᱟᱣ ᱟᱠᱟᱱ ᱛᱤᱞᱚᱠᱯᱩᱨ ᱫᱚ ᱟ.ᱭᱤᱡ ᱡᱟᱱᱟᱢ ᱟᱭᱳ ᱞᱮᱠᱟᱭ ᱢᱟᱱᱟᱣ ᱮ ᱛᱟᱦᱮᱡ᱾ ᱠᱟ.ᱴᱤᱡ ᱠᱷᱚᱱ ᱜᱮ ᱢᱤᱫ ᱯᱷᱩᱨᱜᱟᱹᱞ ᱢᱚᱱᱮ ᱟᱱ ᱦᱚᱲ ᱮ ᱛᱟᱦᱮ ᱠᱟᱱ ᱛᱟᱦᱮᱡ᱾ ᱚᱠᱚᱭᱟᱜ ᱢᱟᱱᱟ ᱵᱟᱨᱚᱱ ᱠᱟᱛᱷᱟ ᱜᱮ ᱵᱟᱭ ᱟᱡᱚᱢ ᱛᱟᱦᱮᱱ ᱾ ᱚᱱᱟᱠᱟ ᱜᱮ ᱡᱚᱠᱷᱚᱱ ᱥᱩᱫᱽᱠᱷᱳᱨ ᱡᱚᱢᱤᱫᱟᱨ ᱥᱮ ᱤᱝᱨᱮᱡᱽ ᱥᱟᱦᱮᱵ ᱠᱚ ᱦᱤᱡᱩᱜ ᱛᱟᱦᱮᱡ ᱩᱱᱠᱩ ᱥᱟᱢᱟᱝ ᱨᱮᱦᱚ ᱛᱤᱥ ᱦᱚ ᱵᱚᱦᱚᱜ ᱫᱚ ᱵᱟᱭ ᱛᱤᱨᱩᱵ ᱞᱮᱫ ᱛᱟᱦᱮ ᱠᱟᱱᱟ᱾ ᱚᱱᱟ ᱠᱷᱟᱛᱤᱨ ᱟ.ᱰᱤ ᱫᱷᱟᱣ ᱫᱟᱞ ᱛᱚᱞ ᱦᱚᱠᱚ ᱫᱟᱞ ᱛᱚᱞ ᱟᱠᱟᱫᱟ ᱛᱟᱦᱮᱱ, ᱢᱮᱱ ᱠᱷᱟᱱ ᱩᱱᱤᱭᱟᱜ ᱢᱚᱪᱟ ᱨᱮᱫᱚ ᱢᱤᱫ ᱴᱟᱝ ᱜᱮ ᱠᱟᱛᱷᱟ ᱠᱟᱴᱷᱟ ᱛᱟᱦᱮ ᱠᱟᱱᱟ— ᱱᱚᱣᱟ ᱦᱟᱥᱟ, ᱦᱚᱭ, ᱫᱟᱜ ᱥᱟᱱᱟᱢ ᱨᱮᱭᱟᱜ ᱜᱮ ᱚᱠᱚᱭ ᱦᱚ ᱢᱟ.ᱞᱤᱠ ᱫᱚ ᱵᱟᱭ ᱦᱳᱭ ᱫᱟᱲᱮᱭᱟᱜ-ᱟ, ᱟᱯᱱᱟᱨ ᱫᱟᱲᱮ ᱛᱮ ᱵᱮᱱᱟ ᱠᱷᱮᱛ ᱟᱨ ᱟᱯᱱᱟᱨ ᱫᱟᱲᱮ ᱛᱮ ᱟᱨᱡᱟᱣ ᱡᱚᱢᱟᱜ ᱪᱮᱛᱟᱱ ᱨᱮᱫᱚ ᱥᱩᱢᱩᱝ ᱟᱯᱱᱟᱨᱟᱜ ᱪᱷᱟᱲᱟ ᱟᱨ ᱚᱠᱚᱭᱟᱜ ᱦᱚ ᱦᱚᱠ ᱟ.ᱭᱫᱟ.ᱨᱤ ᱵᱟᱝ ᱛᱟᱦᱮ ᱫᱟᱲᱮᱭᱟᱜ-ᱟ᱾ ᱟᱯᱮ ᱵᱟᱹᱭᱨᱤ ᱠᱚ ᱦᱮᱡ ᱠᱟᱛᱮᱜ ᱚᱱᱟ ᱚᱛ ᱦᱟᱥᱟ, ᱦᱚᱭ, ᱫᱟᱜ ᱨᱮ ᱟᱯᱮᱭᱟᱜ ᱟ.ᱭᱫᱟ.ᱨᱤ ᱫᱚ ᱤᱧ ᱛᱤᱥ ᱨᱮᱦᱚ ᱵᱟ.ᱧ ᱵᱟᱛᱟᱣ-ᱟ᱾ ᱱᱚᱣᱟ ᱠᱟᱛᱷᱟ ᱤᱝᱨᱮᱡ ᱠᱚ ᱥᱟᱶ ᱟᱡ ᱥᱟᱶ ᱨᱮᱱ ᱦᱚᱲ ᱠᱚᱦᱚᱭ ᱢᱮᱛᱟ ᱠᱚ ᱛᱟᱦᱮᱡ᱾ ᱟᱨ ᱟᱯᱱᱟᱨ ᱦᱚᱠ ᱟ.ᱭᱫᱟ.ᱨᱤ ᱞᱟ.ᱜᱤᱫ ᱞᱟ.ᱲᱦᱟ.ᱭ ᱨᱮᱭᱟᱜ ᱠᱟᱛᱷᱟ ᱠᱚᱦᱚᱭ ᱢᱮᱛᱟ ᱠᱚ ᱛᱟᱦᱮᱱ᱾ ᱢᱮᱱᱠᱟᱷᱟᱱ ᱦᱩᱰᱤᱧ ᱛᱤᱞᱠᱟᱹ ᱟᱜ ᱠᱟᱛᱷᱟ ᱟᱠᱚᱭ ᱦᱚ ᱫᱟᱫᱟᱞ ᱵᱚᱛᱚᱨ ᱛᱮ ᱵᱟᱝ ᱞᱩᱛᱩᱨᱟᱜ ᱛᱟᱦᱮᱡ᱾ ᱩᱞᱴᱟ. ᱛᱤᱞᱠᱟ. ᱜᱮᱠᱚ ᱵᱩᱡᱷᱟᱣ ᱮ ᱛᱟᱦᱮᱡ— ᱵᱟᱵᱩ ᱠᱟ.