History of Santali Literature: Explore the history of Santali magazines

✧ ᱥᱟᱱᱛᱟᱲᱤ ᱯᱟᱛᱷᱟᱢ ᱥᱟᱶᱦᱮᱫ

History of Santali Newspaper

Newspaper or magazine is one of the important parts of a literature. Because without the contribution of magazines  development of literature feels like impossible. It is needless to say that without the help of magazines, the form of literature in any language that is seen now, might not have been possible. Because there were not so many facilities in the old days of writing. All the news of the world and the activities of various societies were known to the country only through these newspapers or magazines. At the same time, most of the personal writings of the writers were also got published through these magazines. Santali literature was also developed along this same path and the names of the journals and magazines which had an important role in developing Santali literature,are given below.

✓ ᱥᱟᱶᱦᱮᱫ ᱨᱮᱭᱟᱜ ᱢᱤᱫ ᱢᱟᱨᱟᱝ ᱦᱤᱥ ᱠᱟᱱᱟ ᱯᱟᱛᱷᱟᱢ᱾ ᱡᱟᱦᱟ ᱫᱟᱨᱟᱭ ᱛᱮ ᱛᱚᱛᱠᱟ.ᱞᱤᱱ ᱥᱟᱶᱛᱟ ᱟ.ᱨᱤᱪᱟ.ᱞᱤ, ᱮᱱᱮᱡ ᱥᱮᱨᱮᱧ, ᱨᱟᱡᱱᱤᱛᱤ ᱥᱟᱶᱛᱮ ᱱᱟᱱᱟ ᱦᱩᱱᱟ.ᱨ ᱞᱟ.ᱭ ᱟ.ᱜᱩ ᱜᱟᱢ ᱠᱟ.ᱦᱱᱤ, ᱫᱷᱚᱨᱚᱢ ᱠᱟᱛᱷᱟ ᱠᱚ ᱨᱮᱭᱟᱜ ᱦᱩᱫᱤᱥ ᱧᱟᱢᱚᱜ-ᱟ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱱᱚᱣᱟ ᱦᱤᱥ ᱫᱚ ᱮᱛᱚᱦᱚᱵ ᱞᱮᱱᱟ ᱑᱘᱙᱐ ᱥᱟᱞ ᱨᱮ “ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ” ᱯᱟᱛᱷᱟᱢ ᱥᱟᱶᱛᱮ᱾ ᱚᱱᱟ ᱛᱟᱭᱚᱢ “ᱰᱷᱟ.ᱨᱣᱟ.ᱜ” ᱯᱟᱛᱷᱟᱢ ᱑᱘᱙᱐ ᱟᱨ ᱚᱱᱟ ᱛᱟᱭᱚᱢ “ᱯᱮᱲᱟ ᱦᱚᱲ” ᱯᱟᱛᱷᱟᱢ ᱑᱙᱒᱒ ᱥᱟᱞ ᱨᱮᱭᱟᱜ ᱯᱟᱛᱷᱟᱢ ᱛᱟᱞᱟ ᱛᱮ ᱱᱤᱛ ᱦᱟ.ᱵᱤᱡ ᱦᱚ ᱯᱟᱛᱷᱟᱢ ᱥᱟᱶᱦᱮᱫ ᱨᱮᱭᱟᱜ ᱮᱱᱮᱢ ᱵᱟᱦᱟᱞ ᱢᱮᱱᱟᱜ ᱟᱠᱟᱫ ᱜᱮᱭᱟ᱾

ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟᱺ ᱑᱘᱙᱐ ᱥᱟᱞ ᱨᱮ ᱯᱤ. ᱳ ᱵᱳᱰᱤᱝ ᱟᱜ ᱛᱤ ᱛᱮ ᱯᱟᱨᱥᱟᱞ ᱞᱮᱱ ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ ᱯᱟᱛᱷᱟᱢ ᱫᱚ ᱢᱤᱫ ᱫᱷᱟᱨᱢᱤᱠ ᱯᱟᱛᱷᱟᱢ ᱛᱟᱦᱮ ᱠᱟᱱᱟ᱾ ᱡᱟᱦᱟ ᱫᱚ ᱵᱮᱱᱟ ᱜᱟ.ᱲᱤᱭᱟ. ᱢᱤᱥᱚᱱ ᱯᱨᱮᱥ ᱠᱷᱚᱱ ᱪᱷᱟᱯᱟ ᱥᱚᱫᱚᱨᱚᱜ ᱠᱟᱱ ᱛᱮᱦᱮᱜ᱾ ᱱᱚᱣᱟ ᱯᱟᱛᱷᱟᱢ ᱛᱟᱞᱟ ᱛᱮ ᱤᱥᱟ‌.ᱭ ᱫᱷᱚᱨᱚᱢ ᱨᱮᱭᱟᱜ “ᱵᱟᱭᱵᱮᱞ” ᱨᱮᱭᱟᱜ ᱠᱟᱛᱷᱟ ᱥᱟᱶᱛᱮ ᱥᱟᱱᱛᱟᱲ ᱠᱚᱣᱟᱜ ᱥᱮᱨᱮᱧ, ᱠᱟ.ᱦᱱᱤ, ᱚᱱᱚᱬᱦᱮ ᱠᱚ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱ ᱠᱟᱱᱟ᱾ ᱱᱚᱶᱟ ᱯᱟᱛᱷᱟᱢ ᱛᱟᱞᱟᱛᱮ ᱢᱤᱥᱚᱱᱟᱨᱤ ᱠᱚ ᱟᱠᱚᱣᱟᱜ ᱤᱥᱟ.ᱭ ᱫᱷᱚᱨᱚᱢ ᱯᱟᱥᱱᱟᱣ ᱨᱮᱭᱟᱜ ᱠᱟ.ᱢᱤ ᱦᱚᱨᱟ ᱠᱚ ᱥᱟᱢᱴᱟᱣᱮᱫ ᱛᱟᱦᱮ ᱠᱟᱱ ᱨᱮᱦᱚ ᱚᱱᱟ ᱥᱟᱶᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱦᱚ ᱯᱟᱥᱱᱟᱣ ᱨᱮᱭᱟᱜ ᱢᱤᱫ ᱯᱟᱱᱛᱷᱟ ᱫᱚᱭ ᱧᱟᱢ ᱠᱮᱫ ᱛᱟᱦᱮ ᱠᱟᱱ ᱜᱮ᱾ ᱩᱱ ᱚᱠᱛᱚ ᱟᱭᱢᱟ ᱚᱱᱚᱞᱤᱭᱟ. ᱠᱚ ᱱᱚᱣᱟ ᱯᱟᱛᱷᱟᱢ ᱛᱟᱞᱟ ᱛᱮ ᱟᱠᱚᱣᱟᱜ ᱱᱟᱱᱟ ᱦᱩᱜᱟ.ᱨ ᱠᱟᱛᱷᱟ ᱠᱚᱦᱚ ᱦᱚᱲ ᱠᱚ ᱥᱟᱢᱟᱝ ᱨᱮ ᱠᱚ ᱥᱚᱫᱚᱨ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱱ ᱠᱟᱱᱟ᱾ ᱑᱙᱐᱔ ᱥᱟᱞ ᱨᱮᱭᱟᱜ ᱚᱠᱴᱚᱵᱚᱨ ᱢᱟᱥ ᱦᱟᱵᱤᱡ ᱱᱚᱣᱟ ᱯᱟᱛᱷᱟᱢ ᱨᱮᱭᱟᱜ ᱯᱟᱨᱥᱟᱞ ᱠᱟ.ᱢᱤ ᱫᱚ ᱦᱟ.ᱯᱤᱫ ᱞᱮᱱ ᱛᱟᱦᱮ ᱠᱟᱱᱟ᱾

