The story of "Chai Champa" country: ᱪᱟ.ᱭᱼᱪᱟᱢᱯᱟ ᱨᱮᱭᱟᱜ ᱠᱟᱛᱷᱟ

[ For The Santali Readers ]

ᱫᱷᱟ.ᱨᱛᱤ ᱨᱮ ᱚᱠᱟ ᱡᱤᱱᱤᱥ ᱦᱚ ᱡᱟᱭ ᱡᱩᱜᱽ ᱢᱤᱫ ᱞᱮᱠᱟ ᱫᱚ ᱵᱟᱝ ᱛᱟᱦᱮᱱᱟ᱾ ᱫᱟ.ᱭᱠᱟ. ᱞᱮᱠᱟᱛᱮ ᱯᱟ.ᱦᱤᱞ ᱚᱠᱟ ᱞᱮᱠᱟ ᱛᱟᱦᱮᱱ ᱠᱟᱱᱟ ᱥᱤᱨᱤᱭᱟ,ᱢᱤᱥᱚᱨ,ᱵᱮᱵᱮᱤᱞᱚᱱ ᱨᱳᱢ ᱟᱨ ᱥᱤᱱᱫᱷᱩ ᱥᱚᱵᱵᱷᱚᱛᱟ᱾ ᱱᱤᱛ ᱫᱚ ᱥᱟᱱᱟᱢᱟᱜ ᱜᱮ ᱞᱳᱥᱳ ᱯᱳᱸᱰᱳ ᱪᱟᱵᱟ ᱟᱠᱟᱱ ᱫᱷᱩᱲᱤ ᱨᱮ᱾ ᱢᱮᱱ ᱠᱷᱟᱱ ᱢᱤᱫ ᱚᱠᱛᱚ ᱚᱱᱟ ᱠᱚ ᱨᱮᱭᱟᱜ ᱜᱳᱣᱨᱚᱵ, ᱢᱟ.ᱱ ᱢᱩᱨᱟ.ᱫᱽ ᱚᱠᱟ ᱞᱮᱠᱟ ᱛᱟᱦᱮᱱ ᱠᱟᱱᱟ ᱚᱱᱟ ᱨᱮᱭᱟᱜ ᱠᱟᱛᱷᱟ ᱠᱚ ᱱᱟᱜᱟᱢ ᱨᱮᱜᱮᱡ ᱵᱚᱱ ᱧᱟᱢ ᱫᱟᱲᱮᱭᱟᱜ-ᱟ᱾ ᱦᱚᱲ ᱦᱚᱯᱚᱱ ᱠᱚᱣᱟᱜ ᱦᱚ ᱥᱤᱨᱤᱭᱟ, ᱨᱳᱢ, ᱢᱤᱥᱚᱨ ᱥᱮ ᱥᱤᱱᱫᱷᱩ ᱥᱚᱵᱵᱷᱚᱛᱟ ᱞᱮᱠᱟ ᱜᱮ ᱥᱟᱱᱛᱟᱲ ᱠᱚᱣᱟᱜ ᱠᱚ ᱟᱠᱚᱣᱟᱜ ᱜᱳᱣᱨᱚᱵ ᱛᱟᱦᱮᱱ ᱠᱟᱱᱟ᱾ ᱛᱟᱦᱮ ᱠᱟᱱᱟ ᱟᱠᱚᱣᱟᱜ ᱢᱟ.ᱱ ᱢᱩᱨᱟ.ᱫ ᱪᱤᱱᱦᱟ. ᱾ ᱢᱮᱱ ᱠᱷᱟᱱ ᱫᱩᱠᱷ ᱟ.ᱭᱠᱟᱣᱚᱜ-ᱟ ᱱᱚᱣᱟ ᱵᱟᱰᱟᱭ ᱠᱟᱛᱮᱜ ᱡᱮ ᱥᱟᱱᱛᱟᱲ ᱠᱚᱣᱟᱜ ᱫᱚ ᱚᱠᱟ ᱠᱟᱛᱷᱟ ᱠᱚᱦᱚ ᱱᱟᱜᱟᱢ ᱨᱮ ᱚᱞ ᱛᱚᱞ ᱨᱩᱛᱤ ᱥᱩᱢᱩᱝ ᱜᱮ ᱢᱮᱱᱟᱜᱼᱟ᱾