ᱴᱤᱡ ᱜᱮᱭᱟᱢ ᱛᱚ ᱵᱟᱢ ᱵᱩᱡᱽ ᱫᱟᱲᱮᱭᱟᱜ ᱠᱟᱱᱟ, ᱩᱱᱠᱩ ᱫᱚᱠᱚ ᱫᱟᱲᱮ ᱟᱱᱟᱜ-ᱟ, ᱩᱱᱠᱩ ᱴᱷᱮᱱ ᱫᱚ ᱥᱮᱸᱜᱮᱞ ᱴᱩᱴᱤ ᱠᱚ ᱢᱮᱱᱟᱜ ᱟᱠᱟᱫᱟ᱾ ᱩᱱᱠᱩ ᱥᱟᱶ ᱞᱟ.ᱲᱦᱟ.ᱭ ᱠᱟᱛᱮᱜ ᱫᱚ ᱛᱤᱥ ᱦᱚ ᱵᱟᱝ ᱵᱚᱱ ᱡᱤᱛᱠᱟ.ᱨ ᱫᱟᱲᱮᱭᱟᱜ-ᱟ᱾
ᱱᱟᱝᱠᱟ ᱠᱟᱛᱷᱟ ᱟᱡᱚᱢ ᱟᱡᱚᱢ ᱛᱮᱜᱮ ᱛᱤᱞᱠᱟᱹᱭ ᱦᱟᱨᱟ ᱤᱫᱤᱜ ᱠᱟᱱ ᱛᱟᱦᱮᱱ ᱾ ᱢᱮᱱ ᱠᱷᱟᱱ ᱦᱚᱲᱟᱜ ᱠᱟᱛᱷᱟ ᱛᱮ ᱛᱤᱥ ᱨᱮ ᱤᱝᱨᱮᱡᱽ ᱥᱩᱫᱽ ᱠᱷᱳᱨ ᱥᱮ ᱢᱚᱦᱟ ᱡᱚᱱ ᱠᱚ ᱥᱟᱢᱟᱝ ᱨᱮ ᱵᱚᱦᱚᱜ ᱫᱚ ᱵᱟᱝ ᱜᱮᱭ ᱛᱤᱨᱩᱵ ᱞᱮᱫ ᱛᱟᱭᱟ᱾ ᱟᱫᱚ ᱡᱚᱠᱷᱚᱱ ᱮ ᱡᱩᱣᱟᱹᱱ ᱮᱱᱟ, ᱟᱛᱳ ᱦᱚᱲ ᱠᱚ ᱵᱟ.ᱜᱤ ᱠᱟᱛᱮᱜ ᱟᱡ ᱨᱮᱱ ᱜᱮ ᱜᱟᱛᱮ ᱠᱚ ᱟᱭᱟᱜ ᱠᱟᱛᱷᱟ ᱠᱚ ᱵᱩᱡᱷᱟᱣ ᱨᱮᱭᱟᱜ ᱮ ᱨᱤᱠᱟ. ᱠᱮᱫᱟ᱾ ᱟᱨ ᱳᱠᱳ ᱛᱮ ᱢᱤᱫ ᱜᱟᱫᱮᱞ ᱮ ᱛᱮᱭᱟᱨ ᱠᱮᱫᱟ ᱤᱝᱨᱮᱡ ᱠᱚ ᱵᱤᱨᱩᱫᱽ ᱨᱮ ᱯᱟ.ᱭᱲᱤ ᱞᱟᱦᱟ ᱞᱟ.ᱜᱤᱫ᱾ ᱟᱨ ᱴᱷᱤᱠ ᱱᱚᱝᱠᱟᱱ ᱚᱠᱛᱚ ᱨᱮᱜᱮ ᱯᱟᱲᱟᱣ ᱞᱮᱱᱟ ᱢᱤᱫ ᱟᱠᱟᱞ᱾ ᱡᱟᱦᱟ ᱫᱚ ᱱᱟᱜᱟᱢ ᱨᱮ “ᱪᱷᱤᱭᱟᱛᱛᱳᱨ ᱮᱨ ᱢᱚᱱᱱᱚᱱᱛᱟᱨ” ᱦᱚᱠᱚ ᱢᱮᱛᱟᱜ ᱠᱟᱱᱟ᱾ ᱚᱱᱟ ᱟᱠᱟᱞ ᱨᱮ ᱫᱟᱜ ᱜᱮ ᱢᱤᱫ ᱴᱷᱚᱯ ᱦᱚ ᱵᱟᱭ ᱫᱟᱜ ᱞᱮᱫᱟ, ᱚᱱᱟᱛᱮ ᱵᱟ.ᱫ ᱵᱟ.ᱭᱦᱟ.ᱲ ᱠᱚ ᱨᱚᱦᱚᱲ ᱪᱟᱴᱟᱝ ᱜᱮ ᱛᱟᱦᱮᱭᱮᱱᱟ᱾ ᱡᱚᱢᱟᱜ ᱧᱩᱭᱟᱜ ᱨᱮᱭᱟᱜ ᱟ.ᱰᱤ ᱟᱱᱟᱴ ᱥᱤᱨᱡᱟ.ᱣ ᱮᱱᱟ᱾ ᱢᱮᱱ ᱠᱷᱟᱱ ᱱᱚᱝᱠᱟᱱ ᱚᱠᱛᱚ ᱨᱮᱦᱚ ᱵᱨᱤᱴᱤᱥ ᱨᱟᱯᱟᱡ ᱠᱚᱨ ᱦᱟᱛᱟᱣ ᱫᱚ ᱵᱟᱭ ᱵᱟ.