ᱰᱷᱟ.ᱨᱣᱟ.ᱜᱺ ᱑᱘᱙᱐ ᱥᱟᱞ ᱨᱮ ᱯᱩᱠᱷᱩᱨᱤᱭᱟ. ᱢᱤᱥᱚᱱ ᱯᱨᱮᱥ ᱠᱷᱚᱱ ᱮ. ᱠᱳᱢᱯᱟᱵᱮᱞ ᱟᱜ ᱛᱤ ᱛᱮ ᱛᱮ ᱯᱟᱨᱥᱟᱞ ᱞᱮᱱ “ᱵᱷᱟ.ᱨᱣᱟ.ᱜ” ᱯᱟᱛᱷᱟᱢ ᱫᱚ ᱢᱤᱫ ᱢᱟᱥᱤᱠ ᱯᱟᱛᱷᱟᱢ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱫᱚ ᱢᱤᱫ ᱥᱟᱶᱦᱮᱫᱤᱭᱟ. ᱯᱟᱛᱷᱟᱢ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱨᱮ ᱫᱷᱚᱨᱚᱢ ᱨᱮᱭᱟᱜ ᱠᱟᱛᱷᱟ ᱠᱚ ᱵᱟᱝ ᱯᱟᱨᱥᱟᱞ ᱠᱟᱛᱮᱜ ᱚᱱᱚᱲᱦᱮ, ᱥᱮᱨᱮᱧ, ᱦᱩᱰᱤᱧ ᱠᱟ.ᱦᱱᱤ, ᱠᱩᱫᱩᱢ , ᱵᱷᱮᱱᱛᱟ ᱠᱟᱛᱷᱟ, ᱢᱮᱱ ᱠᱟᱛᱷᱟ, ᱞᱮᱠᱟᱱᱟᱜ ᱥᱟᱱᱟᱢ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱟ.ᱨᱤ ᱪᱟ.ᱞᱤ ᱠᱚ ᱨᱮᱭᱟᱜ ᱠᱟᱛᱷᱟ ᱠᱚ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱ ᱠᱟᱱᱟ᱾ ᱢᱮᱱ ᱮ. ᱠᱳᱢᱯᱟᱵᱮᱞ ᱥᱟᱦᱮᱵ ᱵᱚᱸᱜᱟ ᱛᱟᱞᱟᱛᱮ ᱛᱟᱭᱚᱢ ᱱᱚᱣᱟ ᱯᱟᱛᱷᱟᱢ ᱦᱚ ᱑᱙᱑᱙ ᱥᱟᱞ ᱨᱮ ᱯᱟᱨᱥᱟᱞ ᱦᱟ.ᱯᱤᱫ ᱞᱮᱱᱟ᱾

