Santali writers and poets of British Era Santali Literature
Summary: In the era of British rule in India, when some of British Missionaries started to collaborate with Santal Community and tried to introduce Santal tribe to the world. Then many people of Santal Tribe lend their hand to the British Missionaries for help. Missionaries like P. O Bodding, L.O Skrefsrud, J. Philips takes the special place in Santal’s heart for giving them the chances to create their identity. In this era many Santali writers and poets were born for Santali Literature. They started to publish their folk song, poems, shorts story etc. Through the mission press of British Missionaries. On the other side British missionaries also got some helping hand for their work. They started to promote Christianity through this budding poets. Because for them, it’s so easy to interact with the people of their community. So they started to promote their stories, religious scriptures, folk tales, culture, traditions and their lifestyle through them. As a result of that many Santali people lost their culture, traditions and converted themselves in Christianity. In this time, one side of Santals got their identity by developing their literature and the other side they also lost their culture, traditions, and their lifestyle.
There were some many budding poets in this era. But they got drowned in the wave of time. Just some name of them are still in the page of history. Although it’s not enough for their proper introduction. In spite of everything here are some known Santali witters and poets names below.
ᱵᱟᱨ ᱠᱟᱛᱷᱟᱺ ᱥᱟᱦᱮᱵ ᱠᱚ ᱡᱚᱦᱚᱜ ᱥᱟᱱᱛᱟᱲᱤ ᱯᱟ.ᱨᱥᱤ ᱥᱮᱲᱟ ᱠᱟᱛᱮᱜ ᱥᱟᱱᱛᱟᱲ ᱥᱟᱶᱛᱟ ᱞᱤᱭᱮ ᱫᱤᱥᱚᱢ ᱦᱚᱲ ᱠᱚ ᱴᱷᱮᱱ ᱪᱟᱨᱪᱟᱣ ᱠᱚ ᱮᱛᱚᱦᱚᱵ ᱠᱮᱫᱟ᱾ ᱩᱱ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱱᱦᱚ ᱟᱭᱢᱟ ᱦᱚᱲ ᱠᱚ ᱩᱱᱠᱩᱣᱟᱜ ᱜᱚᱲᱚ ᱥᱚᱯᱦᱚᱫ ᱞᱟ.ᱜᱤᱫ ᱠᱚ ᱞᱟᱦᱟ ᱦᱮᱡ ᱞᱮᱱᱟ᱾ ᱫᱤᱱ ᱫᱤᱱ ᱛᱮ ᱥᱟᱱᱛᱟᱲ ᱠᱚᱦᱚ ᱱᱚᱱᱚᱞ ᱠᱚ ᱛᱤᱨᱮ ᱠᱚ ᱥᱟᱵ ᱨᱟᱠᱟᱵ ᱞᱮᱫᱟ᱾ ᱥᱟᱦᱮᱵ ᱠᱚᱣᱟᱜ ᱜᱚᱲᱚ ᱥᱚᱯᱚᱦᱚᱫ ᱛᱮ ᱯᱟᱛᱷᱟᱢ ᱠᱚ ᱟᱠᱚᱣᱟᱜ ᱚᱱᱚᱞ ᱠᱚ ᱪᱷᱟᱯᱟ ᱥᱚᱫᱚᱨ ᱨᱮᱭᱟᱜ ᱫᱟᱣ ᱦᱚᱠᱚ ᱧᱟᱢ ᱞᱮᱫ ᱛᱟᱦᱮ ᱠᱟᱱᱟ᱾ ᱟᱨ ᱚᱱᱟ ᱵᱚᱫᱚᱞ ᱛᱮ ᱢᱤᱥᱚᱱᱟᱨᱤ ᱥᱟᱦᱮᱵ ᱠᱚᱦᱚ ᱟᱠᱚᱣᱟᱜ ᱤᱥᱟ.ᱭ ᱫᱷᱚᱨᱚᱢ ᱯᱟᱥᱱᱟᱣ ᱞᱟ.