ᱜᱤ ᱞᱮᱫᱟ᱾ ᱚᱲᱟᱜ ᱨᱮ ᱡᱟᱜᱮ ᱛᱟᱦᱮ ᱠᱟᱱ ᱵᱟᱺᱫᱤ ᱦᱳᱲᱳ ᱦᱚ ᱵᱚᱜᱚᱡ ᱠᱟᱛᱮᱜ ᱠᱚ ᱤᱫᱤ ᱠᱮᱫᱟ, ᱜᱚᱲᱟ ᱨᱮᱱ ᱥᱤᱢ ᱥᱩᱠᱨᱤ ᱦᱚᱠᱚ ᱤᱫᱤ ᱠᱮᱫ ᱠᱚᱣᱟ᱾ ᱡᱟᱦᱟᱭᱟᱜ ᱪᱮᱫ ᱜᱮ ᱵᱟ.ᱱᱩᱜ ᱩᱱᱤᱭᱟᱜ ᱫᱚ ᱦᱟᱥᱟ ᱡᱟᱭᱜᱟ ᱦᱚ ᱫᱠᱷᱚᱞ ᱠᱮᱫᱟ᱾ ᱛᱤᱨᱞᱟ. ᱠᱚ ᱪᱮᱛᱟᱱ ᱢᱟ ᱦᱚᱲ ᱥᱟᱢᱟᱝ ᱨᱮ ᱜᱮ ᱵᱟ.ᱲᱤᱡ ᱠᱚ ᱠᱟ.ᱢᱤ ᱠᱮᱫᱟ᱾ ᱚᱲᱟᱜ ᱫᱩᱣᱟ.ᱨ ᱠᱚᱦᱚ ᱥᱮᱸᱜᱮᱞ ᱠᱚ ᱫᱷᱚᱨᱟᱣ ᱟᱫᱟ᱾
ᱱᱚᱝ ᱠᱟᱱ ᱦᱟᱞᱚᱛ ᱧᱮᱞ ᱠᱟᱛᱮᱜ ᱟᱫᱚ ᱛᱤᱞᱠᱟ. ᱵᱟᱭ ᱛᱟᱦᱮ ᱫᱟᱲᱮ ᱟᱫᱟ᱾ ᱚᱱᱟ ᱛᱮ ᱢᱤᱫ ᱧᱤᱫᱟ. ᱟᱡ ᱥᱟᱶᱛᱮ ᱟᱡ ᱨᱮᱱ ᱜᱟᱫᱮᱞ ᱠᱚᱲᱟ ᱠᱚ ᱟᱜ ᱥᱟᱨ ᱠᱟ.ᱯᱤ ᱥᱟᱵ ᱠᱟᱛᱮᱜ ᱛᱮᱭᱟᱨ ᱛᱟᱦᱮᱱ ᱮ ᱢᱮᱛᱟᱜ ᱠᱚᱣᱟ ᱟᱨ ᱥᱩᱞᱛᱟᱱ ᱜᱚᱧ ᱨᱤᱱᱤᱡ ᱡᱚᱢᱤᱫᱟᱨᱟᱜ ᱚᱲᱟᱜ ᱠᱷᱚ ᱦᱳᱲᱳ ᱪᱟᱣᱞᱮ ᱠᱚ ᱠᱳᱢᱲᱳ ᱟ.ᱜᱩ ᱠᱮᱫᱟ᱾ ᱟᱨ ᱚᱱᱟ ᱟᱲᱮ ᱯᱟᱥᱮ ᱨᱮᱱ ᱥᱟᱱᱟᱢ ᱨᱮᱸᱜᱮᱡ ᱦᱚᱲ ᱠᱚ ᱫᱟᱱ ᱟᱫ ᱠᱚᱣᱟ᱾ ᱱᱚᱣᱟ ᱜᱷᱚᱴᱚᱱ ᱛᱟᱭᱱᱚᱢ ᱠᱷᱚᱱ ᱜᱮ ᱚᱱᱟ ᱟᱲᱮ ᱯᱟᱥᱮ ᱨᱮᱱ ᱦᱚᱲ ᱠᱚ ᱴᱷᱮᱱ ᱛᱤᱞᱠᱟᱹ ᱫᱚ ᱵᱚᱸᱜᱟ ᱞᱮᱠᱟ ᱠᱚ ᱢᱟᱱᱟᱣ ᱵᱟᱛᱟᱣ ᱠᱮᱫᱮᱭᱟ᱾ ᱟᱨ ᱪᱮᱫᱟᱜ ᱜᱮ ᱵᱟᱝ ᱵᱚᱸᱜᱟ ᱞᱮᱠᱟ ᱠᱚ ᱵᱟᱛᱟᱣ ᱮᱭᱟ, ᱡᱟᱦᱟᱭ ᱫᱩᱠ-ᱥᱩᱠ ᱨᱮᱭ ᱥᱳᱨᱳᱜᱼᱟ, ᱨᱮᱸᱜᱮᱡ ᱛᱮᱛᱟᱝ ᱮ ᱢᱟᱨᱚᱛᱟ ᱩᱱᱤ ᱜᱮᱛᱚ ᱵᱚᱸᱜᱟ ᱫᱚ᱾ ᱟᱫᱚ ᱱᱟᱥᱮ ᱱᱟᱥᱮ ᱛᱮ ᱟᱨ ᱦᱚ ᱟᱭᱢᱟ ᱦᱚᱲ ᱠᱚ ᱛᱤᱞᱠᱟ. ᱥᱟᱶ ᱡᱚᱯᱲᱟᱣ ᱮᱱᱟ᱾ ᱟᱨ ᱧᱤᱫᱟ. ᱧᱤᱫᱟ. ᱡᱚᱢᱤᱫᱟᱨ ᱢᱚᱦᱟᱡᱚᱱ ᱠᱚ ᱴᱷᱮᱱ ᱠᱷᱚᱱ ᱦᱳᱲᱳ ᱪᱟᱣᱞᱮ ᱠᱚ ᱠᱳᱸᱰᱲᱳᱭᱟ ᱟᱨ ᱨᱮᱸᱜᱮᱡ ᱦᱚᱲ ᱠᱚ ᱢᱮᱱ ᱠᱚ ᱫᱟᱱ ᱦᱚᱴᱚ ᱠᱟᱜ ᱛᱟᱦᱮᱡ᱾ ᱥᱟᱶᱛᱮ ᱦᱚᱨ ᱵᱤᱨ ᱡᱟᱦᱟᱭ ᱤᱝᱨᱮᱡ ᱠᱚ ᱠᱚ ᱪᱟᱞᱟᱜ ᱦᱤᱡᱩᱜ ᱛᱟᱦᱮᱡ ᱩᱱᱠᱩ ᱠᱚ ᱥᱟᱨ, ᱠᱟ.