ᱢᱮᱱᱮᱠ ᱯᱤᱲᱦᱤ ᱯᱤᱲᱦᱤ ᱛᱟᱭᱚᱢ ᱯᱤᱲᱦᱤ ᱥᱟᱱᱛᱟᱲ ᱵᱤᱨᱟ.ᱫᱟ.ᱞᱤ ᱠᱚ ᱟᱠᱚᱣᱟᱜ ᱜᱟᱢ ᱠᱟ.ᱦᱱᱤ ᱛᱟᱞᱟ ᱛᱮ, ᱥᱮᱨᱮᱧ ᱫᱩᱨᱟ.ᱝ ᱛᱟᱞᱟ ᱛᱮ ᱟᱠᱚᱣᱟᱜ ᱱᱟᱜᱟᱢ ᱠᱟᱛᱷᱟ ᱠᱚᱫᱚ ᱠᱚ ᱪᱟᱞ ᱟ.ᱜᱩᱭᱮᱫ ᱛᱟᱦᱮ ᱠᱟᱱ ᱠᱷᱟ.ᱛᱤᱨ ᱱᱤᱛ ᱦᱚ ᱥᱟᱱᱛᱟᱲ ᱠᱚᱣᱟᱜ ᱠᱤᱪᱷᱩ ᱱᱟᱜᱟᱢ ᱠᱚᱵᱚᱱ ᱯᱟᱸᱡᱟ ᱧᱟᱢ ᱫᱟᱲᱮᱭᱟᱜ ᱜᱮᱭᱟ᱾ ᱚᱱᱠᱟᱱ ᱢᱤᱫ ᱟᱫ ᱪᱟᱵᱟ ᱟᱠᱟᱱ ᱠᱟᱛᱷᱟ ᱠᱚ ᱨᱮᱭᱟᱜ ᱢᱤᱫ ᱴᱟᱝ ᱦᱩᱭᱩᱜ ᱠᱟᱱᱟ ᱥᱟᱱᱛᱟᱲ ᱠᱚᱣᱟᱜ ᱪᱟ.ᱭ ᱪᱟᱢᱯᱟ ᱫᱤᱥᱚᱢ ᱾ ᱰᱟ.ᱭ ᱪᱟᱢᱯᱟ ᱠᱟᱛᱷᱟ ᱫᱚ ᱟᱵᱚ ᱥᱮᱨᱮᱧ ᱫᱩᱨᱟ.ᱝ ᱟᱨ ᱜᱟᱢ ᱠᱟ.ᱦᱱᱤ ᱠᱚᱨᱮᱜ ᱵᱚᱱ ᱟᱡᱚᱢ ᱟᱠᱟᱫᱟ ᱜᱮᱭᱟ᱾ ᱢᱮᱱ ᱠᱷᱟᱱ ᱟ.ᱰᱤ ᱦᱚᱲ ᱜᱮ ᱵᱟᱝ ᱵᱚᱱ ᱵᱟᱰᱟᱭᱟ ᱱᱚᱣᱟ ᱫᱚ ᱪᱮᱫ ᱠᱟᱱᱟ? ᱩᱱᱠᱩ ᱠᱚ ᱵᱟᱰᱟᱭ ᱫᱚᱦᱚᱭ ᱢᱟᱱᱚᱱ ᱪᱟᱭ ᱪᱟᱢᱯᱟ ᱥᱮ ᱪᱟᱢᱯᱟ ᱫᱚ ᱯᱟ.ᱦᱤᱞ ᱥᱟᱱᱛᱟᱲ ᱠᱚᱣᱟᱜ ᱢᱤᱫ ᱴᱟᱝ ᱫᱤᱥᱚᱢ ᱛᱟᱦᱮ ᱠᱟᱱ ᱛᱟᱠᱚᱣᱟ᱾ ᱡᱟᱦᱟᱨᱮ ᱥᱟᱱᱛᱟᱲ ᱦᱚᱯᱚᱱ ᱠᱚ ᱟ.ᱰᱤ ᱥᱩᱞᱩᱠ ᱱᱤᱨᱟ.ᱭ ᱛᱮᱠᱚ ᱛᱟᱦᱮ ᱠᱟᱱᱟ᱾ ᱢᱮᱱ ᱠᱷᱟᱱ ᱱᱤᱛ ᱫᱚ ᱚᱱᱟ ᱨᱮᱭᱟᱜ ᱱᱟᱜᱟᱢ ᱨᱮ ᱚᱠᱟ ᱪᱤᱱᱦᱟ. ᱦᱚ ᱵᱟᱝ.ᱱᱩᱜ ᱟᱠᱟᱫᱟ, ᱡᱟᱜᱮ ᱥᱟᱱᱛᱟᱲ ᱠᱚᱣᱟᱜ ᱥᱮᱨᱮᱧ ᱫᱩᱨᱟ.ᱝ ᱟᱨ ᱜᱟᱢ ᱠᱟ.ᱦᱱᱤ ᱨᱮᱜᱮ ᱚᱱᱟ ᱫᱚ ᱵᱚᱱ ᱯᱟᱸᱡᱟ ᱧᱟᱢ ᱫᱟᱲᱮᱭᱟᱜᱼᱟ᱾ ᱢᱮᱱ ᱠᱷᱟᱱ ᱱᱚᱣᱟ ᱠᱷᱚᱱ ᱦᱚ ᱢᱟᱨᱟᱝ ᱠᱩᱠᱞᱤ ᱫᱚ ᱦᱩᱭᱩᱜ ᱠᱟᱱᱟ ᱢᱮ ᱚᱠᱟ ᱨᱮᱫᱚ ᱛᱟᱦᱮ ᱠᱟᱱᱟ ᱱᱚᱣᱟ ᱪᱟ.ᱭ ᱪᱟᱢᱯᱟ ᱥᱮ ᱪᱟᱢᱯᱟ ᱫᱤᱥᱚᱢ ᱫᱚ?