ᱜᱤᱫ ᱱᱩᱠᱩ ᱚᱱᱚᱬᱦᱤᱭᱟ., ᱚᱱᱚᱞᱤᱭᱟ. ᱠᱚᱣᱟᱜ ᱜᱚᱲᱚ ᱥᱚᱯᱦᱚᱫ ᱠᱚ ᱦᱟᱛᱟᱣ ᱞᱮᱫᱟ᱾ ᱡᱮᱞᱮᱠᱟ ᱟᱠᱚᱣᱟᱜ ᱤᱥᱟ.ᱭ ᱫᱷᱚᱨᱚᱢ ᱯᱟᱥᱱᱟᱣ ᱞᱟ.ᱜᱤᱫ ᱥᱮᱨᱮᱧ, ᱫᱷᱚᱨᱚᱢ ᱠᱟᱛᱷᱟ ᱥᱟᱱᱛᱟᱲ ᱠᱚ ᱛᱟᱞᱟ ᱨᱮ ᱯᱟᱥᱱᱟᱣ ᱞᱟ.ᱜᱤᱫ ᱥᱟᱱᱛᱟᱲ ᱛᱮ ᱚᱱᱟ ᱠᱚ ᱛᱚᱨᱡᱚᱢᱟ ᱠᱟᱛᱮᱜ ᱚᱞ ᱵᱮᱞ ᱫᱚ ᱱᱩᱠᱩ ᱥᱟᱱᱛᱟᱲ ᱚᱱᱚᱞᱤᱭᱟ. ᱠᱚᱜᱮ ᱠᱚ ᱢᱮᱛᱟ ᱟᱠᱚ ᱛᱟᱦᱮᱡ᱾ ᱚᱱᱟ ᱠᱷᱟ.ᱛᱤᱨ ᱱᱚᱣᱟ ᱚᱠᱛᱚ ᱡᱟᱦᱟ ᱞᱮᱠᱟ ᱥᱟᱱᱛᱟᱲ ᱥᱟᱶᱦᱮᱫ ᱦᱟᱨᱟ ᱵᱩᱨᱩ ᱞᱮᱱᱟ, ᱚᱱᱠᱟᱜᱮ ᱥᱟᱱᱛᱟᱲ ᱥᱟᱶᱛᱟ ᱨᱮ ᱤᱥᱟ.ᱭ ᱫᱷᱚᱨᱚᱢ ᱦᱚ ᱥᱚᱲᱚ ᱵᱚᱞᱚ ᱞᱮᱱᱟ᱾ ᱢᱮᱱ ᱠᱷᱟᱱ ᱩᱱ ᱫᱤᱱ ᱡᱟᱦᱟ ᱥᱟᱶᱛᱟ ᱨᱮᱱ ᱦᱚᱲ ᱫᱤᱥᱚᱢ ᱨᱮᱱ ᱥᱤᱠᱠᱷᱤᱛᱚ ᱦᱚᱲ ᱴᱷᱮᱱ ᱫᱚ ᱜᱤᱛᱤᱞ ᱥᱩᱢᱩᱝ ᱠᱚ ᱛᱟᱦᱮ ᱠᱟᱱᱟ, ᱩᱱᱠᱩ ᱢᱤᱫ ᱩᱯᱨᱩᱢ ᱠᱚ ᱧᱟᱢ ᱞᱮᱫ ᱛᱟᱦᱮ ᱠᱟᱱᱟ ᱱᱚᱣᱟ ᱠᱷᱟ.ᱛᱤᱨ ᱛᱮ᱾
ᱩᱱ ᱚᱠᱛᱚ ᱟᱭᱢᱟ ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱦᱚᱲ ᱠᱚ ᱱᱚᱱᱚᱞ ᱠᱚ ᱥᱟᱵ ᱨᱟᱠᱟᱵ ᱞᱮᱫ ᱛᱟᱦᱮ ᱠᱟᱱᱟ᱾ ᱢᱮᱱ ᱠᱷᱟᱱ ᱚᱠᱛᱚ ᱯᱚᱞᱚᱢ ᱥᱟᱶ ᱥᱟᱶᱛᱮ ᱟᱭᱢᱟ ᱚᱱᱚᱞᱤᱭᱟ.,ᱚᱱᱚᱬᱦᱤᱭᱟ. ᱠᱚ ᱟᱫ ᱪᱟᱵᱟᱭᱮᱱᱟ᱾ ᱩᱱᱠᱩ ᱠᱚ ᱢᱩᱫ ᱨᱮ ᱠᱤᱪᱷᱩ ᱜᱟᱱᱟᱜ ᱜᱮ ᱱᱤᱛ ᱦᱚ ᱧᱩᱛᱩᱢ ᱢᱮᱱᱟᱜ ᱜᱮᱛᱟ ᱠᱚᱣᱟ᱾ ᱢᱮᱱ ᱠᱷᱟᱱ ᱩᱱᱠᱩ ᱵᱟᱨᱮᱛᱮ ᱦᱚ ᱢᱟ.ᱥᱛᱤ ᱫᱚ ᱵᱟᱲᱟᱭ ᱵᱟᱝ.ᱱᱩᱜ ᱟᱠᱟᱫᱟ᱾ ᱚᱱᱠᱟᱱ ᱠᱤᱪᱷᱩ ᱜᱟᱱ ᱚᱱᱚᱬᱦᱤᱭᱟ., ᱚᱱᱚᱞᱤᱭᱟ. ᱠᱚᱣᱟᱜ ᱧᱩᱛᱩᱢ ᱞᱟᱛᱟᱨ ᱨᱮ ᱚᱞ ᱦᱩᱭ ᱮᱱᱟ᱾
Biram Hansda
ᱵᱤᱨᱟᱢ ᱦᱟᱸᱥᱫᱟᱺ ᱢᱟᱱᱚᱛᱟᱱ ᱜᱚᱢᱠᱮ ᱫᱚ ᱵᱮᱱᱟ ᱜᱟ.ᱲᱤᱭᱟ ᱢᱤᱥᱚᱱ ᱨᱮ ᱥᱮᱞᱮᱫ ᱮ ᱛᱟᱦᱮ ᱠᱟᱱᱟ᱾ ᱮᱞ. ᱳ. ᱥᱠᱨᱮᱯᱥᱨᱩᱰ ᱨᱮᱱ ᱢᱟᱪᱮᱫ ᱮ ᱛᱟᱦᱮ ᱠᱟᱱᱟ, ᱢᱮᱱ ᱫᱚ ᱱᱩᱭ ᱴᱷᱮᱱ ᱠᱷᱚᱱ ᱜᱮ ᱠᱮᱨᱟᱯᱷ ᱥᱟᱦᱮᱵ ᱫᱚ ᱥᱟᱱᱛᱟᱲᱤ ᱨᱚᱲ ᱮ ᱥᱮᱲᱟᱭᱮᱫ ᱛᱟᱦᱮᱡ᱾ ᱚᱱᱟ ᱵᱮᱜᱚᱨ ᱯᱤ. ᱳ. ᱵᱳᱰᱤᱝ ᱥᱟᱦᱮᱵ ᱡᱟᱦᱟ ᱢᱚᱬᱮ ᱦᱟ.