ᱯᱤ ᱠᱚ ᱛᱮᱠᱚ ᱢᱟᱜ ᱜᱚᱡᱮᱜ ᱠᱚ ᱛᱟᱦᱮᱱ᱾ ᱫᱤᱱ ᱫᱤᱱ ᱛᱮ ᱤᱝᱨᱮᱡᱽ ᱠᱚᱦᱚ ᱟᱫᱚ ᱛᱤᱞᱠᱟ. ᱥᱟᱵ ᱞᱟ.ᱜᱤᱫ ᱯᱟ.ᱭᱲᱤ ᱠᱚ ᱞᱟᱦᱟ ᱠᱮᱫᱟ᱾ ᱯᱩᱞᱤᱥᱟᱜ ᱠᱷᱟᱛᱟ ᱨᱮ ᱧᱩᱛᱩᱢ ᱨᱟᱠᱟᱵ ᱮᱱ ᱛᱟᱭᱟ ᱛᱤᱞᱠᱟ ᱢᱟ.ᱡᱤ ᱢᱮᱱᱛᱮ᱾ ᱪᱮᱫᱟᱜ ᱥᱮ ᱛᱤᱞᱠᱟ. ᱟᱯᱟᱫ ᱛᱮᱫ ᱫᱚ ᱛᱤᱞᱚᱠ ᱯᱩᱨ ᱨᱮᱱ ᱢᱟ.ᱡᱷᱤᱭ ᱛᱟᱦᱮ ᱠᱟᱱᱟ᱾ ᱥᱟᱶᱛᱮ ᱤᱝᱨᱮᱡᱽ ᱠᱚ ᱴᱷᱮᱱ ᱫᱚ ᱢᱤᱫ ᱰᱟ.ᱠᱟ.ᱛ ᱞᱮᱠᱟ ᱛᱮᱭ ᱩᱯᱨᱩᱢ ᱮᱱᱟ᱾ ᱯᱩᱞᱤᱥ ᱟᱭᱢᱟ ᱵᱟᱨ ᱠᱚ ᱪᱮᱥᱴᱟ ᱠᱮᱫᱟ ᱢᱮᱱ ᱠᱷᱟᱱ ᱛᱤᱞᱠᱟ. ᱵᱟᱝ ᱠᱚ ᱥᱟᱵ ᱫᱟᱲᱮ ᱟᱫᱮᱭᱟ᱾ ᱚᱱᱟ ᱛᱟᱭᱚᱢ ᱑᱓ ᱡᱟᱱᱩᱣᱟᱨᱤ ᱑᱗᱘᱔ ᱨᱮ ᱵᱷᱟᱜᱚᱞ ᱯᱩᱨ ᱡᱮᱞᱟ ᱨᱮ ᱱᱟᱣᱟ ᱠᱟᱞᱮᱠᱴᱳᱨ ᱮ ᱵᱟᱦᱟᱞ ᱮᱱᱟ Agustin Clivlend( ᱚᱜᱟᱥᱴᱤᱱ ᱠᱞᱤᱵᱷᱞᱮᱱᱰ )᱾ ᱩᱱᱤ ᱦᱮᱡ ᱛᱟᱭᱚᱢ ᱵᱷᱟᱜᱚᱞ ᱯᱩᱨ ᱡᱤᱞᱟ ᱨᱮᱭᱟᱜ ᱟᱛᱳ ᱟᱛᱳ ᱨᱮ ᱤᱝᱨᱮᱡᱽ ᱵᱟᱦᱤᱱᱤ ᱠᱚ ᱛᱮᱱᱟᱛ ᱠᱮᱜ ᱠᱚᱣᱟ, ᱚᱱᱟ ᱛᱮ ᱚᱫᱚ ᱛᱤᱞᱠᱟ. ᱥᱟᱶᱛᱮ ᱟᱡ ᱨᱮᱱ ᱜᱚᱲᱚ ᱠᱚᱣᱟᱜ ᱠᱟ.ᱢᱤ ᱨᱮ ᱟᱡᱷᱟᱴ ᱥᱤᱨᱡᱟ.ᱭ ᱮᱱᱟ᱾ ᱟᱨ ᱱᱚᱛᱮ ᱟᱛᱳ ᱨᱮᱱ ᱦᱚᱲ ᱠᱚ ᱫᱟᱞ ᱛᱚᱞ ᱠᱟᱛᱮᱜ ᱛᱤᱞᱠᱟ. ᱥᱟᱵ ᱨᱮᱭᱟᱜ ᱠᱩᱨᱩ ᱢᱩᱴᱩ ᱦᱚ ᱮᱛᱚᱦᱚᱵ ᱠᱮᱫᱟ ᱠᱚ ᱤᱝᱨᱮᱡ ᱠᱚ᱾ ᱱᱚᱝᱠᱟᱱ ᱚᱠᱛᱚ ᱨᱮ ᱛᱤᱞᱠᱟ. ᱨᱮᱱ ᱜᱟᱛᱮ ᱠᱚ ᱳᱠᱳ ᱛᱟᱦᱮ ᱨᱮᱱᱟᱜ ᱥᱩᱡᱷᱟ.