ᱜᱟ.ᱠᱷᱩᱲᱟᱱ ᱠᱚ ᱠᱚ ᱢᱮᱱ ᱦᱚᱪᱚᱭᱮᱫᱟ ᱡᱮ ᱱᱚᱣᱟ ᱪᱟ.ᱭ ᱪᱟᱢᱯᱟ ᱥᱮ ᱪᱟᱢᱯᱟ ᱫᱤᱥᱚᱢ ᱫᱚ ᱢᱤᱫ ᱴᱷᱚᱱ ᱫᱚ ᱵᱟᱝ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱧᱩᱛᱩᱢ ᱛᱮ ᱟᱭᱢᱟ ᱴᱚᱴᱷᱟ ᱨᱮ ᱟᱭᱢᱟ ᱥᱟᱱᱛᱟᱲ ᱠᱚ ᱟᱠᱚᱣᱟᱜ ᱫᱤᱥᱚᱢ ᱠᱚ ᱵᱮᱱᱟᱣ ᱞᱟᱫᱟ᱾ ᱢᱮᱱ ᱫᱚ ᱥᱟᱱᱛᱟᱲ ᱠᱚ ᱡᱟᱦᱟ ᱨᱮᱜᱮ ᱠᱚ ᱜᱤᱨᱟ. ᱵᱟ.ᱥᱤ ᱞᱮᱱᱟ ᱚᱱᱟᱜᱮ ᱪᱟ.ᱭ ᱪᱟᱢᱯᱟ ᱥᱮ ᱪᱟᱢᱯᱟ ᱫᱤᱥᱚᱢ ᱠᱚ ᱧᱩᱢ ᱦᱟᱞᱟᱝ ᱞᱮᱫᱟ᱾ ᱡᱮᱞᱮᱠᱟ ᱥᱟᱱᱛᱟᱲ ᱥᱟᱶᱛᱟ ᱨᱮ ᱪᱚᱞ ᱢᱮᱱᱟᱜᱼᱟ ᱡᱮ ᱜᱚᱲᱚᱢ ᱠᱚᱣᱟᱜ ᱧᱩᱛᱩᱢ ᱟᱠᱚᱨᱮᱱ ᱯᱚ ᱯᱚᱝᱲᱟ ᱠᱚ ᱮᱢ ᱟᱠᱚᱣᱟ ᱾ ᱡᱟᱦᱟ ᱟᱠᱟᱱ ᱜᱮ ᱟᱱᱟ ᱠᱚᱫᱚ , ᱟᱥᱚᱞ ᱠᱟᱛᱷᱟ ᱫᱚ ᱱᱚᱣᱟ ᱠᱟᱱᱟ ᱡᱮ Risley ᱧᱩᱛᱩᱢᱟᱱ ᱢᱤᱫ ᱜᱟ.ᱠᱷᱩᱲᱟᱱ ᱟᱜ ᱠᱟᱛᱷᱟ ᱞᱮᱠᱟᱛᱮ ᱥᱟᱱᱛᱟᱲ ᱠᱚᱣᱟᱜ ᱢᱤᱫ ᱚᱱᱠᱟᱱ ᱫᱤᱥᱚᱢ ᱛᱟᱦᱮ ᱠᱟᱱᱟ ᱡᱷᱟᱲᱠᱷᱚᱱᱰ ᱨᱮᱭᱟᱜ ᱦᱟᱡᱟᱨᱤᱵᱟᱜᱽ ᱨᱮ᱾ ᱤᱱᱤᱭᱟᱜ ᱠᱟᱛᱷᱟ ᱞᱮᱠᱟᱛᱮ ᱑᱓᱔᱐ AD ᱨᱮ “ᱡᱩᱨᱟ.” ᱧᱩᱛᱩᱢᱟᱱ ᱢᱤᱫ ᱨᱟᱡᱟᱭ ᱛᱟᱦᱮ ᱠᱟᱱᱟ ᱡᱟᱦᱟᱭ ᱫᱚ ᱚᱱᱟ ᱪᱟᱢᱯᱟ ᱫᱤᱥᱚᱢ ᱨᱤᱱᱤᱡ ᱨᱟᱡᱽ ᱮᱭ ᱛᱟᱦᱮ ᱠᱟᱱᱟ᱾ ᱢᱮᱱ ᱠᱷᱟᱱ ᱥᱳᱣᱚᱫ ᱤᱵᱨᱟᱦᱤᱢ ᱟ.ᱞᱤ ᱨᱮᱱ ᱢᱩᱥᱞᱟᱹ ᱯᱷᱟ.ᱫ ᱠᱚ ᱦᱚᱛᱮᱛᱮᱭ ᱜᱚᱡ ᱦᱚᱪᱚ ᱞᱮᱱᱟ ᱥᱟᱶᱛᱮ ᱩᱱᱤ ᱨᱮᱱ ᱜᱷᱟᱨᱚᱧᱡᱤᱭᱟ. ᱠᱚᱦᱚᱭ ᱜᱚᱪ ᱪᱟᱵᱟ ᱞᱮᱫ ᱠᱚ ᱛᱟᱦᱮᱱ᱾