ᱴᱤᱧ ᱨᱮᱱᱟᱜ ᱟ.ᱲᱟ. ᱢᱩᱨᱟ.ᱭ ᱮ ᱚᱞ ᱞᱮᱫᱟ ᱚᱱᱟ ᱚᱞ ᱨᱮ ᱜᱚᱲᱚ ᱥᱚᱯᱚᱦᱤᱡ ᱞᱮᱠᱟᱛᱮ ᱢᱤᱫ ᱢᱩᱲᱩᱫ ᱟᱱ ᱮ ᱛᱟᱦᱮ ᱠᱟᱱᱟ᱾
Dedem Marandi
ᱰᱮᱰᱮᱢ ᱦᱟᱸᱥᱫᱟᱺ ᱢᱟᱱᱚᱛᱟᱱ ᱜᱚᱢᱠᱮ ᱦᱚ ᱵᱮᱱᱟ ᱜᱟ.ᱲᱤᱭᱟ. ᱢᱤᱥᱚᱱ ᱥᱮᱞᱮᱫ ᱮ ᱛᱟᱦᱮ ᱠᱟᱱᱟ᱾ ᱚᱸᱰᱮ ᱱᱟᱜ ᱚᱞ ᱵᱮᱞ ᱠᱟ.ᱢᱤ ᱦᱚᱨᱟ ᱠᱚᱭ ᱥᱤᱜᱤᱞ ᱛᱟᱦᱮᱡ᱾ ᱜᱚᱢᱠᱮᱭᱟᱜ ᱟ.ᱰᱤ ᱜᱟᱱ ᱥᱮᱨᱮᱧ ᱠᱚ ᱯᱩᱛᱷᱤ ᱯᱚᱛᱚᱵ ᱠᱚ ᱞᱮᱠᱟᱛᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾
Kalu Marandi
ᱠᱟ.ᱞᱩ ᱢᱟᱨᱟᱱᱰᱤᱺ ᱱᱩᱭ ᱜᱚᱢᱠᱮ ᱦᱚ ᱵᱮᱱᱟᱜᱟ.ᱲᱤᱭᱟ. ᱟᱛᱳ ᱨᱮᱱ ᱜᱮ ᱜᱤᱨᱟ.ᱵᱟ.ᱥᱤᱭ ᱛᱟᱦᱮ ᱠᱟᱱᱟ᱾ ᱚᱱᱟ ᱥᱟᱶᱛᱮ ᱵᱮᱱᱟ ᱜᱟᱱ.ᱲᱤᱭᱟ. ᱢᱤᱥᱚᱱ ᱨᱮᱦᱚ ᱥᱮᱞᱮᱫ ᱮ ᱛᱟᱦᱮ ᱠᱟᱱᱟ᱾ ᱟᱨ ᱚᱸᱰᱮ ᱠᱷᱚᱱ ᱜᱮ ᱥᱮᱨᱮᱧ ᱠᱚᱭ ᱚᱞ ᱯᱟᱥᱱᱟᱣ ᱮᱫ ᱛᱟᱦᱮᱡ᱾ ᱜᱚᱢᱠᱮᱭᱟᱜ ᱟᱭᱢᱟ ᱥᱮᱨᱮᱧ ᱠᱚ ᱯᱩᱛᱷᱤ ᱯᱚᱛᱚᱵ ᱞᱮᱠᱟ ᱛᱮᱦᱚ ᱯᱟᱨᱥᱟᱞ᱾
Dula Hembram
ᱫᱩᱞᱟ ᱦᱮᱢᱵᱨᱚᱢ ᱺ ᱢᱟᱱᱚᱛᱟᱱ ᱜᱚᱢᱠᱮ ᱫᱚ ᱢᱮᱫᱱᱤᱯᱩᱨ ᱢᱤᱥᱚᱱ ᱥᱟᱶ ᱥᱮᱞᱮᱫ ᱮ ᱛᱟᱦᱮ ᱠᱟᱱᱟ᱾ ᱚᱸᱰᱮ ᱥᱮᱨᱮᱧ ᱠᱚ ᱚᱞ ᱨᱮᱭᱟᱜ ᱟ.ᱜᱤ ᱵᱷᱟᱨ ᱮ ᱧᱟᱢ ᱞᱮᱫᱟ᱾ ᱢᱮᱱ ᱫᱚ ᱤᱥᱟ.ᱭ ᱫᱷᱚᱨᱚᱢ ᱯᱟᱥᱱᱟᱣ ᱞᱟ.ᱜᱤᱫ ᱡᱤᱥᱩ ᱟᱜ ᱠᱟᱛᱷᱟ ᱠᱚ ᱥᱟᱱᱛᱟᱲᱤ ᱛᱮ ᱯᱟᱥᱱᱟᱣ ᱞᱟ.ᱜᱤᱫ ᱮ ᱚᱞ ᱵᱮᱞ ᱛᱟᱦᱮᱡ᱾ ᱑᱘᱗᱐ ᱥᱟᱞ ᱠᱷᱚᱱ ᱢᱟᱲᱟᱝ ᱨᱮ ᱡᱟᱦᱟ “ᱢᱮᱫᱽᱱᱤᱯᱩᱨ” ᱥᱮᱨᱮᱧ ᱯᱩᱛᱷᱤ ᱪᱷᱟᱯᱟ ᱞᱮᱱᱟ ᱚᱱᱟ ᱨᱮ ᱜᱚᱝᱠᱮᱭᱟᱜ ᱚᱞ ᱥᱮᱨᱮᱧ ᱠᱚ ᱥᱮᱞᱮᱫ ᱢᱮᱱᱟᱜ ᱟᱠᱟᱫᱟ᱾ ᱟᱨ ᱚᱱᱟ ᱚᱞ ᱵᱮᱞ ᱠᱚᱫᱚ ᱵᱟᱝᱞᱟ ᱦᱚᱨᱚᱯᱷ ᱛᱮ ᱛᱟᱦᱮ ᱠᱟᱱᱟ᱾
Madhusudan Marandi