ᱯᱮᱲᱟ ᱦᱚᱲᱺ ᱯᱮᱲᱟ ᱦᱚᱲ ᱯᱟᱛᱷᱟᱢ ᱫᱚ ᱯᱩᱭᱞᱩ ᱯᱟᱨᱥᱟᱞ ᱞᱮᱱᱟ ᱑᱙᱒᱒ ᱥᱟᱞ ᱨᱮ ᱡᱷᱟᱲᱠᱷᱚᱰ ᱨᱮᱭᱟᱜ ᱵᱮᱱᱟ ᱜᱟ.ᱲᱤᱭᱟ. ᱢᱤᱥᱚᱱ ᱯᱨᱮᱥ ᱠᱷᱚᱱ ᱯᱟᱨᱥᱟᱞ ᱞᱮᱱᱟ ᱟᱨ ᱯᱟᱨᱥᱟᱞᱤᱡ ᱫᱚᱭ ᱛᱟᱦᱮ ᱠᱟᱱᱟ ᱨᱮᱵᱷᱟᱨᱚᱱ ᱡᱮ. ᱜᱚᱥᱰᱟᱞ᱾ ᱱᱚᱣᱟ ᱯᱟᱛᱷᱟᱢ ᱨᱮᱭᱟᱜ ᱢᱩᱲᱩᱫ ᱡᱚᱥ ᱫᱷᱚᱨᱚᱢ ᱯᱟᱥᱱᱟᱣ ᱛᱟᱦᱮ ᱠᱟᱱ ᱨᱮᱦᱚ ᱥᱟᱶᱦᱮᱫ ᱪᱟᱨᱪᱟᱣ ᱨᱮᱜᱮ ᱡᱟ.ᱥᱛᱤ ᱱᱚᱡᱚᱨ ᱠᱚ ᱫᱚᱦᱚ ᱞᱮᱫ ᱛᱟᱦᱮ ᱠᱟᱱᱟ᱾ᱠᱟᱛᱷᱟ ᱨᱮᱠᱚ ᱢᱮᱱ-ᱟ “ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ” ᱯᱟᱛᱷᱟᱢ ᱜᱮ ᱧᱩᱛᱩᱢ ᱟ.ᱨᱩ ᱠᱟᱛᱮᱜ “ᱯᱮᱲᱟ ᱦᱚᱲ” ᱯᱟᱛᱷᱟᱢ ᱫᱚ ᱩᱪᱷᱟ.ᱱ ᱞᱮᱱᱟ᱾ ᱢᱮᱱ ᱠᱷᱟᱱ ᱱᱚᱣᱟ ᱨᱮᱭᱟᱜ ᱠᱳᱱᱳ ᱯᱳᱠᱛᱚ ᱥᱟ.ᱵᱩᱫᱽ ᱫᱚ ᱵᱟᱝ ᱧᱟᱢ ᱟᱠᱟᱱᱟ ᱡᱮ “ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ” ᱯᱟᱛᱷᱟᱢ ᱜᱮ ᱟ.ᱨᱩ ᱠᱟᱛᱮ “ᱯᱮᱲᱟ ᱦᱚᱲ” ᱧᱩᱛᱩᱢ ᱛᱮ ᱪᱷᱟᱯᱟ ᱟᱠᱟᱱᱟ ᱢᱮᱱᱛᱮ᱾ ᱑᱙᱕᱕ ᱥᱟᱞ ᱨᱮ ᱜᱚᱥᱰᱟᱞ ᱥᱟᱦᱮᱵ ᱱᱚᱨᱳᱣᱮ. ᱛᱮ ᱨᱩᱣᱟ.ᱲ ᱪᱟᱞᱟᱣ ᱮᱱ ᱛᱟᱭᱚᱢ ᱱᱚᱣᱟ ᱯᱟᱛᱷᱟᱢ ᱨᱮᱭᱟᱜ ᱟᱺᱜᱤ ᱵᱷᱟᱨ ᱮ ᱧᱟᱢ ᱞᱮᱫᱟ “ᱮᱱᱟᱥ ᱦᱮᱢᱵᱨᱚᱢ” ᱜᱚᱢᱠᱮ ᱾ ᱟᱨ ᱚᱱᱟ ᱛᱟᱭᱚᱢ ᱱᱚᱣᱟ ᱯᱟᱛᱷᱟᱢ ᱨᱮᱭᱟᱜ ᱫᱷᱟᱨᱢᱤᱠ ᱟᱵᱚᱨᱚᱱ ᱨᱟ.ᱯᱩᱫ ᱠᱟᱛᱮᱜ ᱟᱨ ᱠᱚ ᱯᱟᱛᱷᱟᱢ ᱞᱮᱠᱟᱜᱮ ᱱᱚᱣᱟ ᱯᱟᱛᱷᱟᱢ ᱨᱮᱦᱚ ᱠᱩᱫᱩᱢ, ᱠᱟ.ᱦᱱᱤ, ᱥᱮᱨᱮᱧ, ᱦᱩᱰᱤᱧ ᱠᱟ.ᱦᱱᱤ ᱠᱚ ᱥᱟᱶᱛᱮ ᱛᱚᱛᱠᱟ.ᱞᱤᱱ ᱥᱟᱶᱛᱮ ᱨᱮᱭᱟᱜ ᱟ‌.ᱨᱤ ᱪᱟ.ᱞᱤ, ᱫᱮᱥ ᱫᱤᱥᱚᱢ ᱨᱮᱭᱟᱜ ᱟ.ᱨᱤ ᱪᱟ.ᱞᱤ ᱥᱟᱱᱟᱢᱟᱜ ᱠᱚᱭ ᱪᱷᱟᱯᱟ ᱥᱚᱫᱚᱨ ᱟ.ᱜᱩᱭᱮᱫᱟᱭ ᱱᱤᱛ ᱦᱟ.ᱵᱤᱡ᱾