ᱣ ᱠᱚ ᱮᱢᱟ ᱟᱫᱮᱭᱟ᱾ ᱢᱮᱱ ᱠᱷᱟᱱ ᱛᱤᱞᱠᱟ. ᱩᱱᱠᱩᱣᱟᱜ ᱠᱟᱛᱷᱟ ᱵᱟᱭ ᱟᱡᱚᱢ ᱞᱮᱫᱟ, ᱢᱮᱛᱟᱫ ᱠᱚᱣᱟᱜ ᱟᱞᱚᱯᱮ ᱦᱤᱲᱤᱧᱟ ᱱᱚᱣᱟ ᱫᱷᱤᱨᱤ ᱫᱟᱨᱮ ᱰᱤᱨ ᱜᱟᱡᱟᱲ ᱱᱚᱣᱟ ᱫᱚ ᱤᱧᱟ.ᱜ ᱚᱲᱟᱜ ᱠᱟᱱᱟ ᱤᱧᱟ.ᱜ ᱥᱤᱢᱟ. ᱠᱟᱱᱟ᱾ ᱟᱨ ᱤᱧᱟ.ᱜ ᱥᱤᱢᱟ. ᱜᱟᱱᱟᱰᱤ ᱨᱮ ᱩᱱᱠᱩ ᱤᱝᱨᱮᱡᱽ ᱠᱚᱠᱚ ᱦᱮᱡ ᱟᱠᱟᱱᱟ ᱚᱱᱟ ᱛᱮ ᱩᱱᱠᱩ ᱳᱠᱳ ᱨᱮ ᱛᱟᱦᱮᱱ ᱢᱮᱛᱟ ᱠᱳᱯᱮ ᱤᱧ ᱫᱚ ᱟᱞᱚᱯᱮ ᱢᱮᱛᱟᱧᱟ᱾ ᱚᱱᱟ ᱛᱟᱭᱚᱢ ᱢᱤᱫ ᱫᱤᱱ ᱦᱤᱞᱳᱜ ᱡᱚᱠᱷᱚᱱ ᱠᱟᱞᱮᱠᱴᱳᱨ ᱠᱞᱤᱵᱷᱞᱮᱱᱰ ᱥᱟᱫᱚᱢ ᱜᱟᱲᱤ ᱨᱮ ᱫᱮᱡ ᱠᱟᱛᱮᱜ ᱴᱚᱞᱦᱟᱜᱼ ᱮ ᱦᱤᱡᱩᱜ ᱠᱟᱱ ᱛᱟᱦᱮᱡ᱾ ᱚᱱᱟᱠᱟᱱ ᱚᱠᱛᱚ ᱨᱮ ᱛᱤᱞᱠᱟ. ᱫᱚ ᱛᱟᱞᱮ ᱫᱟᱨᱮ ᱪᱚᱴ ᱨᱮ ᱫᱮᱡ ᱠᱟᱛᱮᱜ, ᱢᱤᱫ ᱵᱤᱥ ᱢᱮᱥᱟ ᱥᱟᱨ ᱛᱮ ᱠᱟᱞᱮᱠᱴᱚᱨ ᱠᱞᱤᱵᱷᱞᱮᱱᱰ-ᱮ ᱴᱩᱴᱤ ᱜᱚᱡ ᱠᱮᱫᱮᱭᱟ᱾
ᱱᱚᱣᱟ ᱜᱷᱚᱴᱚᱱ ᱜᱷᱚᱴᱚᱱ ᱛᱟᱭᱚᱢ ᱤᱝᱨᱮᱡᱽ ᱠᱚ ᱛᱟᱞᱟ ᱨᱮ ᱢᱤᱫ ᱠᱷᱟ.ᱞ ᱵᱟ.ᱞᱤ ᱢᱟᱪᱟᱣ ᱮᱱᱟ᱾ ᱢᱤᱫ ᱴᱟᱝ ᱵᱤᱨ ᱜᱟᱡᱟᱲ ᱨᱤᱱᱤᱡ ᱡᱚᱝᱞᱤ ᱤᱝᱨᱮᱡᱽ ᱠᱚ ᱥᱩᱠᱛᱮ ᱥᱟᱦᱮᱫ ᱦᱟᱛᱟᱣ ᱦᱚᱭ ᱵᱟ.ᱜᱤ ᱦᱚᱪᱚ ᱟᱠᱟᱫ ᱠᱚᱣᱟ᱾ ᱱᱚᱣᱟ ᱧᱮᱞ ᱠᱟᱛᱮᱜ ᱤᱝᱨᱮᱡᱽ ᱟᱠᱟᱣᱟᱜ “ᱰᱤᱵᱷᱟᱭᱰᱮᱰ ᱮᱱᱰ ᱨᱩᱞ” ᱢᱮᱱ ᱫᱚ ᱤᱝᱨᱮᱡᱽ ᱠᱚ ᱵᱟᱲᱟᱭ ᱛᱟᱦᱮᱱ ᱢᱤᱫ ᱵᱳᱡᱷᱟ ᱞᱟ.ᱴᱷᱤ ᱨᱟ.ᱯᱩᱫ ᱫᱚ ᱟ.ᱰᱤ ᱟᱡᱷᱟᱴ ᱜᱮᱭᱟ ᱚᱱᱟ ᱛᱮ ᱩᱱᱠᱩᱣᱟᱜ ᱡᱩᱢᱤᱫ ᱫᱟᱲᱮ ᱵᱷᱟᱸᱜᱚᱲ ᱦᱩᱭᱩᱜ-ᱟ᱾ ᱟᱨ ᱡᱮᱦᱮᱛᱩ ᱤᱝᱨᱮᱡᱽ ᱠᱚ ᱫᱟᱲᱮ ᱩᱫᱩᱜ ᱠᱟᱛᱮᱜ ᱟ.ᱫᱤᱵᱟ.ᱥᱤ ᱦᱚᱲ ᱠᱚ ᱫᱚ ᱛᱤᱞᱠᱟ. ᱢᱟ.ᱡᱷᱤ ᱟᱜ ᱠᱟᱛᱷᱟ ᱵᱟᱝ ᱠᱚ ᱞᱮᱭᱟ᱾ ᱚᱱᱟ ᱛᱮ ᱟᱫᱚ ᱟ.