ᱚᱱᱟᱠᱟ ᱜᱮ J. Philip ᱦᱚᱭ ᱢᱮᱱ ᱟᱠᱟᱫᱟ ᱪᱟ.ᱭ ᱪᱟᱢᱯᱟ ᱫᱤᱥᱚᱢ ᱨᱚᱫᱚ ᱥᱟᱱᱛᱟᱲ ᱠᱚ ᱟ.ᱰᱤ ᱠᱚ ᱞᱟᱦᱟᱱᱛᱤ ᱞᱮᱱᱟ᱾ ᱜᱚᱢᱠᱮᱭᱟᱜ ᱠᱟᱛᱷᱟ ᱞᱮᱠᱟᱛᱮ ᱪᱟᱢᱯᱟ ᱫᱤᱥᱚᱢ ᱫᱤᱥᱚᱢ ᱨᱮ ᱵᱟᱨᱭᱟ ᱫᱤᱭᱟ.ᱨ ᱛᱟᱦᱮ ᱠᱟᱱᱟ᱾ ᱢᱤᱫ ᱴᱟᱝ ᱫᱚ ᱟ.ᱦᱤᱱ ᱫᱩᱭᱟ.ᱨ ᱟᱨ ᱢᱤᱫ ᱴᱟᱝ ᱫᱚ ᱵᱟ.ᱦᱤᱱ ᱫᱩᱣᱟ.ᱨ᱾ ᱢᱮᱱ ᱠᱷᱟᱱ ᱟᱭᱢᱟ ᱦᱚᱲ ᱠᱚ ᱢᱮᱱᱟ ᱡᱮ ᱦᱟᱡᱟᱨᱤ ᱵᱟᱜᱽ ᱨᱮᱭᱟᱜ ᱪᱟᱢᱯᱟ ᱫᱤᱥᱚᱢ ᱫᱚ ᱟᱰᱤ ᱛᱟᱭᱚᱢ ᱛᱮᱭᱟᱜ ᱠᱟᱱᱟ᱾ ᱚᱱᱟ ᱠᱷᱚᱱ ᱦᱚ ᱟ.ᱰᱤ ᱯᱟ.ᱦᱤᱞ ᱨᱮ ᱢᱤᱫ ᱪᱟᱢᱯᱟ ᱫᱤᱥᱚᱢ ᱛᱟᱦᱮ ᱠᱟᱱᱟ ᱾ ᱡᱟᱦᱟ ᱫᱚ ᱢᱚᱬᱮ ᱱᱟ.ᱭ ᱫᱷᱟᱨᱮ ᱨᱮ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱠᱟᱛᱷᱟ ᱫᱚ ᱢᱤᱫ ᱫᱚᱝ ᱥᱮᱨᱮᱧ ᱨᱮᱭᱟᱜ ᱦᱤᱥ ᱨᱮ ᱯᱟᱸᱡᱟ ᱧᱟᱢᱚᱜ-ᱟ᱾ ᱡᱟᱦᱟ ᱫᱚ ᱦᱩᱭᱩᱜ ᱠᱟᱱᱟ—

“ᱱᱩᱢᱤᱱ ᱢᱟᱨᱟᱝ ᱵᱟᱸᱫᱷ ᱪᱷᱟᱰᱟ

ᱪᱮᱫᱟᱜ ᱯᱚᱨᱟᱭᱱᱤ! ᱯᱟᱭᱬᱮ ᱨᱮᱫᱚ?

ᱫᱮᱞᱟᱝ ᱯᱚᱨᱟᱭᱱᱤ! ᱢᱚᱬᱮ ᱱᱟ.ᱭ ᱫᱤᱥᱚᱢ ᱛᱮ

ᱫᱮᱞᱟᱝ ᱯᱚᱨᱟᱭᱱᱤ! ᱯᱚᱨᱟᱭᱱᱤ ᱫᱟᱜ ᱛᱟᱞᱟ ᱛᱮ᱾”

ᱱᱚᱣᱟ ᱢᱚᱬᱮ ᱱᱟ.ᱭ ᱫᱤᱥᱚᱢ ᱨᱮᱭᱟᱜ ᱦᱚ ᱵᱟᱨᱭᱟ ᱫᱤᱭᱟ.ᱨ ᱛᱟᱦᱮ ᱠᱟᱱᱟ ᱡᱟᱦᱟ ᱫᱚ ᱛᱟᱦᱮ ᱠᱟᱱᱟ ᱪᱟ.ᱭ ᱫᱩᱣᱟ.ᱨ ᱟᱨ ᱪᱟᱢᱯᱟ ᱫᱩᱣᱟ.ᱨ᱾ ᱱᱚᱝᱠᱟ ᱜᱮ ᱟᱨ ᱢᱤᱫ ᱴᱟᱝ ᱥᱮᱨᱮᱧ ᱢᱮᱱᱟᱜᱼᱟ ᱡᱟᱦᱟ ᱛᱩᱝᱠᱷᱤ ᱞᱮᱠᱷᱟᱱ ᱞᱮᱭ ᱜᱟᱱᱚᱜᱼᱟ ᱡᱮ ᱦᱚᱭ ᱛᱚ ᱢᱤᱫ ᱴᱟᱝ ᱪᱟᱢᱯᱟ ᱫᱤᱥᱚᱢ ᱫᱚ ᱠᱟᱱᱫᱟᱦᱟᱨ ᱡᱟᱦᱟ ᱫᱚ ᱟᱯᱷᱜᱟᱱᱤᱥᱛᱷᱟᱱ ᱦᱚᱠᱚ ᱢᱮᱛᱟᱜ-ᱟ, ᱚᱸᱰᱮ ᱦᱚ ᱛᱟᱦᱮ ᱠᱟᱱᱟ᱾ ᱪᱮᱫᱟᱜ ᱥᱮ ᱢᱤᱫ ᱴᱟᱝ ᱥᱮᱨᱮᱧ ᱨᱮ ᱩᱪᱷᱟ.ᱱ ᱢᱮᱱᱟᱜ-ᱟ ᱱᱚᱝᱠᱟ—

“ᱪᱮᱛᱮ ᱞᱟ.ᱜᱤᱫ ᱠᱚ ᱢᱟᱯᱟᱜ ᱠᱟᱱᱟ ᱠᱚᱸᱭᱰᱟ ᱠᱚ

ᱫᱷᱟᱣ ᱫᱷᱟᱣ ᱠᱟᱱᱫᱟᱦᱟᱨ.ᱨᱤ ᱨᱮ?