ᱢᱚᱫᱷᱩ ᱥᱩᱫᱷᱚᱱ ᱢᱟᱨᱟᱱᱰᱤᱺ ᱱᱩᱭ ᱜᱚᱢᱠᱮ ᱦᱚ ᱢᱮᱫᱽᱱᱤᱯᱩᱨ ᱢᱤᱥᱚᱱ ᱥᱟᱶ ᱜᱮ ᱥᱮᱞᱮᱫ ᱮ ᱛᱟᱦᱮ ᱠᱟᱱᱟ᱾ ᱢᱟᱱᱚᱛᱟᱱ ᱜᱚᱢᱠᱮ ᱫᱚ ᱢᱤᱫ ᱜᱟᱭᱱᱟᱦᱟᱨ ᱮ ᱛᱟᱦᱮ ᱠᱟᱱᱟ᱾ ᱟᱢᱮᱨᱤᱠᱟᱱ ᱵᱮᱵᱴᱤᱥ ᱢᱤᱥᱚᱱ ᱠᱷᱚᱱ ᱡᱟᱦᱟ “ᱢᱮᱫᱽᱱᱤᱯᱩᱨ ᱥᱮᱨᱮᱧ ᱯᱩᱛᱷᱤ” ᱪᱷᱟᱯᱟ ᱥᱚᱫᱚᱨ ᱞᱮᱱᱟ , ᱚᱱᱟ ᱨᱮ ᱢᱚᱫᱷᱩ ᱥᱩᱫᱷᱚᱱ ᱢᱟᱨᱟᱱᱰᱤ ᱜᱚᱢᱠᱮᱭᱟᱜ ᱚᱞ ᱥᱮᱨᱮᱧ ᱠᱚᱦᱚ ᱥᱮᱞᱮᱫ ᱛᱟᱦᱮ ᱠᱟᱱ ᱛᱟᱭᱟ᱾
Sibu Besra
ᱥᱤᱵᱩ ᱵᱮᱥᱨᱟᱺ ᱢᱟᱱᱚᱛᱟᱱ ᱥᱤᱵᱩ ᱵᱮᱥᱨᱟ ᱜᱚᱢᱠᱮ ᱫᱚ ᱫᱩᱨᱜᱟ.ᱯᱩᱨ ᱨᱮᱱ ᱜᱤᱨᱟ.ᱵᱟ.ᱥᱤ ᱦᱚᱲ ᱮ ᱛᱟᱦᱮ ᱠᱟᱱᱟ᱾ ᱱᱩᱭ ᱜᱚᱢᱠᱮ ᱦᱚ ᱢᱤᱫ ᱜᱟᱭᱱᱟᱦᱟᱨ ᱮ ᱛᱟᱦᱮ ᱠᱟᱱᱟ ᱡᱟᱦᱟᱭ ᱫᱚ “ᱢᱚᱦᱩᱞ ᱯᱟᱦᱟᱲᱤ ᱢᱤᱥᱚᱱ” ᱥᱟᱶ ᱡᱚᱯᱲᱟᱣ ᱮ ᱛᱟᱦᱮ ᱠᱟᱱᱟ᱾ ᱟᱨ ᱚᱱᱟ ᱢᱤᱥᱚᱱ ᱠᱷᱚᱱ ᱡᱟᱦᱟ ᱠᱚ ᱥᱮᱨᱮᱧ ᱯᱩᱛᱷᱤ ᱠᱚ ᱪᱷᱟᱯᱟ ᱞᱮᱱᱟ ᱚᱱᱟ ᱨᱮ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱥᱮᱨᱮᱧ ᱠᱚᱦᱚ ᱥᱮᱞᱮᱫ ᱛᱟᱦᱮ ᱠᱱᱟ᱾
Kalu Kisku
ᱠᱟ.ᱞᱩ ᱠᱤᱥᱠᱩᱺ ᱢᱟᱱᱚᱛᱟᱱ ᱠᱟ.ᱞᱩ ᱠᱤᱥᱠᱩ ᱫᱚ ᱦᱚᱢᱩᱞ ᱯᱟᱦᱟᱲᱤ ᱢᱤᱥᱚᱱ ᱨᱤᱱᱤᱡ ᱢᱤᱫ ᱠᱟ.ᱢᱤᱭᱟ.ᱭ ᱛᱟᱦᱮ ᱠᱟᱱᱟ᱾ ᱚᱲᱟᱜ ᱫᱚ ᱛᱟᱦᱮ ᱠᱟᱱ ᱛᱟᱭᱟ ᱠᱟᱨᱢᱟᱴᱟᱸᱲ ᱟᱛᱳ ᱨᱮ᱾ ᱥᱮᱨᱮᱧ ᱚᱞ ᱛᱮ ᱟ.ᱰᱤ ᱞᱟᱵᱟᱫᱤᱭᱟ.ᱭ ᱛᱟᱦᱮ ᱠᱟᱱᱟ᱾ ᱢᱚᱦᱩᱞ ᱯᱟᱦᱟᱲᱤ ᱢᱤᱥᱚᱱ ᱨᱮ ᱛᱟᱦᱮᱱ ᱚᱠᱛᱚ ᱡᱟᱦᱟ ᱥᱮᱨᱮᱧ ᱯᱩᱛᱷᱤ ᱠᱚ ᱪᱷᱟᱯᱟ ᱥᱚᱫᱚᱨ ᱞᱮᱱᱟ ᱚᱱᱟ ᱨᱮ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱚᱞ ᱥᱮᱨᱮᱧ ᱠᱚᱦᱚ ᱧᱮᱞ ᱧᱟᱢᱚᱜ-ᱟ᱾
Chaytanya Kumar Hembram