                            ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ, ᱰᱷᱟ.ᱨᱣᱟ.ᱜ, ᱯᱮᱲᱟ ᱦᱚᱲ ᱱᱚᱣᱟ ᱠᱚ ᱯᱟᱛᱷᱟᱢ ᱠᱷᱟᱱ.ᱛᱤᱨ ᱛᱚᱛᱠᱟ.ᱞᱤᱱ ᱵᱟᱝ ᱨᱮ ᱟᱭᱢᱟ ᱥᱟᱱᱛᱟᱲ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟ. ᱠᱚ ᱩᱯᱨᱩᱢ ᱦᱟᱛᱟᱣᱟ ᱨᱮᱭᱟᱜ ᱥᱤᱫ ᱥᱩᱡᱳᱜ ᱠᱚ ᱧᱟᱢ ᱞᱮᱫᱟ᱾ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱟᱭᱢᱟ ᱠᱟᱛᱷᱟ ᱠᱚ ᱫᱤᱥᱚᱢ ᱦᱚᱲ ᱴᱷᱮᱱ ᱠᱚ ᱪᱟᱨᱪᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱠᱚ ᱯᱟᱛᱷᱟᱢ ᱠᱷᱟ.ᱛᱤᱨ ᱵᱮᱧᱟᱢᱤᱱ ᱵᱟ.ᱵᱩ ᱨᱟᱢ ᱥᱚᱨᱮᱱ, ᱡᱟᱠᱚᱵ ᱳ. ᱥᱚᱨᱮᱱ, ᱱᱩᱠᱩ ᱢᱟᱨᱟᱱᱰᱤ, ᱵᱟ.ᱨᱭᱟ.ᱲ ᱥᱚᱨᱮᱱ, ᱡᱟᱞᱯᱟ ᱥᱚᱨᱮᱱ, ᱥᱤᱢᱳᱱ ᱵᱟᱥᱠᱮ,‌ᱥᱮᱢᱩᱭᱮᱞ ᱠᱤᱥᱠᱩ, ᱡᱳᱥᱮᱯᱷ ᱦᱟᱸᱥᱫᱟ, ᱮᱢᱟᱱ ᱞᱮᱠᱟᱱ ᱚᱱᱟᱞᱤᱭ, ᱚᱱᱚᱬᱦᱤᱭᱟ., ᱥᱟᱶᱛᱟ ᱫᱚᱨᱚᱫᱤᱭᱟ. ᱠᱚ ᱨᱟᱠᱟᱵ ᱦᱮᱡ ᱨᱮᱱᱟᱜ ᱫᱟᱲᱮ ᱠᱚ ᱧᱟᱢ ᱞᱮᱫ ᱛᱟᱦᱮ ᱠᱟᱱᱟ᱾ ᱡᱟᱦᱟ ᱠᱷᱟ.ᱛᱤᱨ ᱱᱤᱛᱳᱜ ᱥᱟᱱᱛᱟᱲᱤ ᱥᱟᱶᱦᱮᱫ ᱱᱩᱱᱟ.ᱜ ᱞᱟᱦᱟᱱᱛᱤ ᱟᱠᱟᱱᱟ᱾ ᱚᱱᱟᱛᱮ ᱢᱮᱱ ᱜᱟᱱᱚᱜ- ᱟ ᱥᱟᱱᱛᱟᱤ ᱥᱟᱶᱦᱮᱫ ᱩᱛᱱᱟ.ᱶ ᱨᱮ ᱯᱟᱛᱷᱟᱢ ᱠᱚ ᱨᱮᱭᱟᱜ ᱮᱱᱮᱢ ᱫᱚ ᱟ.ᱰᱤ ᱜᱮ ᱡᱟ.ᱥᱛᱤᱭᱟ᱾