ᱪᱮᱛᱮ ᱞᱟ.ᱜᱤᱫ ᱜᱚᱜᱚᱡ ᱠᱟᱱᱟ ᱵᱟᱫᱚᱞᱤ ᱠᱚ

ᱫᱷᱟᱣ ᱫᱷᱟᱣ ᱠᱟᱱᱫᱟᱦᱟ.ᱨᱤ ᱨᱮ?

ᱥᱤᱢᱟ. ᱞᱟ.ᱜᱤᱫ ᱢᱟᱯᱟᱜ ᱠᱟᱱᱟ ᱠᱚᱸᱭᱰᱟ ᱠᱚ

ᱫᱷᱟᱣ ᱫᱷᱟᱣ ᱠᱟᱱᱫᱟᱦᱟ.ᱨᱤ ᱨᱮ᱾

ᱰᱟ.ᱰᱤ ᱞᱟ.ᱜᱤᱫ ᱠᱚ ᱜᱚᱯᱚᱡ ᱠᱟᱱᱟ ᱵᱟᱫᱚᱞᱤ ᱠᱚᱫ

ᱷᱟᱣ ᱫᱷᱟᱣ ᱠᱟᱱᱫᱟᱦᱟ.ᱨᱤ ᱨᱮ ᱿

ᱜᱟ.ᱠᱷᱩᱲᱟᱱ ᱠᱚ ᱠᱚ ᱢᱮᱱ ᱦᱚᱪᱚᱭᱮᱫᱟ ᱯᱟᱥᱮᱡ ᱚᱱᱟ ᱠᱟ.ᱫᱟᱦᱟ.ᱨᱤ ᱫᱚ ᱯᱟᱞᱮᱱ ᱠᱟᱱᱫᱟᱦᱟᱨ ᱫᱚ᱾ ᱢᱮᱱ ᱠᱷᱟᱱ ᱱᱚᱣᱟ ᱪᱟ.ᱭ ᱪᱟᱢᱯᱟ ᱜᱟᱲ ᱫᱚ ᱫᱷᱩᱲᱤ ᱨᱮ ᱞᱳᱥᱳ ᱯᱳᱸᱰᱳ ᱮᱱᱟ ᱪᱤᱠᱟ.ᱛᱮ? ᱱᱚᱣᱟ ᱨᱮᱭᱟᱜ ᱛᱮᱞᱟ ᱞᱮᱠᱟᱛᱮ ᱢᱮᱱ ᱟᱠᱟᱫᱟᱠᱚ ᱡᱮ ᱵᱟᱨᱭᱟ ᱚᱡᱮ ᱛᱟᱦᱮ ᱠᱟᱱᱟ ᱱᱚᱣᱟ ᱪᱟ.ᱭ ᱪᱟᱢᱯᱟ ᱜᱟᱲ ᱫᱷᱟ.ᱥᱩᱲ ᱨᱮᱭᱟᱜ᱾ ᱢᱤᱫ ᱫᱚ ᱦᱩᱭᱩᱜ ᱠᱟᱱᱟ ᱟᱯᱟᱱ ᱟᱯᱤᱱ ᱠᱟᱱᱟ.ᱯᱤᱨᱤ ᱵᱤᱵᱟ.ᱫ ᱟᱨ ᱫᱚᱥᱟᱨ ᱫᱚ ᱦᱩᱭᱩᱜ ᱠᱟᱱᱟ ᱵᱟ.ᱭᱨᱤ ᱠᱚ ᱥᱟᱶᱛᱮ ᱢᱟᱯᱟᱜ ᱜᱚᱯᱚᱡ᱾