ᱪᱚᱭᱛᱚᱱᱱᱚ ᱠᱩᱢᱟᱨ ᱦᱮᱢᱵᱨᱚᱢ ᱺ ᱪᱚᱭᱛᱚᱱᱱᱚ ᱠᱩᱢᱟᱨ ᱦᱮᱢᱵᱨᱚᱢ ᱜᱚᱢᱠᱮ ᱫᱚ ᱛᱟᱞ ᱡᱷᱟ.ᱨᱤ ᱢᱤᱥᱚᱱ ᱢᱤᱥᱚᱱ ᱨᱤᱱᱤᱡ ᱢᱤᱫ ᱥᱩᱵᱩᱫᱤᱭᱟ.ᱭ ᱛᱟᱦᱮ ᱠᱟᱱᱟ᱾ ᱚᱸᱰᱮ ᱠᱷᱚᱱ ᱥᱮᱨᱮᱧ, ᱠᱟ.ᱦᱱᱤ, ᱚᱱᱚᱬᱦᱮ ᱠᱚᱭᱚ ᱚᱞ ᱛᱟᱦᱮᱡ᱾ ᱚᱸᱰᱮ ᱠᱷᱚᱱ ᱜᱮ ᱪᱷᱟᱯᱟ ᱞᱮᱱ “ ᱵᱮᱱᱟ ᱜᱟᱱ.ᱲᱤᱭᱟ. ᱥᱮᱨᱮᱧ ᱯᱩᱛᱷᱤ ᱨᱮ ᱩᱱᱤᱭᱟᱜ ᱚᱞ ᱥᱮᱨᱮᱧ ᱠᱚ ᱧᱟᱢᱚᱜ ᱜᱮᱭᱟ᱾ ᱚᱱᱟ ᱵᱮᱜᱚᱨ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱢᱤᱫ ᱫᱟᱢᱟᱱ ᱯᱩᱛᱷᱤ ᱱᱚᱣᱟ ᱛᱟᱞ ᱡᱷᱟ.ᱨᱤ ᱢᱤᱥᱚᱱ ᱠᱷᱚᱱ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱡᱟᱦᱟ ᱨᱮᱭᱟᱜ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ “ᱥᱟᱱᱛᱟᱞ ᱯᱚᱨᱜᱚᱱᱟ- ᱥᱟᱱᱛᱟᱞ ᱟᱨ ᱯᱟᱦᱲᱤᱭᱟ. ᱠᱚᱣᱟᱜ ᱤᱛᱤᱦᱟᱥ”, ᱟᱨ ᱱᱚᱣᱟ ᱫᱚ ᱑᱙᱓᱗ ᱥᱟᱞ ᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱫᱚ ᱨᱳᱢᱟᱱ ᱟᱠᱠᱷᱚᱨ ᱛᱮ ᱚᱞ ᱞᱮᱫ ᱛᱟᱦᱮ ᱠᱟᱱᱟᱭ᱾ ᱚᱱᱟ ᱵᱮᱜᱚᱨ “ᱟ.ᱜᱤᱞ ᱦᱟᱯᱲᱟᱢ ᱠᱚᱣᱟᱜ ᱯᱩᱛᱷᱤ” ᱧᱩᱛᱩᱢ ᱛᱮᱦᱚ ᱢᱤᱫ ᱯᱩᱛᱷᱤᱭ ᱪᱷᱟᱯᱟ ᱞᱮᱫᱟ ᱡᱟᱦᱟ ᱵᱟᱨᱮ ᱛᱮᱫᱚ ᱡᱟ.ᱥᱛᱤ ᱵᱟᱲᱟᱭ ᱵᱟᱝ ᱦᱩᱭ ᱟᱠᱟᱱᱟ᱾
Jalpa Murmu
ᱡᱟᱞᱯᱟ ᱢᱩᱨᱢᱩ ᱺ ᱵᱟ.ᱠᱤ ᱠᱳᱲᱟ ᱢᱤᱥᱚᱱ ᱥᱟᱶ ᱥᱮᱞᱮᱫ ᱮ ᱛᱟᱦᱮ ᱠᱟᱱ ᱡᱟᱞᱯᱟ ᱢᱩᱨᱢᱩ ᱫᱚ ᱢᱤᱫ ᱜᱟᱭᱱᱟ ᱦᱟᱨ ᱮ ᱛᱟᱦᱮ ᱠᱟᱱᱟ᱾ ᱢᱤᱥᱚᱱ ᱨᱮ ᱥᱟᱱᱛᱟᱲ ᱛᱮ ᱥᱮᱨᱮᱧ ᱠᱚᱣ ᱚᱞ ᱵᱮᱞ ᱛᱟᱦᱮᱡ᱾ ᱱᱚᱣᱟ ᱢᱤᱥᱚᱱ ᱠᱷᱚᱱ ᱯᱟᱨᱥᱟᱞ ᱞᱮᱫ ᱯᱩᱛᱷᱤ ᱯᱚᱛᱚᱵ ᱠᱚᱨᱮᱜ ᱥᱮᱨᱮᱧ ᱠᱚ ᱪᱷᱟᱯᱟ ᱦᱚ ᱪᱷᱟᱯᱟ ᱞᱮᱱ ᱛᱟᱭᱟ᱾
Baburam Benjamin Saren