________________________

ᱩᱭᱦᱟ.ᱨ ᱫᱚᱦᱚ ᱞᱮᱠᱟᱱᱟᱜ ᱯᱟᱛᱷᱟᱢ ᱠᱚ ᱑᱘᱙᱐- ᱱᱟᱦᱟᱜ ᱫᱷᱟ.ᱨᱤᱡ

Memorable Santali magazines form 1890 to till date

ᱪᱚᱞᱞᱤᱥ ᱫᱚᱥᱚᱠ ᱨᱮᱭᱟᱜ ᱯᱟᱛᱷᱟᱢ ᱠᱚᱺ

1. ᱢᱟᱨᱥᱟᱞ ᱛᱟᱵᱚᱱ ᱑᱙᱔᱖ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ ᱨᱳᱢᱟᱱ ᱠᱮᱛᱷᱳᱞᱤᱠ ᱢᱤᱥᱚᱱᱟᱜ ᱠᱩᱨᱩ ᱢᱩᱴᱩ ᱛᱮ᱾ ᱱᱚᱣᱟ ᱫᱚ ᱢᱟᱥᱤᱠ ᱯᱟᱛᱷᱟᱢ ᱛᱟᱦᱮ ᱠᱟᱱᱟ ᱟᱨ ᱢᱤᱫ ᱫᱷᱟᱨᱢᱤᱠ ᱯᱟᱛᱷᱟᱢ ᱛᱟᱦᱮ ᱠᱟᱱᱟ᱾

2. ᱦᱚᱲ ᱥᱚᱝᱵᱟᱫᱽ ᱑᱙᱔᱗ ᱥᱟᱞ ᱨᱮ ᱵᱤᱦᱟᱨ ᱥᱚᱨᱠᱟᱨᱟᱜ ᱠᱩᱨᱩᱢᱩᱴᱩ ᱛᱮ ᱪᱷᱟᱯᱟ ᱞᱮᱱᱟ᱾ ᱱᱚᱣᱟ ᱫᱚ ᱢᱤᱫ ᱥᱟᱯᱛᱟᱦᱤᱠ ᱯᱟᱛᱷᱟᱢ ᱛᱟᱦᱮ ᱠᱟᱱᱟ ᱟᱨ ᱫᱮᱵ ᱱᱟᱜᱚᱨᱤ ᱠᱤᱯᱤ ᱛᱮ ᱪᱷᱟᱯᱟᱜ ᱠᱟᱱ ᱛᱟᱦᱮ ᱠᱟᱱ᱾

ᱯᱚᱧᱪᱪᱟᱥ ᱫᱚᱥᱚᱠ ᱨᱮᱭᱟᱜ ᱯᱟᱛᱷᱟᱢ ᱠᱚ

1. ᱡᱩᱜᱽ ᱟᱨᱥᱟᱞ ᱑᱙᱕᱔-᱕᱕ ᱥᱟᱞ ᱨᱮ ᱢᱟᱱᱚᱛᱟᱱ ᱱᱮᱛᱷᱮᱱᱤᱭᱟ.ᱞ ᱢᱩᱨᱢᱩ ᱜᱚᱢᱠᱮᱭᱟᱜ ᱠᱩᱨᱩᱢᱩᱴᱩ ᱛᱮ ᱯᱟᱨᱥᱟᱞ ᱞᱮᱱᱟ᱾ ᱱᱚᱣᱟ ᱫᱚ ᱢᱤᱫ ᱢᱟᱥᱤᱠ ᱯᱟᱛᱷᱟᱢ ᱛᱟᱦᱮ ᱠᱟᱱᱟ᱾