ᱱᱟᱜᱟᱢ ᱨᱮ ᱵᱷᱟᱜᱮ ᱴᱷᱤᱠ ᱜᱮ ᱞᱮᱭ ᱢᱮᱱᱟᱜ-ᱟ ᱡᱮ, ᱥᱟᱱᱛᱟᱲ ᱦᱚᱲ ᱠᱚᱫᱚ ᱛᱤᱥ ᱦᱚ ᱦᱚᱲᱟᱜ ᱡᱟᱸᱜᱟ ᱞᱟᱛᱟᱨ ᱨᱮᱫᱚ ᱛᱟᱦᱮ ᱵᱟᱝ ᱠᱚ ᱠᱩᱥᱤᱭᱟᱜ-ᱟ᱾ ᱚᱱᱟ ᱨᱮᱭᱟᱜ ᱫᱟ.ᱭᱠᱟ. ᱞᱮᱠᱟᱛᱮ ᱦᱩᱞ, ᱩᱞᱜᱩᱞᱟᱱ ᱟᱨ ᱪᱩᱭᱟ.ᱲ ᱵᱤᱫᱨᱳᱦᱚ ᱵᱚᱱ ᱵᱟᱰᱟᱭ ᱜᱮᱭᱟ᱾ ᱛᱚ ᱱᱚᱣᱟ ᱡᱟᱦᱟ ᱪᱟᱢᱯᱟ ᱫᱤᱥᱚᱢ ᱨᱮᱭᱟᱜ ᱠᱟᱛᱷᱟ ᱵᱚᱱ ᱛᱩᱝᱠᱷᱤ ᱮᱫᱟ ᱚᱱᱟ ᱨᱮ ᱫᱚ ᱥᱟᱱᱟᱢ ᱯᱟ.ᱨᱤᱥ ᱞᱮᱠᱟᱱ ᱦᱚᱲ ᱜᱮᱠᱚ ᱜᱤᱨᱟ. ᱵᱟᱝ.ᱥᱤ ᱞᱮᱱᱟ ᱟᱨ ᱟᱯᱟᱱ ᱟ.ᱯᱤᱱ ᱜᱟᱲ ᱠᱚᱠᱚ ᱛᱮᱭᱟᱨ ᱞᱮᱫᱟ᱾ ᱢᱮᱱ ᱫᱚ ᱥᱟᱱᱛᱟᱲ ᱠᱚᱨᱮᱱ ᱜᱮᱞ ᱵᱟᱨ ᱜᱚᱴᱟᱝ ᱯᱟ.ᱨᱤᱥ ᱜᱮ ᱪᱟᱢᱯᱟ ᱫᱤᱥᱚᱢ ᱨᱮᱠᱚ ᱛᱟᱦᱮ ᱠᱟᱱᱟ ᱟᱨ ᱟᱯᱟᱱ ᱟ.ᱯᱤᱱ ᱜᱟᱲ ᱦᱚᱠᱚ ᱵᱮᱱᱟᱣ ᱞᱟᱫ ᱛᱟᱦᱮᱡ᱾ ᱥᱟᱱᱟᱢᱟᱜ ᱴᱷᱤᱠᱟ.ᱱ ᱜᱮ ᱛᱟᱦᱮ ᱠᱟᱱᱟ, ᱯᱟ.ᱨᱤᱥ ᱦᱟ.ᱴᱤᱧ ᱞᱮᱠᱟᱛᱮ ᱟᱠᱚᱣᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱠᱟ.ᱢᱤ ᱦᱚᱨᱟ ᱠᱚᱦᱚ ᱠᱚ ᱥᱩᱥᱟ.ᱨᱮᱫ ᱛᱟᱦᱮ ᱠᱟᱱᱟ᱾ ᱮᱢᱟᱱ ᱪᱮᱫ ᱱᱚᱣᱟ ᱪᱟᱢᱯᱟ ᱫᱤᱥᱚᱢ ᱨᱮ ᱚᱞᱚᱜ ᱯᱚᱱᱦᱚᱱ ᱨᱮᱭᱟᱜ ᱦᱚ ᱪᱚᱞ ᱛᱟᱦᱮ ᱠᱟᱱᱟ᱾ ᱡᱟᱦᱟᱨᱮ ᱪᱤᱛᱟ.ᱨ ᱵᱮᱱᱟᱣ, ᱵᱷᱤᱛ ᱯᱚᱛᱟᱣ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱜ ᱥᱟᱱᱟᱢ ᱞᱮᱠᱟᱱᱟᱜ ᱛᱤᱥ ᱛᱮᱭᱟᱜ ᱠᱟ.ᱢᱤ ᱦᱚᱨᱟ ᱠᱚ ᱥᱮᱲᱟ ᱟᱠᱚ ᱛᱟᱦᱮᱡ᱾