ᱫᱤᱵᱟ.ᱥᱤ ᱠᱚ ᱦᱟᱱᱟ ᱱᱟᱣᱟ ᱞᱳᱵᱷ ᱠᱚ ᱮᱢᱟᱫ ᱠᱚᱣᱟ᱾ ᱟᱨ ᱱᱚᱣᱟ ᱡᱷᱟ.ᱞᱤ ᱨᱮ ᱥᱟ.ᱨᱤᱜᱮ ᱛᱤᱞᱠᱟᱹ ᱢᱟᱡᱷᱤ ᱨᱮᱱ ᱢᱤᱫ ᱜᱚᱲᱚᱭᱤᱡ ᱫᱚ ᱯᱟ.ᱭᱲᱤᱭ ᱞᱮᱵᱮᱫ ᱞᱮᱫᱟ᱾ ᱧᱩᱛᱩᱢ ᱠᱚᱫᱚ ᱵᱟᱝ ᱵᱟᱰᱟᱭ ᱠᱟᱱ ᱨᱮᱦᱚ ᱩᱱᱤ ᱜᱟᱫᱽᱫᱟᱨ ᱜᱮ ᱤᱝᱨᱮᱡ ᱠᱚᱭ ᱞᱮᱭ ᱟᱫ ᱠᱚ ᱛᱟᱦᱮᱡ ᱛᱤᱞᱠᱟᱹ ᱢᱟ.ᱡᱷᱤ ᱚᱠᱟ ᱨᱮᱭ ᱰᱮᱨᱟ ᱟᱠᱟᱱᱟ᱾ ᱵᱟᱰᱟᱭ ᱛᱚᱨᱟ ᱤᱝᱨᱮᱡ ᱠᱚ ᱚᱱᱟ ᱰᱩᱝᱨᱤ ᱜᱚᱴᱟ ᱥᱮᱫ ᱛᱮᱠᱚ ᱜᱷᱮᱨᱟᱣ ᱮᱥᱮᱫ ᱠᱮᱫᱟ ᱟᱨ ᱵᱟᱦᱮᱨ ᱠᱷᱚᱱ ᱢᱤᱫ ᱴᱟᱝ ᱦᱚ ᱦᱚᱲ ᱵᱟᱝ ᱠᱚ ᱵᱚᱞᱚ ᱦᱚᱪᱚ ᱟᱫ ᱠᱚᱣᱟ᱾ ᱡᱟᱦᱟ ᱠᱷᱟ.ᱛᱤᱨ ᱛᱤᱞᱠᱟ. ᱢᱟᱡᱷᱤ ᱵᱟᱦᱮᱨ ᱨᱮᱭᱟᱜ ᱪᱮᱫ ᱠᱷᱚᱵᱚᱨ ᱦᱚ ᱵᱟᱭ ᱧᱟᱢ ᱫᱟᱲᱮ ᱟᱫᱟ᱾ ᱟᱨ ᱵᱟᱦᱮᱨ ᱠᱷᱚᱱ ᱦᱚᱲ ᱵᱟᱝ ᱠᱚ ᱪᱟᱞᱟᱣ ᱫᱟᱲᱮᱭᱟᱜ ᱠᱟᱱ ᱠᱷᱟ.ᱛᱤᱨ ᱡᱚᱢᱟᱜ ᱨᱮᱭᱟᱜ ᱦᱚ ᱟᱱᱟᱴ ᱯᱟᱲᱟᱣ ᱟᱫᱮᱭᱟ᱾ ᱟᱫᱟ ᱞᱟᱡ ᱡᱟᱞᱟᱛᱮ ᱡᱚᱠᱷᱚᱡ ᱵᱩᱨᱩ ᱰᱩᱝᱨᱤ ᱠᱷᱚᱱ ᱞᱟᱛᱟᱨ ᱛᱮᱭ ᱟ.ᱲᱜᱳ ᱦᱮᱡ ᱮᱱᱟ ᱩᱱ ᱡᱚᱦᱚᱜ ᱤᱝᱨᱮᱡᱽ ᱠᱚ ᱴᱷᱮᱱ ᱮ ᱥᱟᱵ ᱦᱚᱪᱚᱭᱮᱱᱟ᱾ ᱤᱝᱨᱮᱡᱽ ᱛᱤᱞᱠᱟ. ᱢᱟ.ᱡᱷᱤ ᱥᱟᱵ ᱠᱟᱛᱮᱜ ᱥᱟᱫᱚᱢ ᱛᱮ ᱜᱚᱦᱚᱲ ᱜᱚᱦᱚᱲ ᱛᱮ ᱥᱩᱞᱛᱟᱱ ᱜᱚᱧ ᱠᱷᱚᱱ ᱵᱷᱟᱜᱚᱞ ᱯᱩᱨ ᱛᱮᱠᱚ ᱤᱫᱤ ᱞᱮᱫᱮᱭᱟ᱾ ᱢᱟᱭᱟᱢ ᱛᱮ ᱡᱷᱤᱨᱚ ᱡᱷᱚᱨᱚ ᱛᱤᱞᱠᱟ. ᱜᱚᱦᱚᱲ ᱪᱟᱞᱟᱜ ᱠᱟᱱᱟ, ᱛᱟᱭᱚᱢ ᱛᱮ ᱛᱟᱢᱟᱢ ᱟ.ᱫᱤ ᱵᱟ.ᱥᱤ ᱫᱟ.