ᱵᱟ.ᱵᱩᱨᱟᱢ ᱵᱮᱧᱡᱟᱢᱤᱱ ᱥᱚᱨᱮᱱ ᱺ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱡᱟᱦᱟᱭ ᱫᱚ ᱵᱤ.ᱵᱤ. ᱥᱚᱨᱮᱱ ᱢᱮᱱ ᱛᱚᱠᱚ ᱴᱷᱤᱠᱟ. ᱮᱭᱟ, ᱢᱟᱱᱚᱛᱟᱱ ᱜᱚᱢᱠᱮ ᱯᱩᱠᱷᱩᱨᱤᱭᱟ ᱢᱤᱥᱚᱱ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮ ᱠᱟᱱᱟ᱾ “ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ” ᱟᱨ “ᱯᱮᱲᱟ ᱦᱚᱲ” ᱯᱟᱛᱷᱟᱢ ᱨᱮ ᱢᱤᱫ ᱞᱮᱛᱟᱲ ᱥᱮᱨᱮᱧ, ᱚᱱᱚᱬᱦᱮ, ᱠᱚᱭ ᱚᱞᱮᱫ ᱛᱟᱦᱮᱡ᱾ ᱱᱚᱝᱠᱟ ᱦᱚᱠᱚ ᱞᱟ.ᱭ- ᱟ ᱡᱮ ᱢᱟᱱᱚᱛᱟᱱ ᱜᱚᱢᱠᱮ ᱫᱚ ᱥᱟᱦᱮᱵ ᱠᱚ ᱥᱟᱶ ᱟᱛᱳ ᱫᱟᱬᱟ ᱠᱟᱛᱮᱜ ᱥᱮᱨᱮᱧ ᱠᱚᱦᱚᱭ ᱛᱩᱢᱟ.ᱞ ᱟ.ᱜᱩᱭ ᱛᱟᱦᱮᱡ᱾ “ᱯᱩᱠᱷᱩᱨᱤᱭᱟ. ᱢᱤᱥᱚᱱ” ᱠᱷᱚᱱ ᱪᱷᱟᱯᱟ ᱞᱮᱱ “ᱯᱩᱠᱷᱤᱨᱤᱭᱟ. ᱥᱮᱨᱮᱧ ᱯᱩᱛᱷᱤ” ᱨᱮ ᱢᱚᱱᱚᱛᱟᱱ ᱜᱚᱢᱠᱮᱭᱟᱜ ᱚᱞ ᱥᱮᱨᱮᱧ ᱠᱚᱦᱚ ᱴᱷᱟᱶ ᱮ ᱦᱟᱢᱮᱴ ᱞᱮᱫ ᱛᱟᱦᱮ ᱠᱟᱱᱟ᱾ ᱜᱚᱢᱠᱮᱭᱟᱜ ᱡᱟᱱᱟᱢ ᱴᱷᱟᱶ ᱫᱚ ᱛᱟᱦᱮ ᱠᱟᱱᱟ “ᱦᱟᱡᱟᱨᱤ ᱵᱟᱜᱽ ᱨᱮᱭᱟᱜ ᱰᱩᱢᱩᱨᱤᱭᱟ.” ᱟᱛᱳ ᱨᱮᱹ
Bariyar Saren
ᱵᱟ.ᱨᱤᱭᱟ.ᱲ ᱥᱚᱨᱮᱱᱺ ᱢᱟᱱᱚᱛᱟᱱ ᱵᱟ.ᱨᱤᱭᱟ.ᱲ ᱥᱚᱨᱮᱱ ᱜᱚᱢᱠᱮᱭᱟᱜ ᱡᱟᱱᱟᱢ ᱫᱚ ᱡᱟᱱᱟᱢ ᱫᱚ ᱦᱩᱭ ᱞᱮᱱᱟ ᱑᱘᱗᱑ ᱥᱟᱞ ᱨᱮ ᱡᱷᱩᱱᱠᱤ ᱧᱩᱛᱩᱢᱟᱱ ᱟᱛᱳᱨᱮ᱾ ᱡᱟᱦᱟᱱ ᱢᱤᱥᱚᱱ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮ ᱠᱟᱱᱟ ᱥᱮ ᱵᱟᱝ ᱚᱱᱟ ᱫᱚ ᱵᱟᱝ ᱵᱟᱲᱟᱭ ᱟᱠᱟᱱᱟ᱾ ᱢᱮᱱ ᱠᱷᱟᱱ ᱢᱤᱥᱚᱱᱟᱨᱤ ᱟᱢᱚᱞ ᱨᱮᱭᱟᱜ ᱢᱤᱫ ᱵᱟᱨ ᱥᱮᱨᱮᱧ ᱯᱩᱛᱷᱤ ᱜᱚᱢᱠᱮᱭᱟᱜ ᱚᱞ ᱥᱮᱨᱮᱧ ᱠᱚ ᱧᱟᱢᱚᱜ ᱜᱮᱭᱟ᱾ ᱚᱱᱟ ᱥᱟᱶᱛᱮ ᱢᱟᱱᱚᱛᱟᱱ ᱜᱚᱢᱠᱮᱭᱟᱜ ᱚᱱᱚᱞ ᱠᱚ “ᱦᱚᱲ ᱦᱚᱯᱚᱱ ᱨᱮᱱ ᱯᱮᱲᱟ” ᱟᱨ “ᱯᱮᱲᱟ ᱦᱚᱲ” ᱯᱟᱛᱷᱟᱢ ᱨᱮᱦᱚ ᱧᱮᱞ ᱧᱟᱢᱚᱜ ᱜᱮᱛᱟᱭᱟ᱾
Sona Tudu