ᱢᱮᱱ ᱠᱷᱟᱱ ᱠᱟᱛᱷᱟ ᱨᱮᱜᱮ ᱢᱮᱱᱟᱜ-ᱟ ᱚᱠᱟ ᱦᱚ ᱪᱤᱨᱚᱫᱤᱱ ᱢᱤᱫ ᱞᱮᱠᱟ ᱫᱚ ᱵᱟᱝ ᱛᱟᱦᱮᱱᱟ᱾ ᱚᱱᱟᱛᱮ ᱫᱤᱱ ᱠᱚ ᱵᱤᱛᱟ.ᱣ ᱥᱟᱶ ᱥᱟᱶᱛᱮ ᱥᱟᱱᱛᱟᱲ ᱦᱚᱯᱚᱱ ᱠᱚ ᱢᱤᱫ ᱨᱮ ᱱᱟᱱᱟ ᱦᱩᱱᱟ.ᱨ ᱠᱟᱭᱡᱟ. ᱠᱷᱟ.ᱯᱟ.ᱨᱤ ᱥᱤᱨᱡᱟᱹᱣ ᱮᱱᱟ᱾ ᱚᱠᱚᱭ ᱠᱚᱫᱚ ᱥᱤᱢᱟ. ᱞᱟ.ᱜᱤᱫ ᱟᱨ ᱚᱠᱚᱭ ᱠᱚᱫᱚ ᱥᱟ.ᱜᱟ.ᱭ ᱠᱚ ᱵᱤᱵᱟ.ᱫᱽ ᱮᱱᱟ ᱾ ᱡᱟᱦᱟ ᱠᱷᱟ.ᱛᱤᱨ ᱫᱚ ᱱᱤᱛ ᱦᱚ ᱠᱤᱥᱠᱩ ᱯᱟ.ᱨᱤᱥ ᱥᱟᱶ ᱢᱟ.ᱱᱰᱤ ᱫᱚ ᱵᱟᱝ ᱠᱚ ᱯᱮᱲᱟᱜ-ᱟ, ᱪᱮᱫᱟᱜ ᱥᱮ ᱯᱟ.ᱦᱤᱞ ᱨᱮ ᱱᱩᱠᱩ ᱯᱟ.ᱨᱤᱥ ᱫᱚ ᱥᱤᱢᱟ. ᱞᱟ.ᱜᱤᱫ ᱠᱚ ᱠᱷᱟ.ᱯᱟ.ᱨᱤ ᱞᱮᱱᱟ᱾ ᱚᱱᱠᱟᱜᱮ ᱵᱮᱥᱨᱟᱼᱴᱩᱰᱩ ᱦᱚ ᱵᱟᱝ ᱠᱚ ᱯᱮᱲᱟᱜ-ᱟ, ᱪᱮᱫᱟᱜ ᱥᱮ ᱯᱟ.ᱦᱤᱞ ᱨᱮ ᱱᱩᱠᱩ ᱫᱚ ᱵᱟᱯᱞᱟ ᱠᱷᱟ.ᱛᱤᱨ ᱠᱚ ᱛᱟᱯᱟᱢ ᱞᱮᱱᱟ᱾ ᱱᱚᱝᱠᱟ ᱱᱩᱠᱩ ᱛᱟᱞᱟ ᱨᱮ ᱱᱚᱝᱠᱟᱱ ᱮᱯᱮᱨ ᱦᱮᱸᱰᱮᱡ ᱨᱮᱭᱟᱜ ᱚᱠᱛᱮ ᱨᱮ ᱢᱟᱫᱷᱳ ᱥᱤᱝ ᱟᱨ ᱤᱫᱟ.ᱱ ᱥᱤᱝ ᱧᱩᱛᱩᱢᱟᱱ ᱵᱟᱨᱭᱟ ᱨᱟᱡᱟᱜ ᱧᱩᱛᱩᱢ ᱩᱪᱷᱟ.ᱱ ᱧᱟᱢᱚᱜ-ᱟ᱾ ᱡᱟᱦᱟᱭ ᱠᱤᱱ ᱫᱚ ᱥᱟᱱᱛᱟᱲ ᱠᱚ ᱚᱱᱟ ᱪᱟᱢᱯᱟ ᱫᱤᱥᱚᱢ ᱠᱷᱚᱱ ᱞᱟᱜᱟ ᱞᱮᱫ ᱠᱚᱣᱟ ᱢᱮᱱ ᱛᱮᱠᱚ ᱟ.ᱭ ᱩᱢᱟ.ᱱ ᱮᱫᱟ᱾ ᱪᱮᱫᱟᱜ ᱥᱮ ᱥᱟᱱᱛᱟᱲ ᱠᱚ ᱡᱟᱸᱜᱟ ᱞᱟᱛᱟᱨ ᱨᱮ ᱛᱟᱦᱮ ᱫᱚ ᱛᱤᱥ ᱦᱚ ᱵᱟᱝᱠᱚ ᱠᱩᱥᱤᱭᱟᱜ ᱛᱟᱦᱮᱱ ᱚᱱᱟ ᱛᱮ ᱟᱠᱚ ᱢᱩᱦᱤᱢ ᱫᱚᱥᱟ ᱨᱮ ᱛᱟᱦᱮᱱ ᱥᱚᱛᱛᱮᱣᱚ ᱩᱱᱠᱤᱱ ᱵᱟᱨᱭᱟ ᱨᱟᱡᱽ ᱥᱟᱞᱟᱜ ᱛᱟᱯᱟᱢ ᱠᱚ ᱞᱟᱜᱟᱣ ᱞᱮᱱᱟ᱾ ᱢᱮᱱ ᱠᱷᱟᱱ ᱵᱟᱝ ᱫᱟᱲᱮ ᱞᱮᱱ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱞᱟ.ᱲᱦᱟ.ᱭ ᱨᱮᱭᱟᱜ ᱠᱟᱛᱷᱟ ᱫᱚ ᱢᱤᱫ ᱢᱟᱨᱮ ᱫᱚᱝ ᱥᱮᱨᱮᱧ ᱧᱟᱢᱚᱜᱼᱟ ᱾ ᱡᱟᱦᱟ ᱫᱚ ᱦᱳᱭᱳᱜ ᱠᱟᱱᱟ—

“ᱫᱟᱫᱟ ᱨᱮ! ᱤᱫᱟ.ᱱ ᱥᱤᱝ ᱢᱟᱫᱷᱟᱱ ᱥᱤᱝ

ᱫᱟᱫᱟ ᱨᱮ! ᱪᱷᱩᱴᱟᱞᱟᱢ ᱪᱟᱢᱯᱟ ᱠᱟ ᱜᱟᱲ!

ᱵᱩᱦᱤᱱ ᱜᱮ! ᱱᱟ ᱠᱟᱸᱫᱳ ᱱᱟ ᱠᱷᱤᱸᱡᱳ

ᱵᱩᱦᱤᱱ ᱜᱮ! ᱦᱟᱛᱮ ᱠᱟ ᱥᱟᱝᱠᱷᱟ ᱵᱮᱪᱳ

ᱵᱩᱦᱤᱱ ᱜᱮ! ᱠᱟᱱᱮ ᱠᱟ ᱥᱳᱱᱟ ᱵᱮᱪᱳ

ᱵᱩᱦᱤᱱ ᱜᱮ! ᱛᱟᱣ ᱦᱳᱱᱟ ᱞᱮᱰᱳ ᱪᱟᱢᱯᱟ ᱜᱟᱲ᱾

ᱦᱤᱦᱤᱲᱤ ᱢᱟ ᱡᱚᱱᱚᱢ ᱦᱳᱭᱞᱳ

ᱦᱤᱦᱤᱲᱤ ᱢᱟ ᱵᱟ.ᱲᱤᱞᱳ

ᱢᱟᱫᱷᱳ ᱥᱤᱝ ᱡᱳ ᱵᱤᱰᱟᱨᱟᱞᱳ ᱡᱳ

ᱡᱟᱭ ᱪᱟ.ᱭ-ᱪᱟᱢᱯᱟ ᱜᱟᱲ!”