ᱲ ᱤᱫᱤᱭᱮᱫᱟ᱾ ᱥᱟᱱᱟᱢ ᱠᱚᱣᱟᱜ ᱢᱮᱫ ᱠᱷᱚᱱ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱᱟ᱾ ᱵᱷᱟᱜᱚᱞ ᱯᱩᱨ ᱛᱤᱭᱳᱜ ᱠᱟᱛᱮᱜ ᱥᱟᱱᱟᱢ ᱦᱚᱲ ᱠᱚ ᱥᱟᱢᱟᱝ ᱛᱤᱞᱠᱟᱹ ᱠᱚ ᱩᱠᱷᱲᱩᱢ ᱦᱚᱪᱚ ᱠᱮᱫᱟᱭᱟ᱾ ᱢᱮᱱ ᱠᱷᱟᱱ ᱜᱚᱴᱟ ᱦᱚᱲᱢᱚ ᱯᱳᱴᱳᱨ ᱟᱠᱟᱱ, ᱫᱷᱤᱨᱤ ᱛᱮ ᱜᱮᱫ ᱟᱠᱟᱱ ᱢᱟᱭᱟᱢ ᱛᱮ ᱡᱷᱤᱨᱚ ᱡᱷᱚᱨᱚ ᱛᱤᱞᱠᱟ. ᱩᱱ ᱠᱷᱮᱯᱟ ᱞᱮᱠᱟᱭ ᱞᱟᱸᱫᱟᱭᱮᱫ ᱛᱟᱦᱮᱡ᱾ ᱩᱱᱤᱭᱟᱜ ᱞᱟᱸᱫᱟ ᱨᱮᱱᱟᱜ ᱚᱡᱮ ᱤᱝᱨᱮᱡ ᱠᱚ ᱵᱟᱝ ᱠᱚ ᱵᱩᱡᱷᱟᱣ ᱮᱫ ᱛᱟᱦᱮᱫ᱾ ᱟ.ᱰᱤ ᱡᱳᱨ ᱠᱚ ᱫᱟᱞ ᱠᱮᱫᱮᱭᱟ ᱮᱱ ᱨᱮᱦᱚ ᱛᱤᱞᱠᱟ. ᱢᱟ.ᱷᱤ ᱞᱟᱸᱫᱟ ᱵᱟᱭ ᱛᱷᱟ.ᱠᱤᱫ ᱞᱮᱫᱟ᱾ ᱩᱱ ᱨᱮ ᱢᱤᱫ ᱚᱯᱷᱤᱥᱟᱨ ᱮ ᱠᱩᱞᱤ ᱞᱮᱫᱮᱭᱟ ᱪᱮᱫ ᱨᱮᱱᱟᱜ ᱮᱢ ᱞᱟᱸᱫᱟ ᱭᱮᱫᱟ? ᱧᱮᱞ ᱠᱚᱢ ᱡᱟᱦᱟᱭ ᱠᱚ ᱞᱟ.ᱜᱤᱫ ᱩᱱ ᱫᱤᱱᱮᱢ ᱦᱟᱨᱠᱮᱛ ᱮᱱ ᱩᱱᱠᱩ ᱨᱮᱱ ᱜᱮ ᱢᱤᱫ ᱦᱚᱲ ᱠᱷᱟᱹᱛᱤᱨ ᱛᱮᱦᱮᱧ ᱟᱢᱞᱮ ᱫᱟᱲᱮ ᱟᱠᱟᱫ ᱢᱮᱭᱟ᱾ ᱡᱟᱦᱟᱭ ᱠᱚ ᱱᱩᱱᱟᱹᱜ ᱫᱤᱱ ᱟᱞᱮ ᱥᱟᱶ ᱞᱟ.ᱲᱦᱟ.ᱭ ᱨᱟᱭᱜ ᱫᱟᱲᱮᱢ ᱟᱨᱡᱟᱣ ᱟᱫ ᱠᱚ ᱛᱟᱦᱮᱡ ᱧᱮᱞ ᱚᱠᱟ ᱞᱮᱫᱟ ᱨᱟ.ᱯᱩᱫ ᱠᱟᱛᱮᱜ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱ ᱛᱟᱠᱚᱣᱟ᱾ ᱟᱯᱮ ᱵᱤᱨ ᱡᱚᱝᱞᱤ ᱦᱚᱲ ᱟᱞᱮ ᱞᱮᱠᱟᱱ ᱥᱤᱠᱠᱷᱤᱛᱚ ᱦᱚᱲ ᱴᱷᱮᱱ ᱫᱟᱥ ᱜᱮᱞᱮ ᱥᱟᱡᱟᱜ-ᱟ᱾ ᱮᱱ ᱨᱮᱦᱚ ᱛᱤᱞᱠᱟ. ᱢᱟ.ᱡᱷᱤ ᱫᱚ ᱠᱷᱮᱯᱟ ᱞᱮᱠᱟᱭ ᱞᱟᱸᱫᱟᱭᱮᱫ ᱜᱤᱭᱟ.᱾ ᱟᱨ ᱦᱚ ᱠᱟ.ᱴᱤᱡ ᱫᱟᱞ ᱠᱟᱛᱮᱜ ᱠᱩᱞᱤ ᱨᱩᱣᱟ.ᱲ ᱠᱮᱫᱮᱭᱟᱭ— ᱪᱮᱫ ᱞᱟ.ᱜᱤᱫ ᱮᱢ ᱞᱟᱸᱫᱟᱭᱮᱫᱟ ᱱᱚᱝ ᱞᱮᱭ ᱢᱮ!