ᱥᱳᱱᱟ ᱴᱩᱰᱩ ᱺ ᱢᱤᱥᱚᱱᱟᱨᱤ ᱟᱢᱚᱞ ᱨᱮ ᱵᱟᱨᱭᱟ.ᱱᱛᱤᱨᱞᱟ. ᱚᱱᱚᱞᱤᱭᱟ. ᱟᱜ ᱧᱩᱛᱩᱢ ᱦᱚ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱚᱱᱟ ᱠᱤᱱ ᱫᱚ ᱦᱳᱭᱳᱜ ᱠᱟᱱᱟ— “ᱥᱳᱱᱟ ᱴᱩᱰᱩ” ᱟᱨ “ᱥᱟᱢᱤᱭᱟ ᱴᱩᱰᱩ”᱾ ᱫᱩᱢᱠᱟ. ᱨᱤᱱᱤᱡ ᱫᱷᱚᱨᱚᱢ ᱯᱟᱥᱱᱟᱣ ᱤᱡ ᱜᱩᱞᱩ ᱢᱩᱨᱢᱩ ᱨᱮᱱ ᱛᱤᱨᱤ ᱠᱤᱱ ᱛᱟᱦᱮ ᱠᱟᱱᱟ ᱵᱟᱱᱟ ᱦᱚᱲ ᱜᱮ᱾ ᱢᱤᱥᱚᱱᱟᱨᱤ ᱟᱢᱚᱞ ᱨᱮᱭᱟᱜ ᱚᱞ ᱵᱮᱞ ᱯᱚᱛᱚᱵ ᱯᱟᱛᱷᱟᱢ ᱠᱚᱨᱮᱜ ᱢᱟᱱᱚᱛᱟ.ᱱᱤᱭᱟᱜ ᱚᱞ ᱥᱮᱨᱮᱧ ᱞᱚ ᱧᱮᱞᱚᱜ ᱜᱮᱭᱟ᱾
Samiya Tudu
ᱥᱟᱢᱤᱭᱟ ᱴᱩᱰᱩᱺ ᱵᱟᱰᱟᱭᱚᱜ-ᱟ ᱥᱟᱢᱤᱭᱟ ᱴᱩᱰᱩ ᱫᱚ ᱚᱞᱚᱜ ᱯᱟᱲᱦᱟᱣ ᱫᱚ ᱵᱷᱟᱜᱮ ᱛᱟᱦᱮ ᱠᱟᱱ ᱛᱟᱭᱟ᱾ ᱢᱮᱱ ᱟᱠᱚ ᱵᱟᱝ ᱢᱟ ᱠᱮᱨᱟᱯᱷ(ᱮᱞ. ᱳ. ᱥᱠᱨᱮᱯᱥᱨᱩᱰ) ᱥᱟᱦᱮᱵᱟᱜ ᱚᱯᱷᱤᱥ ᱨᱮᱭ ᱠᱟᱢᱤ ᱛᱟᱦᱮᱡ᱾ ᱢᱟᱱᱚᱛᱟᱱᱭᱟᱜ ᱚᱞ ᱵᱮᱞ ᱠᱚᱦᱚ ᱩᱱ ᱟᱱᱟᱜ ᱯᱩᱛᱷᱤ, ᱯᱟᱛᱷᱟᱢ ᱠᱚᱨᱮᱜ ᱧᱮᱞ ᱧᱟᱢᱚᱜ ᱜᱮᱭᱟ᱾
ᱱᱩᱠᱩ ᱠᱚ ᱪᱷᱟᱰᱟ ᱠᱟᱛᱮᱜ ᱨᱮᱦᱚ “ᱥᱩᱨᱡᱚ ᱢᱩᱨᱢᱩ, ᱵᱚᱭᱫᱚᱱᱟᱛᱷ ᱦᱮᱢᱵᱨᱚᱢ,ᱥᱚᱢᱟᱭ ᱢᱩᱨᱢᱩ” ᱞᱮᱠᱟᱱ ᱠᱚ ᱟᱭᱢᱟ ᱚᱱᱚᱞᱤᱭᱟ. ᱠᱚᱣᱟᱜ ᱚᱞ ᱠᱚ ᱢᱤᱥᱚᱱᱟᱨᱤ ᱟᱢᱚᱞ ᱨᱮᱭᱟᱜ ᱚᱞ ᱯᱩᱛᱷᱤ, ᱯᱟᱛᱷᱟᱢ ᱠᱚᱨᱮᱜ ᱧᱮᱞ ᱧᱟᱢᱚᱜ ᱜᱮᱭᱟ᱾ ᱡᱟᱦᱟᱭ ᱠᱚ ᱵᱟᱨᱮᱛᱮ ᱪᱮᱫ ᱦᱚ ᱵᱟᱰᱟᱭ ᱜᱮ ᱵᱟᱝ.ᱱᱩᱜ-ᱟ᱾
--------------------------------------------------------------------------------------
Relevant Posts »
Explore the rise of Santali Literature -
Contributions of British Missionaries in Santali Literature
Explore the history of Santali magazines - chirgal chir
Santali literature (ᱦᱚᱲ ᱥᱟᱶᱦᱮᱫ) ᱼ Learn about the Santali literature -ᱪᱤᱨᱜᱟ.ᱞ ᱪᱤᱨ
Nothing