2. ᱜᱟᱞᱢᱟᱨᱟᱣ ᱑᱙᱕᱖(᱑᱙᱕᱕) ᱥᱟᱞ ᱨᱮ ᱯᱩᱭᱞᱩ ᱵᱟᱝᱞᱟ ᱠᱤᱯᱤ ᱛᱮ ᱯᱟᱨᱥᱟᱞ ᱞᱮᱱᱟ ᱱᱚᱣᱟ ᱥᱟᱱᱛᱟᱲᱤ ᱯᱟᱛᱷᱟᱢ᱾ ᱯᱟᱪᱮ ᱵᱟᱝᱞᱟ ᱥᱚᱨᱠᱟᱨᱟᱜ ᱠᱩᱨᱩ ᱢᱩᱴᱩ ᱛᱮ᱾ ᱛᱟᱭᱚᱢ ᱫᱚᱨᱟᱢ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱦᱩᱭ ᱞᱮᱱᱟ ᱯᱚᱪᱪᱷᱤᱢ ᱵᱟᱝᱞᱟ᱾

3. ᱟᱦᱞᱟ ᱯᱟᱛᱷᱟᱢ ᱫᱚ ᱑᱙᱕᱖ ᱥᱟᱞ ᱨᱮ ᱩᱱ ᱟᱜ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱰᱟ.ᱭᱵᱟᱥᱟ ᱴᱟᱴᱟ ᱠᱚᱞᱮᱡᱽ ᱨᱮᱭᱟᱜ ᱠᱩᱨᱩ ᱢᱩᱴᱩ ᱛᱮ ᱯᱟᱨᱥᱟᱞ ᱞᱮᱱᱟ᱾ ᱱᱚᱣᱟ ᱨᱤᱱᱤᱡ ᱯᱟᱨᱥᱟᱞᱤᱭᱟ. ᱫᱚᱭ ᱛᱟᱦᱮ ᱠᱟᱱᱟ ᱯᱨᱚᱯᱷᱮᱥᱚᱨ ᱫᱤᱜᱚᱢᱵᱚᱨ ᱦᱟᱸᱥᱫᱟ᱾

4. ᱠᱷᱮᱨᱣᱟᱞ ᱟᱲᱟᱝ ᱯᱟᱛᱷᱟᱢ ᱫᱚ ᱑᱙᱕᱗ ᱥᱟᱞ ᱵᱟᱸᱠᱩᱲᱟ ᱡᱮᱞᱟ ᱨᱮᱭᱟᱜ ᱡᱟᱞ‌ᱡᱩᱲᱤᱭᱟ. ᱟᱛᱳ ᱠᱷᱚᱱ ᱢᱟᱱᱚᱛᱟᱱ ᱚᱰᱵᱷᱳᱠᱮᱴ ᱵᱷᱚᱵᱚᱛᱳᱥ ᱥᱚᱨᱮᱱᱟᱜ ᱠᱩᱨᱩ ᱢᱩᱴᱩ ᱛᱮ ᱯᱟᱨᱥᱟᱞ ᱞᱮᱱᱟ᱾ ᱱᱚᱣᱟ ᱨᱤᱱᱤᱡ ᱥᱚᱢᱯᱟᱫᱚᱠ ᱮ ᱛᱟᱦᱮ ᱠᱟᱱᱟ ᱢᱟᱱᱚᱛᱟᱱ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱜᱚᱢᱠᱮ᱾

5. ᱟᱲᱟᱝ ᱯᱟᱛᱷᱟᱢ ᱫᱚ ᱢᱟᱱᱚᱛᱟᱱ ᱱᱮᱛᱷᱮᱱᱤᱭᱟᱞ ᱢᱩᱨᱢᱩ ᱜᱚᱢᱠᱮᱭᱟᱜ ᱠᱩᱨᱩ ᱢᱩᱴᱩ ᱛᱮ ᱨᱳᱢᱟᱱ ᱠᱤᱯᱤ ᱛᱮ ᱑᱙᱕᱙ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾

ᱥᱟᱴ ᱫᱚᱥᱚᱠ ᱨᱮᱭᱟᱜ ᱯᱟᱛᱷᱟᱢ ᱠᱚ

1. ᱦᱟ.ᱨᱭᱟ.ᱲ ᱥᱟᱠᱟᱢ ᱯᱟᱛᱷᱟᱢ ᱫᱚ ᱑᱙᱖᱓ ᱥᱟᱞ ᱨᱮ ᱰᱚ. ᱥᱩᱦᱨᱤᱫ ᱠᱩᱢᱟᱨ ᱵᱷᱣᱢᱤᱠ ᱟᱜ ᱠᱩᱨᱩᱢᱩᱴᱩ ᱛᱮ ᱯᱟᱨᱥᱟᱞ ᱞᱮᱱᱟ᱾

2. ᱥᱟᱨ ᱥᱟᱫᱽᱞᱮ ᱯᱟᱛᱷᱟᱢ ᱫᱚ ᱑᱙᱖᱖ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾ ᱛᱟᱭᱚᱢ ᱢᱟᱲᱟᱝ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱟ.ᱨᱩ ᱠᱟᱛᱮᱜ ᱡᱩᱜᱽ ᱥᱤᱨᱤ ᱡᱚᱞ ᱦᱩᱭ ᱞᱮᱱᱟ᱾

3. ᱮᱵᱷᱮᱱ ᱑᱙᱖᱘ ᱥᱟᱞ ᱨᱮ ᱡᱚᱛᱤᱞᱟᱞ ᱢᱟ.ᱱᱰᱤ ᱟᱜ ᱥᱚᱢᱯᱟᱫᱚᱱᱟ ᱛᱮ ᱯᱟᱨᱥᱟᱞ ᱞᱮᱱᱟ᱾ ᱱᱚᱣᱟ ᱫᱚ ᱵᱟᱝᱞᱟ ᱠᱤᱯᱤ ᱛᱮ ᱯᱟᱨᱥᱟᱞ ᱞᱮᱱᱟ᱾

4. ᱡᱩᱜᱽ ᱡᱟᱨᱯᱟ ᱯᱟᱛᱷᱟᱢ ᱫᱚ ᱯᱟᱪᱮ ᱵᱟᱝᱞᱟ ᱨᱮᱭᱟᱜ ASECA ᱠᱷᱚᱱ ᱑᱙᱖᱗-᱖᱘ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾ ᱟᱨ ᱱᱚᱣᱟ ᱜᱮ ᱛᱟᱦᱮ ᱠᱟᱱᱟ ᱯᱟᱪᱮ ᱵᱟᱝᱞᱟ ᱨᱮᱭᱟᱜ ᱯᱩᱭᱞᱩ ᱚᱞ ᱪᱤᱠᱤ ᱠᱤᱯᱤ ᱛᱮ ᱪᱷᱟᱯᱟ ᱯᱟᱛᱷᱟᱢ ᱾

5. ᱥᱟᱨ ᱥᱟ.ᱜᱩᱱ ᱱᱚᱣᱟ ᱯᱟᱛᱷᱟᱢ ᱫᱚ ᱨᱟᱫᱷᱟ ᱱᱚᱜᱚᱨ ᱨᱟᱢ ᱢᱳᱦᱳᱱ ᱠᱚᱞᱮᱡᱽ ᱨᱮᱱ ᱥᱟᱱᱛᱟᱲ ᱯᱟᱴᱣᱟ. ᱠᱚᱣᱟᱜ ᱠᱩᱨᱩ ᱢᱩᱴᱩ ᱛᱮ ᱑᱙᱖᱙ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾

ᱥᱚᱛᱛᱳᱨ ᱫᱚᱥᱚᱠ ᱨᱮᱭᱟᱜ ᱯᱟᱛᱷᱟᱢ ᱠᱚᱺ

--------------------------------------------------------------------------------------

Relevant Posts »    

Explore the rise of Santali Literature -

Learn about the writers and poets of Santali Literature- chirgal chir 

Contributions of British Missionaries in Santali Literature

Santali literature (ᱦᱚᱲ ᱥᱟᱶᱦᱮᱫ) ᱼ Learn about the Santali literature -ᱪᱤᱨᱜᱟ.ᱞ ᱪᱤᱨ