ᱩᱱ ᱨᱮ ᱛᱤᱞᱠᱟ. ᱢᱟᱡᱷᱤ ᱛᱮᱞᱟᱭ ᱨᱩᱣᱟ.ᱲ ᱞᱮᱫᱟ— ᱢᱮᱫ ᱫᱟᱜ? ᱢᱮᱫ ᱫᱟᱜ ᱫᱚ ᱵᱟᱝ ᱠᱟᱱᱟ ᱚᱯᱷᱤᱥᱟᱨ ᱥᱮᱸᱜᱮᱞ ᱠᱟᱱᱟ ᱥᱮᱸᱜᱮᱞ ᱾ ᱤᱧ ᱫᱩᱠ ᱤᱧ ᱟ.ᱭᱠᱟ.ᱣ ᱡᱩᱫᱤ ᱤᱧ ᱱᱚᱝ ᱠᱟᱧ ᱠᱟᱱᱟ ᱯᱮ ᱧᱮᱞ ᱛᱮ, ᱟᱯᱮ ᱴᱷᱮᱱ ᱡᱩᱫᱤ ᱛᱤᱨᱩᱵ ᱠᱟᱛᱮᱜ ᱤᱧᱟ.ᱜ ᱨᱤᱦᱟ.ᱭ ᱨᱮᱱᱟᱜ ᱠᱚ ᱠᱷᱚᱡ ᱠᱮᱭᱟ᱾ ᱢᱮᱱ ᱠᱷᱟᱱ ᱧᱮᱞ ᱠᱚᱢ ᱵᱷᱟᱜᱮ ᱴᱷᱤᱠ ᱧᱮᱞ ᱠᱚᱢ , ᱱᱩᱠᱩ ᱛᱟᱢᱟᱢ ᱦᱚᱲᱟᱜ ᱢᱮᱫ ᱨᱮ ᱢᱮᱫ ᱫᱟᱜ ᱢᱮᱱᱟᱜ-ᱟ ᱢᱮᱱ ᱠᱷᱟᱱ ᱩᱱᱠᱩᱣᱟᱜ ᱢᱮᱫ ᱨᱮ ᱥᱮᱸᱜᱮᱞ ᱨᱟᱠᱟᱵ ᱟᱠᱟᱱᱟ ᱥᱮᱸᱜᱮᱞ᱾ ᱦᱩᱞ ᱨᱮᱭᱟᱜ ᱥᱮᱸᱜᱮᱞ! ᱯᱷᱩᱨᱜᱟᱹᱞᱚᱜ ᱨᱟᱭᱟᱜ ᱥᱮᱸᱜᱮᱞ ᱾ ᱞᱮᱭ ᱠᱟᱛᱮᱜ ᱟᱨ ᱦᱚ ᱠᱷᱮᱯᱟ ᱞᱮᱠᱟᱭ ᱞᱟᱸᱫᱟᱭᱟ᱾ ᱯᱩᱨᱟ.ᱣ ᱟᱠᱟᱱᱟ ᱯᱩᱨᱟ.ᱣ ᱟᱠᱟᱱᱟ ᱤᱧᱟᱜ ᱠᱩᱠᱢᱩ ᱯᱩᱨᱟ.ᱣ ᱟᱠᱟᱱᱟ᱾ ᱢᱮᱱ ᱠᱟᱛᱮᱜ ᱜᱮ ᱛᱤᱞᱠᱟ. ᱢᱟ.ᱡᱷᱤ ᱛᱟᱢᱟᱢ ᱦᱚᱲ ᱥᱟᱢᱟᱝ ᱨᱮ ᱑᱓ ᱡᱟᱱᱩᱣᱟᱨᱤ ᱑᱗᱘᱕ ᱨᱮ ᱦᱚᱴᱚᱜ ᱨᱮ ᱵᱟᱵᱮᱨ ᱠᱚ ᱢᱟᱞᱟ ᱟᱫᱮᱭᱟ᱾ ᱚᱱᱟ ᱧᱮᱞ ᱠᱟᱛᱮᱜ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱢᱮᱫ ᱨᱮ ᱢᱮᱫ ᱫᱟᱜ ᱦᱮᱡ ᱞᱮᱱ ᱨᱮᱦᱚ, ᱢᱚᱱᱮᱨᱮ ᱩᱱᱤᱭᱟᱜ ᱠᱟᱛᱷᱟ ᱛᱚᱞ ᱠᱟᱛᱮ ᱦᱩᱞ ᱥᱮᱸᱜᱮᱞ ᱫᱚ ᱫᱳᱜᱳᱨ ᱡᱳᱞ ᱠᱟᱛᱮᱜ ᱠᱚ ᱫᱚᱦᱚ ᱠᱟᱫᱟ᱾ ᱤᱝᱨᱮᱡᱽ ᱥᱟᱥᱚᱱ ᱟᱨ ᱦᱚ ᱮᱛᱚᱦᱚᱵ ᱮᱱ ᱨᱮᱦᱚ ᱚᱱᱟ ᱥᱮᱸᱜᱮᱞ ᱵᱟᱝ ᱜᱮ ᱟ.ᱲᱤᱡ ᱞᱮᱱᱟ᱾ ᱛᱟ.ᱜᱤ ᱛᱟᱲᱟᱢ ᱨᱮ ᱛᱟᱦᱮ ᱮᱱᱟ— ᱚᱠᱚᱭᱮ ᱵᱚᱨᱥᱮᱭᱟ ᱩᱱᱤ ᱞᱟ.ᱜᱤᱫ᱾
-----------------------------------------------------------------------------------------------
Nothing