ᱢᱮᱱ ᱠᱷᱟᱱ ᱢᱩᱪᱟ.ᱫ ᱫᱷᱟ.ᱰᱤᱡ ᱥᱟᱱᱛᱟᱲ ᱠᱚ ᱵᱟᱝ ᱠᱚ ᱫᱟᱲᱮ ᱞᱮᱱᱟ ᱾ ᱡᱤᱣᱤ ᱵᱟᱧᱪᱟᱣ ᱠᱟᱛᱮᱜ ᱚᱸᱰᱮ ᱠᱷᱚᱱ ᱧᱤᱨ ᱦᱩᱭ ᱮᱱ ᱛᱟᱠᱚᱣᱟ᱾ ᱱᱟᱝᱠᱟ ᱦᱚᱠᱚ ᱢᱮᱱᱟ ᱡᱮ ᱜᱮᱞ ᱵᱟᱨ ᱯᱟ.ᱨᱤᱥ ᱠᱚ ᱢᱩᱫᱽᱨᱮ ᱥᱳᱣᱟᱞᱤ ᱯᱟ.ᱨᱤᱥ ᱠᱚᱫᱚ ᱵᱟᱝ ᱠᱚ ᱧᱤᱨ ᱩᱛᱟ.ᱨ ᱞᱮᱫᱟ᱾ ᱚᱱᱟ ᱵᱤᱪᱠᱚᱢ ᱟᱠᱚᱭᱤᱡ ᱢᱤᱫ ᱦᱚᱯᱚᱱ ᱮᱨᱟ ᱢᱟᱫᱷᱳ ᱥᱤᱝ ᱴᱷᱮᱱ ᱠᱚ ᱜᱚᱝ ᱞᱮᱫᱮ ᱛᱟᱦᱮᱡ᱾ ᱟᱨ ᱚᱱᱟ ᱫᱤᱥᱚᱢ ᱨᱮᱠᱚ ᱨᱟᱽ ᱞᱮᱱ ᱛᱟᱦᱮᱱ᱾ ᱟᱯᱱᱟᱨ ᱫᱟᱲᱮ ᱛᱮ ᱵᱮᱱᱟᱣ ᱞᱮᱫ ᱠᱚ ᱥᱟᱫᱮᱨ ᱪᱟᱢᱯᱟ ᱫᱤᱥᱚᱢ ᱠᱷᱚᱱ ᱧᱤᱨ ᱦᱩᱭ ᱮᱱ ᱛᱟᱠᱚᱣᱟ ᱟᱨ ᱚᱱᱟ ᱛᱟᱭᱚᱢ ᱜᱮ ᱥᱟᱱᱛᱟᱲ ᱠᱚ ᱦᱟᱡᱟᱨᱤᱵᱟᱜᱽ (ᱥᱤᱠᱟ.ᱨ ᱫᱤᱥᱚᱢ) ᱛᱮᱠᱚ ᱟ.ᱭᱩᱨ ᱦᱮᱡ ᱞᱮᱱ ᱛᱟᱦᱮ ᱠᱟᱱᱟ ᱟᱨ ᱱᱟᱣᱟ ᱠᱟᱨᱰ ᱛᱮ ᱪᱟᱢᱯᱟ ᱫᱤᱥᱚᱢ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮ ᱠᱟᱱᱟ᱾ ᱢᱮᱱ ᱠᱷᱟᱱ ᱩᱭᱦᱟ.ᱨ ᱦᱤᱡᱩᱜ ᱨᱮ ᱦᱟᱱᱮ ᱢᱟᱨᱮ ᱪᱟ.ᱭ ᱫᱤᱥᱚᱢ, ᱪᱟᱢᱯᱟ ᱫᱤᱥᱚᱢ, ᱡᱟᱦᱟ ᱛᱟᱦᱮ ᱠᱟᱱᱟ ᱞᱤᱞᱤ ᱵᱤᱪᱷᱤ᱾ ᱚᱱᱛᱮ ᱫᱷᱚᱱᱛᱮ ᱚᱞᱚᱱᱼᱠᱟ.ᱨᱤ ᱨᱚᱲ ᱞᱟᱸᱫᱟ ᱛᱮ ᱞᱤᱠᱷᱚᱱ ᱜᱚᱲᱦᱚᱱ ᱥᱮᱨᱮᱧ ᱨᱩᱭᱟ.ᱲᱟᱜ-ᱟ ᱠᱚ ᱚᱱᱟ ᱫᱩᱠᱷ ᱟᱠᱚᱣᱟᱜ ᱢᱟᱨᱮ ᱪᱟᱢᱯᱟ ᱫᱤᱥᱚᱢ ᱥᱮᱫ ᱠᱚᱭᱚᱜ ᱠᱟᱛᱮᱜ—

“ᱪᱟᱢᱯᱟ ᱜᱟᱲ ᱫᱚ ᱞᱤᱞᱤ ᱵᱤᱪᱤ

ᱵᱟᱫᱳᱞᱤ ᱠᱚᱭᱰᱟ ᱞᱤᱠᱷᱚᱱ ᱜᱚᱲᱦᱚᱱ!

ᱫᱟᱭᱟᱜᱮ ᱪᱟᱢᱯᱟ, ᱵᱟᱫᱳᱞᱤᱼᱠᱚᱭᱰᱟ

ᱫᱟᱭᱟᱜᱮ ᱜᱟᱲ ᱫᱚᱵᱚᱱ ᱵᱟ.ᱜᱤᱭᱟᱜ ᱠᱟᱱᱟ ᱿”